1 Timutius 1:15 - Taaz Weru Witu u Nunuwu'en Tombulu

¹⁵ A nuwu' kenu én ulit wo uli-ulit toro pa'émanen: “Si Kristus Yesus i niméyé wia ung kaayahan kenu é mémilot sé tou im witu un ukuman wana a singkéla'.” Wo im wia sé tou nimangun a singkéla', ni akumo si totoz lakez a singkéla'.

1 Timutius 1:15 Iomraidhean Croise

Matius 1:21

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Matius 18:11

Pahpaan si Oki' ni Tou niméyé i mémilot sé tou méikalulu im witu un ukuman wana a singkéla néra.]

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 9:13

Niitumo, mangémo wo pahtata'ula ung kalakoan u Nuwu' witu um Pinantik Lenas kenu, ‘Zéi'kan a raragés ang kapaaz-Ku, taan u raraatéan.’ Pahpaan ni Aku i niméyé én zéi'kan métumawah sé tou ulit, taan métumawah sé tou mahsingkéla'.”

Markus 2:17

U méikua nérama én tinalingama ni Yesus, ang kuan-Na wia ni séra, “Zéi'kan sé tou zéi'kan saki sé memandung si dokter, taan sé tou saki. Ni Aku i niméyé én zéi'kan métumawah sé tou ulit, taan métumawah sé tou mahsingkéla'.”

Lukas 15:2

Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”

Lukas 19:10

Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”

Lukas 5:32

Ni Aku i niméyé én zéi'kan métumawah sé tou ulit taan métumawah sé tou mahsingkéla', wo séra tumula'ula a siningkéla' néra.”

Yohanes 1:12

Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Yohanes 12:47

Sa si tou timalinga an ipahkua-Ku, taan zéi'kan mahwangun niitu, ni Aku én zéi'kan tumotoz ulit kaapa zéi'kan um pahwangunenna. Pahpaan ni Aku i méyé én zéi'kan i mukum sé tou wia ung kaayahan kenu, taan i milot ni séra im witu un ukuman wana a singkéla'.

Yohanes 3:36

Séi uman si ma'éman wia si Oki', si tou itii é makailek ung katou-touan makaz ing kauré-uré. Taan séi uman si zéi'kan mahtali-talinga wia si Oki', zéi'kan makailek ung katou-touan makaz ing kauré-uré taan ukumen ni Opo Empung makaz ing kauré-uré.

Kisah Rasul-rasul 11:1

Sé aatu ni Yesus wo sé katuari esa pa'émanen witi Yudea én timalinga i sé tahsasana wanua walina sé zéi'kan tou Yahudi kasii é nimakailekola u nuwu' ni Opo Empung.

Kisah Rasul-rasul 11:18

Kaitalingamé niitu, ni séra é méikapenes. Tumondongla niitu a séra mahlooz si Opo Empung karia i mahkua, “Niitumo, maan wia sé tou walina sé zéi'kan Yahudi kangkasii én tinambérano ni Opo Empung un oras in tumula'u a singkéla' wo séra toro makailek ung katou-touan makaz ing kauré-uré.”

Kisah Rasul-rasul 3:26

Niitumo, si Opo Empung ing kataré-taré én timoumé sumaup si Ata-Na an iatu-Nama i mangé wia ni kamu, wo ni Sia kumamang ni kamu karia i nimangun ni kamu timula'ula péléng a singkéla' niou, a mawuri sumaup wia si Opo Empung.”

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

Roma 5:6

I ni kita zéi'kan makawawa i mapapilot un touta in esa im witu un ukuman pahpaan a singkéla', si Kristus nimaté pahpaan ni kita mahsingkéla', witu un oras tinotozo ni Opo Empung.

1 Korintus 15:9

Ni aku én zéi'kan wangun ing kuan aatu ni Yesus, pahpaan ni aku i makasa é mahzézéha sé jamaat ni Opo Empung. Niitumo, im wia sé aatu ni Yesus, ni akumo si totoz roros.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

1 Timutius 1:13

Im puuna ni aku é mahséro' u ngaran ni Kristus Yesus wo mahzézéha wo totoz loozan i mahsalou sé tou ma'éman wia ni Sia. Taan ni aku é méiraraatémé ni Yesus, pahpaan in toro niitu ni aku én zéi'kampé' ma'éman wia ni Sia, niitumo péléng am pahwangunengku itii én zéi'kan kata'uangku.

1 Timutius 1:19

Wéwéhan sé woopira tou é soomo mahkiit ung genang weresi néra. Pahpaano niitu ni séra én zéi'mo ma'éman.

1 Timutius 3:1

Totoz ulit ung kukuan kenu, “Si tou paaz maéndo tonaas né jamaat, ni sia é megena-genang um paayangen totoz wangun.”

1 Timutius 4:9

Péléng a méikuama itii én ulit wo wangun im pahkiiten.

1 Timutius 6:13

In tarékan witu u saru-sarun ni Opo Empung si mahwéhémé ung katou-touan wia péléng sé menou-nou wo witu u saru-sarun ni Kristus Yesus, si nimakaulitola ang kata'uan-Na tumoro ang kaulitan witu u sinaru ni Pontius Pilatus, pahaléiengku wia ni ko:

2 Timutius 2:11

Totoz ulit a méikua kenu, “Sa kita maté karia-Na, ni kita kangkasii é menou-nou karia-Na.

Titus 3:8

Péléng a méikuakuma kenu én ulit wo kapaazku péléng niitu én uli-ulit ikuala, wo sé tou ma'émano wia si Opo Empung én uli-ulit mahtututu' i mahpaayang am paayangen wangun. Nianamo a lé'os wo wéwéhan torona wia sé tou.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.

1 Yohanes 3:8

Séi si memua-mualipé' a singkéla', ni sia ém wia si tonaas né sétang a méyé, pahpaan rengané im puuna si tonaas né sétang én zéi'kan kumana' i memua-muali a singkéla'. Pahpaano niia, si Kristus, si Oki' ni Opo Empung é mapailek un tou-Na, wo am pinaayang ni tonaas né sétang ém pakaléwo'en-Na.

1 Yohanes 5:11

Ung kenumo un ipahkua ni Opo Empung tumoro si Oki'-Na: Ni Sia é niméhémomé wia ni kita ung katou-touan makaz ing kauré-uré. Ung katou-touan itii ém wia si Oki'-Na.

Wahyu 21:5

Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 22:6

Ang kuan ni malaekat itii wia ni aku, “Péléng a méikuakuma kenu én ulit wo toro pa'émanen. Si Opo Empung, si niméhé roh wia sé nabi é nimatumoma si malaekat-Na wia sé ata-Na i mapata'u an zéi'mo uré in totoz mamuali.”

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.