1 Timutius 1:13 - Taaz Weru Witu u Nunuwu'en Tombulu

¹³ Im puuna ni aku é mahséro' u ngaran ni Kristus Yesus wo mahzézéha wo totoz loozan i mahsalou sé tou ma'éman wia ni Sia. Taan ni aku é méiraraatémé ni Yesus, pahpaan in toro niitu ni aku én zéi'kampé' ma'éman wia ni Sia, niitumo péléng am pahwangunengku itii én zéi'kan kata'uangku.

1 Timutius 1:13 Iomraidhean Croise

Lukas 12:47

Sa kata'uan ni ata ung kapaaz ni tuang, taan si zéi'kan nimimek kaapa zéi'kan nimangun ung kapaaz ni tuang, un ukuman wia si ata itii ém wutez.

Lukas 23:34

[A si Yesus kumua, “Ama', ampungan ndootuumé séra pahpaan zéi'kan kata'uan néra am pahmualin néra.”] A séra sumawut u lot i mahwéwéténg ung karai-Na.

Kisah Rasul-rasul 22:4

Im puuna, ni aku é mahzézéha sé tou sé mahkiit an tutuzu' ni Yesus Mahpiara makaz ni séra i nimaté. Pahtionangku sé tuama wo sé wéwéné wo ipahuntepa witi bui.

Kisah Rasul-rasul 3:17

Katuari-katuari, kata'uangku am winangun niou wo né tonaas niou i nimunu'mola si Yesus ém pahpaan um winangun niou itii én zéi'kan kata'uan niou.

Kisah Rasul-rasul 8:3

Taan si Saulus é mahtututu' i mahzézéi' sé jamaat itii. Sé tuama wo sé wéwéné ém pahkéhongennamé wo ipahondolé im wana am walé wo séra ipahayonama in iuntep witi bui.

Kisah Rasul-rasul 9:1

In toro niitu, si Saulus éng kawua-wuayana i ma'indé' wo mahwunu' sé tou mahkii-kiit an tutuzu' ni Yesus Mahpiara. Ni sia masimaru wia si Walian Wangko',

Kisah Rasul-rasul 9:13

A mingkotla si Ananias, “Azo Mahpiara. Tinalingakumola wia sé tou lakez an tumoro si tou itii. Totozo lakez sé tou-Mu witi Yerusalem sé zinézéhana.

Kisah Rasul-rasul 9:5

A mingkota si Saulus, “Tuang, séi Ko wé?” Ang kuan-Na, “Ni Akumo si Yesus si pahzézéhannu itii.

1 Korintus 15:9

Ni aku én zéi'kan wangun ing kuan aatu ni Yesus, pahpaan ni aku i makasa é mahzézéha sé jamaat ni Opo Empung. Niitumo, im wia sé aatu ni Yesus, ni akumo si totoz roros.

1 Korintus 7:25

In tarékan u méipantikku én tumoro sé tou zéi'kampé' kimawéng. Tumoro niitu, ni aku én zéi'kan nimakailek um perénta ni Mahpiara. Taan zozo' in téntu, ni aku si tou toro pa'émanen niou pahpaan u raraatéan ni Opo Empung é méhéma u sésésa wia ni séra.

Galatia 1:13

Tantumo ni kamu én timalingamo tumoro ung katou-touangku im puuna, i mahkiitpé' an tinotoz um pa'émanen né tou Yahudi. In toro niitu ni aku én zéi'kan kumana' i mahzézéha sé jamaat ni Opo Empung wo mahtututu' i mahzézéi' ni séra.

Filipi 3:6

Tumoro um wuaya im pahwangunengku, ni aku ém mahzézéha sé tou ma'éman si Yesus Kristus, wo tumoro ung kaulitan pahwangunengku, ni aku én uli-ulit mahkiit un ukum Torat, niitumo zéi'kan siapa tou si toro mapahsasala' ni aku.

1 Timutius 1:16

Taan pahpaano niitu an aku iraraatémé ni Opo Empung, wo si Yesus Kristus toro mapaileké péléng ung kaezenan-Na wia ni aku, si tou totoz lakez singkéla' kenu. Karia in téntu ni aku é nimaéndo kékéréan né tou sé ma'éman wia si Yesus wo sé makailek ung katou-touan makaz ing kauré-uré.

Ibrani 4:16

Niitumo, tia'mo kita maindé' i rumété wia si Opo Empung si rimumez witu u rurumezan-Na ing Kolano. Pahpaan i ni kita mangé witu u sinaru-Na, si Opo Empung é rumaraaté ni kita, zéi'kan mengiit un zéi'kan enté' wia ni kita, taan mengiit ung kalé'osan-Na. Si Opo Empung én tumambéré ang kamang wo menté' ni kita, wo kita tulungen-Na witu un oras ni kita i mekitulung.

1 Petrus 2:10

Im puuna ni kamu én zéi'kan tou ni Opo Empung, taan in tarékan ni kamu é nimaéndomola tou-Na. Wo im puuna kasii si Opo Empung én zéi'kampé' nimapailek u raraatéan-Na, taan in tarékan ni kamu é nimakaileko u raraatéan-Na.