1 Timutius 1:10 - Taaz Weru Witu u Nunuwu'en Tombulu

¹⁰ sé tou samek wo sé tuama mahwangun karia né katuama nérakan an toro uman pahwangunen né tuama wo wéwéné, sé mahremu' sé tou in iwangkér maéndo ata, sé tantowo, sé mahtiwa' an zéi'kan ulit wo péléng an zéi'kan mahkiit an tutuzu' ulit

1 Timutius 1:10 Iomraidhean Croise

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Roma 1:26

Niitumo ni séra é méiwaya ni Opo Empung ing kinawasa a lelo léwo' un awak néra wana ang kaizangnokané. Taka-takazan sé wéwéné zéi'mo mahwangun an toro uman wangunen né wéwéné wo né tuama, sinawelan néra uman taréla im pahwangunen karia né kawéwéné néra.

1 Timutius 4:6

Timotius, niitu péléng én totoz in ipahtuzu'mula wia sé katuari esa pa'émanen, wo séra zéi'kan kumiit an tutuzu' zéi'kan ulit. Karia in téntu, ni ko é maéndo memamaayang ni Kristus Yesus si lé'os uman. Sa ko mangunla un téntu, um pa'émanennu éng kaenté'na pahpaan rengan im puuna é mahkiit an tutuzu' ulit.

1 Timutius 6:3

Séi si mahtuzu' an tutuzu' an zéi'kan masuat wo soo kumiit an tutuzu' ni Yesus Kristus Mahpiarata wo kasii nimawalinaan karia an tutuzu' kaulitan tanu am pahkiitenta i mahragés wia si Opo Empung,

2 Timutius 1:13

Pahkiitela lumé'o-lé'os péléng an tutuzu' mémoituzu'ku wia ni ko. An tutuzu' itii ém wangunela kékéréan an tutuzu' kaulitan. Wo pahwangunela niitu karia um pa'émanen wo u raraatéan pahpaan i nimaesamo karia ni Kristus Yesus.

2 Timutius 4:3

Pahpaan un orasna é méyé i sé tou soomo an tutuzu' ulit. Ni séra ruméwok sé méster mengiit um paaz néra ing kumua ang kapaaz néra in talingan.

Titus 1:13

Un ipahkua ni nabi itii én ulit. Niitumo, totoz ing kaupi'ala séra wo séra mazéi' i ma'éman an tutuzu' zéi'kan ulit,

Titus 1:9

uli-ulit mahkiit an tutuzu' kaulitan. Karia in téntu ni sia é makawawa i mahsésa karia an tutuzu' mengiité ang kaulitan wo makawawa i mangun sé tou sé mahsasaru uman an tutuzu' kaulitan, i ma'éman an tutuzu' itii.

Ibrani 13:4

Péléng sé tou é léwo'zéi' i mahsigi'la u mahkawéng wo tia' ung kokolo'an maéndo tampa pahsamekan, pahpaan si Opo Empung é mukum sé samek wo sé tou sangaya.

Yudas 1:7

Téntu u nimamuali witi Sodom wo Gomora karia am wanua tua'na makaliklik witu. Am pahwangunen né tou wana é masuat wo am pahwangunen né malaekat itii, mahwangun a samek wo mahwuwutul uman a lelo léwo' un awak néra an zéi'kan tanu ang kinanaram. Ni séra péléng é niukum karia un api zéi'kan mahpaté-patéla i mapagenang wia péléng sé tou.

Wahyu 18:13

ang kulit kai tombal wo am pahwangunen lana mahwou tariis kaapa balsem, a mahwou tariis, mur wo kamania, an anggor, a lana zaitun, an topong totoz wangun wo ang gandum, sé sapi, sé domba, sé kawalo wo a roda, sé ata wo un asengan ni tou.

Wahyu 21:27

Sé tou mahwangun a makati'tiren, kaapa sé mahwangun a makazi'zisen kaapa mahtowo én zéi'kan toro muntep witu um wanua tua'na itii. Taan sé toro muntep witu én akaz uman sé tou a ngaran néra é méipantik witu ung Kitap Katou-touan un anu ni Anak ni Domba itii.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.