1 Petrus 4:10 - Taaz Weru Witu u Nunuwu'en Tombulu

¹⁰ Ni kamu si esa wo si esa ém winéhan un tatambér ni Opo Empung. Niitumo ni kamu sé tou lé'os mengimek an tatambér itii, pahimekela lé'os a méitambéré itii i mahsawang sé tou walina.

1 Petrus 4:10 Iomraidhean Croise

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 24:14

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Matius 24:21

Pahpaan in toro niitu é mamuali an zézéha zéi'mo kakuaan, un zéi'kampé' nimahmua-mualila rengané ung kaayahan im winangun makaz in tarékan wo un zéi'mo mahmua-mualila.

Matius 24:45

Kuano kasii ni Yesus, “Sa téntu, séi si ata mahtali-talinga wo tulap si éndon ni tuangna i maéndo tonaas né ata walina wo mahwéhé ung kanen wia ni séra witu un oras tinotozo?

Matius 25:17

Si ata nimakailek un zuana riwu zoit mas kangkasii nimangunla un téntu. Un zoit wia ni sia éng kinaawesané zuana riwu zoit mas.

Matius 25:44

Ni séra é mingkot wia ni Sia, ‘Mahpiara, ing kawisa ni kai nimilek ni Ko i maharem, kaapa i maré'o, kaapa in tou limepuh umané, kaapa zéi'kan kimarai, kaapa saki, kaapa witi bui wo ni kai zéi'kan timulung ni Ko?’

Markus 10:45

Pahpaan si Oki' ni Tou i niméyé én zéi'kan i selewiren, taan ni Sia i niméyé é mésumelewir wo i mayo ung katou-touan-Na in tumubus a singkéla' né tou lakez.”

Lukas 12:42

Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Lukas 19:13

Puunala sia i nimangé, ni sia timawahmé sé ata mapulu' a séra wéhannala tata'saan un zoit mas ang kuan-Na wia ni séra, ‘Pakéla un zoit kenu i mahwangké-wangkér takaz ni aku mawurimé sumaup.’

Lukas 8:3

Wo si Yohana si mahayo ni Khuza. Si Khuza kenu én tonaas né mahpaayang witi istana ni Herodes. Wéwéhan kasii si makangaran Susana wo lakez sé wéwéné walina. Sé wéwéné itii é mahsawang si Yesus wo sé pahtuzu'en-Na karia an zoit néra.

Roma 15:25

Taan in tarékan ni aku éng karegas mahlampanga mangé witi Yerusalem, i mahalima a sasawang wia sé tou ma'éman wana.

Roma 15:27

Karia i mahpaa-paaz ni séra timotozla i mangun un téntu. Taan pahilekengkula ni séra é léwo'zéi' sumawang sé tou zéi'kan siapa apa itii. Pahpaan, sa sé tou Yahudi é niméténgo wia sé tou zéi'kan Yahudi ung kamang in timalinga u Nuwu' Lé'os tumoro si Yesus, tantumo sé tou zéi'kan Yahudi sé ma'éman é léwo'zéi' i sumawang sé tou Yahudi karia i méhéla wia ni séra am pemandungen néra.

1 Korintus 15:10

Taan si Opo Empung timambéré ung kamang wia ni aku makaz ni aku in tarékan é niéndo aatu ni Yesus, makaz ung kamang méitambér-Na wia ni aku ém wéwéhan torona. Lumouspé'mé niitu, im wia sé aatu-Na, ni aku si totoz nima'ulit i mahpaayang taan sé aatu walina. Taan am pinaayangku itii, zéi'kan pahpaan ung ketezku in esa, taan pahpaan ung kamang méitambér ni Opo Empung wia ni aku makaz ni aku makawawa i maayang am paayangen itii.

1 Korintus 3:10

Si Opo Empung én timambéré ung kamang wia ni aku makaz ni aku si nimaéndo tanu tonaas né mahpaayang in zimeta' um watu to'tolan um walé. Sé tou walinamokan sé mangun um walé witu um wawo um watu to'tolan méizeta'ku itii. Taan sé tou mahrendai um walé witu un to'tolan itii én totoz mile-ilek i mahpaayang.

1 Korintus 4:7

Séi si nimangun i ni kopé' si ipahpuu-puuna taan sé tou walina? Zéi'kankuaa péléng an anumu é méitambér umané ni Opo Empung wia ni ko? Kaa ko mahloo-looz an anumu, tanumokan niana péléng éng kinailekannu in esa?

2 Korintus 6:1

Ni kai éng kapaayang ni Opo Empung, niitumo ni kai sumésama wia ni kamu, tia' ung kamang méitambér ni Opo Empung ung kinailekan niouo én zéi'kan siapa torona.

2 Korintus 9:1

Zéi'mo ipantikkuma wia ni kamu tumoro un isawang sé tou linenas ni Opo Empung witi Yudea.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

2 Timutius 1:18

Ni kopé' si totoz mata'u taan ni aku, ung kalakez um pinaayangna im witi Efesus. Mengalé-ngaléi uman si Mahpiara é rumaraatémé ni sia im witu un endo si Opo Empung métumotoz ulit kaapa zéi'kan um pahwangunen né tou.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

Ibrani 6:10

Pahpaan si Opo Empung én zéi'kan mahsanaweka, niitumo ni Sia én zéi'kan maliuz am pahpaayangen niou wo u raraatéan niou wia ni Sia u méipapailek niou karia i mahsawang sé tou-Na. Niitu ém pinahwangun niouomé rengané im puuna makaz in tarékan.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

1 Petrus 5:12

Karia im pinahsawangala ni Silas, ni aku nimantika um pinantik potot uman kenu. Totoz kata'uangku i si Silas kenu éng katuariku esa pa'émanen wo ni sia én toro pahtali-talingan. Um pinantik kenu ém pinantikku wo iwéhékuma i sumésama wo totoz mapagenanga wia ni kamu sa niia én uli-ulit kamang méitambér um wia si Opo Empung a méyé. Totoz in enté'ela um pa'émanen niou im wana ang kamang méitambér ni Opo Empung itii.