1 Petrus 3:8 - Taaz Weru Witu u Nunuwu'en Tombulu

⁸ Ing kamurian, kapaazku ni kamu én esa genang, mahgena-genangan, rumaraaté sé tou esa pa'émanen, meripu' umané i rumaraaté wo zéi'kan wera'.

1 Petrus 3:8 Iomraidhean Croise

Matius 18:33

Zéi'kankuaa ni ko kangkasii é léwo'zéi' i rumaraaté si kakariamu tanu ni aku i rimaraatémo ni ko?’

Lukas 10:33

Tumondong niitu, wéwéhan si tou Samaria, si mahlampang a mélumangkoi witu. I niileknama si tou tawimo maté itii, mawiamé u raraatéanna wia si tou itii.

Kisah Rasul-rasul 2:1

Im witu un endo wangko' Pentakosta, péléng sé tou ma'éman wia si Yesus é nimaréwok witu um walé.

Kisah Rasul-rasul 27:3

Masandomé, kai timulima witi Sidon. Si Yulius én totoz lé'os im wia si Paulus wo ni sia é niénéala ni Yulius i mangé mahilekan karia né kakariana wo séra toro méhémé am pemandungen ni Paulus.

Kisah Rasul-rasul 28:7

Zéi'kan zou'ma im witu, wéwéhan un tana' anu ni makangaran Publius si tonaas ung katanaan itii. Ni kai é sinungkulna wo teluna endo ni kai totoz sinuhu'namé.

Kisah Rasul-rasul 4:32

Péléng sé tou ma'éman én esa genang wo nimaesaan, wo zéi'kan siapa zozo' in esa si mahkua im péléng an anuna én anuna in esa, taan péléng an anuna én anu néra péléng.

Roma 12:10

Mengalé-ngaléi ni kamu é mahraa-raatéan tanu a mahtuari wo mahpuu-puunala i mahwéhé a sisigi'an.

Roma 15:5

Mengalé-ngaléi uman si Opo Empung si mahwéhémé ang kaezenan wo a mahenté' un até kangkasii é méhémé un esa genang wia ni kamu, tanu ung kapaaz ni Kristus Yesus,

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

1 Korintus 12:26

Niitumo, sa un esa witu un awakta é mahpendan zéha, péléng am witu un awakta én zézéha. Sa un esa witu un awakta pahloozen, péléng am witu un awakta é mahpaa-paaz.

Efesus 4:2

Irorosla un até niou, mahelu-eluzan umanla wo meze-ezen. Ipapailekla u raraatéan niou karia i mahsawa-sawangan.

Efesus 4:31

Péléng a merara un até, a raranguan, an upi', a mengoro-ngoro' wo mahkua an zéi'kan ulit tumoro sé tou walina én zéi'enola im wia ni kamu, téntu kangkasii péléng a léwo'an én izou-zou' im wia ni kamu.

Efesus 4:32

Taan mahtututu'la i mahwangun a lé'os si esa im wia sé walina, mahraa-raatéan wo mahampu-ampungan tanu si Opo Empung niméhé ampungan mengiit um winangun ni Kristus.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

Filipi 3:16

Un totoz ipahpuu-puuna, ung katou-touanta é mahkiitla an tutuzu' ulit mémoituzu' ni Opo Empung makaz in tarékan.

Kolose 3:12

Pahpaan nimaéndomo tou pinéléng wo ikararaaté wo linenas ni Opo Empung, niitumo ni kamu é mapailekla u raraatéan, ung kalé'osan, u roros até, ung kaeluzan wo ung kaezenan.

Ibrani 13:1

Katuari-katuari, tia'mo kumana' i mahraa-raatéan si esa wo si esa.

Yakobus 2:13

Pahpaan si tou zéi'kan siapa raraatéan én totozen in ulit kaapa zéi'kan karia un zéi'kan siapa raraatéan. Taan u raraatéampé' un enté' taan un ukuman.

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

Yakobus 5:11

Ni séra ém pahkuan i mahpaa-paazo, pahpaan ni séra én totoz ezen i mahsaru an zézéha. Ni kamu én timalingamo ung kaezenan ni Ayub wo kata'uan niouo ing kamurian kura si Mahpiara ing kimamang ni sia. Pahpaan si Mahpiara én totoz rumaraaté wo meripu' umané i rumaraaté.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 2:17

Pahsigi'ela péléng sé tou, iraraatéla sé katuari esa pa'émanen. Ipapailekla i ni kamu é maindé' wia si Opo Empung wo pahsigi'ela si kolano.

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”

2 Petrus 1:7

Wo witu u mahkiit ang kapaaz ni Opo Empung ém pahawesala karia u rumaraaté sé katuari esa pa'émanen, wo u rumaraaté sé katuari esa pa'émanen ém pahawesala karia u rumaraaté péléng sé tou.

1 Yohanes 3:14

Kata'uanta, i ni kita é niméramomé im witu um patéan a mangé witu ung katou-touan, pahpaan ni kita é rumaraaté sé katuarita esa pa'émanen. Séi si zéi'kan rumaraaté, ni sia éng kinawasapé' um patéan.