1 Petrus 3:1 - Taaz Weru Witu u Nunuwu'en Tombulu

¹ Téntu kangkasii isésakuma wia ni kamu sé wéwéné makamahayo, ni kamu é léwo'zéi' i mahtali-talinga wia si mahayo niou si esa wo si esa. Karia in téntu, sa wéwéhan si mahayo zéi'kan ma'éman, maan ni séra zéi'kan nuwu'an nioula, ni séra é ma'éman u Nuwu' ni Opo Empung pahpaan i mahileka am pahwangunen niou.

1 Petrus 3:1 Iomraidhean Croise

Matius 18:15

Ang kuan kasii ni Yesus, “Sa si katuarimu sumingkéla'la, mengesama ko in tumawahmé ni sia wo séro'ennula. Sa sia paaz tumalinga a sésésamu, ni sia ém winangunmumola nimawurimé sumaup wia ni ko.

Roma 10:16

Taan zéi'kan péléng sé tou é simungkul u Nuwu' Lé'os itii. Pahpaan si nabi Yesaya in esa éng kimua, “Mahpiara, séi si ma'éman an ipahwoka' nai?”

Roma 6:17

Ni aku é mapaayo u makasé wia si Opo Empung! Pahpaan im puuna ni kamu én ata a singkéla', taan in tarékan ni kamu én uli-ulit mahkiit an tutuzu' méiwéhémo wia ni kamu.

Roma 7:2

Tanu ang kenu: si wéwéné kimawéngo ém pina'esa karia ni mahayona mengiit an tinotoz i si mahayona itii menou-noupé'. Taan sa si mahayona itii matéma, si wéwéné itii é mémoipilot im wana an tinotoz tumoro u mahkawéng.

1 Korintus 11:3

Taan kapaazku ni kamu é mata'u un téntii: si Tonaas ni tuama é si Kristus wo si tonaas ni wéwéné é si tuama, wo si Tonaas ni Kristus é si Opo Empung.

1 Korintus 14:34

Tanu péléng am pahwangunen né jamaat sé linenas ni Opo Empung, sé wéwéné im wana am pahréwo-réwokan né jamaat i mahragés é rimumez makapenes wo mahtalinga wia si mahnuwu' witu um pahréwo-réwokan itii. Ni séra zéi'kan toro numuwu'. Téntu u méipantik witu un ukum Torat.

1 Korintus 7:16

Pahpaan zéi'kampé' kata'uannu, é ni ko wéwéné ma'émano, sa si mahayomu si zéi'kampé' ma'éman ém woo toro akerennu makaz sia ipilot im witu un ukuman wana a singkéla'na. Téntu kangkasii ni ko, in tuama ma'émano, zéi'kampé' kata'uannu sa si mahayomu si zéi'kampé' ma'éman ém woo toro akerennu makaz sia ipilot im witu un ukuman wana a singkéla'na.

Efesus 5:33

Taan ung kenu kangkasii én tumoro ni kamu sé sana séndé'mo: Iraraatéla si wéwéné mahayomu tanu ni ko i rumaraaté un toumu in esa, wo wia si wéwéné makamahayo, pahsigi'ela si mahayomu.

Kolose 3:18

É kamu im wéwéné makamahayo, mahtali-talingala wia si mahayomu, téntu ung kapaaz ni Mahpiara.

Kolose 4:5

Ni kamu é léwo'zéi' tulap i menou-nou karia né tou zéi'kan ma'éman wo un témpo ém pahpakéla lumé'o-lé'os.

2 Tesalonika 1:8

Ni Sia kasii in timumpamé é mémukum sé tou soo mata'u si Opo Empung wo soo mahkiit u Nuwu' Lé'os tumoro si Yesus, si Mahpiarata.

Ibrani 11:8

Pahpaan i ma'éman, si Abraham é mahtali-talinga un ipahkua ni Opo Empung wia ni sia. I ni sia tinawah i mangé witi tampa u maéndo anuna, ni sia nimangé zozo' in zéi'kampé' kata'uanna wisa un angéanna itii.

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 3:2

Ni séra é ma'éman sa mengile-ngilek an totoz wangun am pahwangunen niou wo mahkiit ung kapaaz ni Opo Empung.

1 Petrus 3:7

Téntu kangkasii ni kamu in tuama makamahayo, ni kamu é léwo'zéi' i menou-nou karia im wangun wo si mahayo niou si esa wo si esa. Gena-genangen, ung ketez néra én zéi'kan masuat karia ung ketez niou. Pahsigi'ela séra pahpaan ni séra kasii nimakailek ung katou-touan u méitambéré ni Opo Empung. Pahwangunela niitu wo am pengaléien niou talingan ni Opo Empung.

1 Petrus 4:17

Pahpaan in tarékan én orasnamo si Opo Empung in tumotoz ulit kaapa zéi'kan am pahwangunen né tou, wo sé kataré-taré totozen-Na é sé tou-Na in esa. Sa Sia in tumotoz éng kumataréma wia ni kita in tou-Na, kura rékén u mamuali wia sé tou soo ma'éman u Nuwu' Lé'os ni Opo Empung?