1 Petrus 2:6 - Taaz Weru Witu u Nunuwu'en Tombulu

⁶ Witu um Pinantik Lenas, é méipantik in téntii, “Ilekena, mémoito'tol-Kumé witi Sion um watu pinéléng-Kumo wo totoz mahal. Wo séi si ma'éman wia ni Sia, zéi'kan ipapaiza-izang.”

1 Petrus 2:6 Iomraidhean Croise

Matius 12:18

“Si kenumo si Ata si pinéléng-Ku, si kararaaté-Ku wo si kapaaz-Ku. Si Roh-Ku én iwéhé-Ku wia ni Sia wo ni Sia é mapailek an zéi'kan mahsanaweka wia sé tahsasana wanua.

Markus 12:10

Zéi'kampé' binaca nioula wé u méipantik witu um Pinantik Lenas kenu, ‘Um watu mémoitia' né memamangun am walé é nimaéndomola watu to'tolan.

Lukas 20:17

Taan si Yesus merena wia ni séra a mahkua, “Sa téntu, apa ung kalakoan u méipantik witu um Pinantik Lenas kenu: ‘Um watu mémoitia' né memamangun am walé é nimaéndomola watu to'tolan.’

Lukas 23:35

Lakez sé tou rimendai witu nimilek péléng u mahmuali. Taan sé tonaas né tou Yahudi é mahséro' wia ni Sia, kuan néra, “Sé tou walina én tinulung-Na, iwayamola ni Siamokan si tumulungla un tou-Na in esa, sa Sia uli-ulit Mesias si pinéléng ni Opo Empung.”

Yohanes 7:38

Séi uman si ma'éman ni Aku, tanu u méipantik witu um Pinantik Lenas: im witu un aténa én tanu mahso'so'mé u so'so'an mahwéhémé un zano katou-touan.”

Kisah Rasul-rasul 1:16

“Katuari-katuari, a méikua ni Roh Lenas mengiité si Daud witu um Pinantik Lenas tumoro si Yudas si nimahwalimé sé tou in timion si Yesus é léwo'zéi' mamuali.

Roma 10:11

Pahpaan witu um Pinantik Lenas é méipantik in téntii, “Séi uman sé ma'éman ni Sia én zéi'kan papaiza-izang.”

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

Efesus 2:20

Ni kamu sé ma'éman wia si Kristus Yesus én toro pasuaten karia um walé winangun ni Opo Empung. Sé aatu ni Yesus wo sé nabi sé zimeta'ma um watu to'tolan um walé wo um watu to'tolan itii é si Kristus Yesus.

2 Timutius 3:16

Péléng am witu um Pinantik Lenas é méituzu' ni Opo Empung. Wo am pinantik itii ém wéwéhan torona: in tumuzu', i mapata'u ang kasumalaan, i suméro' sé tou wo in tumuzu' sé tou kura i menou-nou ulit witu u sinaru ni Opo Empung.

1 Petrus 2:4

Niitumo, méyémo wia si Yesus si Mahpiara. Ni Sia én tanu um watu menou-nou. Um watu itii é méitia' né tou, taan pinéléng wo pahsigi'en im witu u sinaru ni Opo Empung.

1 Petrus 2:8

Ni séra ém pahkasangkil wia ni Sia pahpaan zéi'kan mahtalinga u Nuwu' ni Opo Empung. Téntu un tinotozo ni Opo Empung i mamuali wia ni séra.

2 Petrus 1:20

An totoz ipahpuu-puuna ing kata'uan nioula é: A méipahkuamé ni Opo Empung wia sé nabi, u méipantik witu um Pinantik Lenas én zéi'kan toro pahtata'un mengiit uman ung ginenang in esa.

2 Petrus 3:16

Si Paulus kangkasii é mahtuzu' niana wana péléng am pinantikna. Im wana am pinantikna itii ém wéwéhan an tawi zéi'kan katulapan né tou. Ung kalakoan am pinantik an tawi zéi'kan katulapan itiimo un ipahséa' né zéi'kan mata'u apa wo né zéi'kan totoz enté' um pa'émanen. Zéi'kan uman niitu, a Nuwu' ni Opo Empung walina kangkasii én ipahséa' néra. Pahpaan am pahwangunen néra itii, ni séra é maléwo'en ni Opo Empung.