1 Petrus 2:1 - Taaz Weru Witu u Nunuwu'en Tombulu

¹ Pahpaano niitu, ni kamu éng kumana'mola i memua-muali a léwo'an. Tia'mo mahtowo, tia'mo mahwangu-wangun i lumé'ospé'mé sé tou walina, tia'mo mahtéutéu wo kasii tia'mo mahtawuruk sé tou.

1 Petrus 2:1 Iomraidhean Croise

Matius 15:7

É kamu in tou mahgau-gau lé'os! Ulito u méikua ni Opo Empung tumoro ni kamu mengiité si nabi Yesaya in téntii,

Matius 23:28

Téntu kangkasii ni kamu, pahileken né tou ni kamu é mahwangun an ulit, taan im witu un até, ni kamu é mawuta-wuta an zéi'kan ulit wo a léwo'an.

Matius 24:51

si ata itii ém wunu'en ni tuangna wo mangun ni sia maasar sé tou mahgau-gau lé'os. Im wana sé tou é mamé' makaz am waang éng karékétokan.”

Matius 7:5

É tou mahgau-gau lé'os! Éndompé'la u salawako witu um werenmu, wo taré kaile-ilekannu un emu' witu um weren ni katuarimu wo niitu taré éndonnu.

Markus 12:15

Taan kata'uan ni Yesus i ni séra é mahgau-gau lé'os. Ang kuan-Na wia ni séra, “Kaa kamu mema'wa' ni Aku? Pahaliné wia ni Aku un zoit esa dinar wo toro ilekeng-Ku!”

Lukas 11:44

Ikaléwo'mo ni kamu! Pahpaan ni kamu én tanu a lelewengan zéi'kan tinandaan, sé tou memuri-muri witu én zéi'kan mata'u sa niitu é lelewengan.”

Lukas 12:1

In toro niitu én totoz lakez sé tou nimaréwok makaz ni séra é mahsésé'-sé'an, a si Yesus mahtuzu' kimataréma wia sé pahtuzu'en-Na, kuan-Na, “Ni kamu é mile-ilek im witu u ragi né sana réwok tou Farisi sé mahgau-gau lé'os.

Lukas 6:42

Kura ko toro kumua wia si katuarimu, ‘Wia'i, éndongkumokan un emu' witu um werenmu, taan u salawako witu um werenmu én zéi'kan kailekannu?’ É tou mahgau-gau lé'os, éndompé'la u salawako witu um werenmu, wo taré kaile-ilekannu un emu' witu um weren ni katuarimu wo niitu taré éndonnu.”

Yohanes 1:47

Ilekena ni Yesus si Natanael mahéyé ang kumua tumoro ni sia, “Ilekena, kela siamo si uli-ulit tou Israel. Wia ni sia én zéi'kan siapa towo.”

Roma 1:29

Ang genang néra é mawuta-wuta an totoz léwo', an zéi'kan wangun, ang kaangkuman wo ang kawuulan, téutéu, mahwunu' sé kasuat tou, mahéndo-éndoan, an tantowo, ang genang léwo' wo mahsirita an zéi'kan wangun tumoro sé tou walina.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

1 Korintus 5:8

Niitumo, mémo kita lumé'os um pésta karia u roti zéi'kan rinagian, un tumuzu'mé am pahwangunenta én uli-ulit mahondolé im witu un até wo mahkiit uman an tutuzu' ulit. Tia'mo mahpésta karia u roti winéhan u ragi uré, ung kalakoana én tia'mo memua-muali a singkéla'.

2 Korintus 12:20

Pahpaan ikaarétku, sa ni aku méyé wia ni kamu, um pahwangunen niou zéi'kan kapaazku wo um pahwangunengku zéi'kan kapaaz niou. Ikaindé'ku kasii ni kamu ém wéwéhan sé mahéndo-éndoan, mahtétéutéuan, mahuupi'an, mahgenang uman un touna, mahtawuruk, wayaan uman kanuwu'an, loozan wo mahkayo' sé tou.

Efesus 4:31

Péléng a merara un até, a raranguan, an upi', a mengoro-ngoro' wo mahkua an zéi'kan ulit tumoro sé tou walina én zéi'enola im wia ni kamu, téntu kangkasii péléng a léwo'an én izou-zou' im wia ni kamu.

1 Tesalonika 2:3

Ni kai i mahsésama én zéi'kan i mahlululu ni kamu, zéi'kan karia ang genang léwo' wo kasii zéi'kan in tumowo wia sé kasuat tou.

1 Timutius 3:11

Téntu kangkasii sé mahayo néra é léwo'zéi' in tou lé'os sé pahsigi-sigi'en, zéi'kan mahtawuruk sé tou walina, mata'u mahime-imek un tou néra wo toro pa'émanen wana péléng am péléng.

Titus 2:3

Téntu kangkasii sé wéwéné tu'amo, ni séra é léwo'zéi' i menou-nou mahkiit ung kapaaz ni Opo Empung, zéi'kan toro mahtawuruk sé tou walina wo zéi'kan toro mahelep a menewelen. Taantaré ni séra é léwo'zéi' i mahtuzu' am wangun,

Ibrani 12:1

Katuari-katuari, péléng sé tou ma'éman sé menou-nou im puuna itii é limiklik ni kita tanu u ninahak. Karia ung katou-touan néra i ma'éman wia si Opo Empung u méipapailek néra wia ni kita, toro maéndo kékéréan wia ni kita i menté' um pa'émanenta. Niitumo, itula'umola péléng am mahwutez wo a singkéla' u mengapé-ngapé' ni kita, tanu i mahtututu' im wana am pahlolowaan u léwo'zéi' ing kiitenta.

Yakobus 1:21

Niitumo, itia'la péléng a makazi'zisen wo a léwo' totoz lakez am pemangu-mangunen niou. Wo sungkulela u nuwu' ni Opo Empung u mémoiwéhé witu un até niou karia u roros até. Pahpaan u nuwu' itii ém wéwéhan kawasa i milot ni kamu im witu un ukuman wana a singkéla'.

Yakobus 3:14

Taan sa kamu téutéu wo akaz uman mahgenang un tou niou in esa, tia' kamu mahwera-wera' un tou niou, wo tia' mahtowo i mahsaru ang kaulitan.

Yakobus 4:11

Katuari-katuari, tia' kamu mahtatawurukan! Séi si mahtawuruk kaapa mapahsasala' si katuarina esa pa'émanen, ni sia é mahtawuruko wo mapahsasala'mo un ukum ni Opo Empung. Wo sa ko mapahsasala' un ukum itii, ni ko én zéi'kan mahwangun un ukum itii taan nimaéndomo menonotoz ulit kaapa zéi'kan un ukum itii.

Yakobus 4:5

Tia' kamu mahgenangla a méipantik witu um Pinantik Lenas én zéi'kan siapa ung kalakoana ing kimua in téntii, “Si roh si méiwéhémé ni Opo Empung wia ni kita én téiz wia ni kita sa zéi'kan mahtali-talinga wia ni Sia!”

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.

1 Petrus 2:16

Ni kamu én zéi'mo ata a singkéla' taan ni kamu é mémoipiloté im wana a singkéla'. Taan tia' wo pahpaano niitu, ni kamu ém wayaan uman um wangunen i mahwuwuni a singkéla' niou. Niitumo ung katou-touan niou é maéndola ata ni Opo Empung.

1 Petrus 2:22

Witu um pinantik lenas é méipantik in téntii: Ni Sia én zéi'kan nimahwangu-wangunla a singkéla' wo zéi'kan nimahnuwu-nuwu'la an towo.

1 Petrus 3:10

Witu um Pinantik Lenas é méipantik in téntii, “Séi si lumelo ung katou-touan, wo paaz milek an endona lé'os, u lila'na é léwo'zéi' im pahimeken wo tia' menuwu'-nuwu' a léwo', wo um wiwihna én tia' mengua-ngua an towo.

1 Petrus 4:2

Niitumo, karegas ni kamu i menou-noupé' wia ung kaayahan, am pemangu-mangunen niou é mahkiit umanla ang kapaaz ni Opo Empung, tia' mahkiit uman a lelo léwo' un awak.

1 Petrus 4:4

Niitumo, sé tou zéi'kan mata'u si Opo Empung é mengusi-ngusingsing i nimilekla ni kamu, pahpaan ni kamu én zéi'mo mahkii-kiit ni séra in zéi'kan kumana' mahmuali an zéi'kan wangun. Pahpaano niitu ni séra mahtawuruko ni kamu.

Wahyu 14:5

Ni séra én zéi'kan nimahkua-kuala an towo wo ni séra én zéi'kan siapa pahséro'an.