1 Petrus 1:8 - Taaz Weru Witu u Nunuwu'en Tombulu

⁸ Zozo' ni Sia én zéi'kampé' pinahile-ilek nioula, taan ni Sia én ikararaaté niou. Wo maan in tarékan kasii ni Sia én zéi'kampé' pahileken niou, taan ni Sia ém pa'émanen niou. U mahpaa-paaz niou én zéi'kan kakuaan pahpaan niitu ém wangko'.

1 Petrus 1:8 Iomraidhean Croise

Matius 10:37

Séi uman si rumaraaté si ama' wo si ina'na lumousé u raraatéanna wia ni Aku, ni sia én zéi'kan wangun ing kumiit ni Aku. Wo séi uman si rumaraaté sé oki'na, tuama kaapa wéwéné lumousé u raraatéanna wia ni Aku, ni sia kangkasii én zéi'kan wangun ing kumiit ni Aku.

Yohanes 14:15

Kuan ni Yesus kasii wia sé pahtuzu'en-Na, “Sa kamu rumaraaté ni Aku, ni kamu é mangun a méiperénta-Ku.

Yohanes 14:21

Séi uman si nimakailek um perénta-Ku wo mahwangun niitu, ni siamo si rumaraaté ni Aku. Séi uman si rumaraaté ni Aku, ni sia én ikararaaté ni Ama'-Ku wo ni Aku kangkasii é rumaraaté ni sia wo ni Aku é mangun ni sia i mata'u séi ni Aku.”

Yohanes 14:24

Séi uman si zéi'kan rumaraaté ni Aku, si tou itii én zéi'kan mahwangun a nuwu'-Ku. Wo a nuwu' tinalinga niou itii én zéi'kan wia ni Aku a mangé, taan wia si Ama' si nimatumé ni Aku a mangé.

Yohanes 16:22

Téntu kangkasii ni kamu, in tarékan un até niou é rumara, taan ni Aku é mahilekan sumaup karia niou, niitumo un até niou é mahpaa-paaz, wo zéi'kan siapa si tou toro méndo u mahpaa-paaz itii im witu un até niou.

Yohanes 20:29

Kuan ni Yesus wia ni sia, “Pahpaan ni ko nimilekomé ni Aku, niitumo ni ko ma'éman. Mahpaa-paazla sé tou zéi'kan nimilek taan ma'éman.”

Yohanes 8:42

Kuan ni Yesus wia ni séra, “Sa si Opo Empung én Ama' niou, ni kamu é marumaraaté ni Aku, pahpaan ni Aku ém wia si Opo Empung a méyé wo in tarékan ni Aku ém wia'i. Ni Aku i niméyé én zéi'kan pahpaan um paaz-Ku in esa, taan ni Siamo si nimatumé ni Aku.

Kisah Rasul-rasul 16:34

A séra zua ipahwalinama witi waléna a mimekla ung kanen néra. Ni sia én totoz mahpaa-paaz pahpaan ni sia wo péléng sé mahento' witu um waléna é nima'éman wia si Opo Empung.

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

1 Korintus 16:22

Si tou zéi'kan rumaraaté si Mahpiara é makailek un epa'. Maranata, ung kalakoana, “Méyémo o Mahpiara!”

2 Korintus 1:22

Si Opo Empung si niméhé si Roh Lenas witu un atéta un tumuzu'mé i ni kai én toro makailek péléng a méitaaz-Na wia ni kai. Si Roh Lenas én tanu u meterai un tumuzu'mé i ni kita én tou-Na.

2 Korintus 12:4

Kumompo' umané si winénétoma mangé witi Firdaus. Im wana an tinalinga ni tou itii a nuwu' zéi'kan kakuaan makaz in zéi'kan siapa im wia peléng sé tou si toro kumua a nuwu' itii.

2 Korintus 4:18

Pahpaano niitu, ni kai én zéi'kan mahwéhé genang wana am pahileken wia ung kaayahan kenu, pahpaan am wia ung kaayahan én zéi'kan makaz ing kauré-uré. Taan am pahwéhan nai genang an zéi'kan kailekan, am witi kasendukan a méyé u makaz ing kauré-uré.

2 Korintus 5:7

Pahpaan ni kai i menou-nou wia ung kaayahan kenu, ung katou-touan nai é mahkiit um pa'émanen nai wia si Kristus, zéi'kan mahkiit am pahileken nai.

2 Korintus 9:15

Makasé wia si Opo Empung, pahpaan u méitambér-Na wia ni kita én zéi'mo kakuaan.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Efesus 3:19

Wo ni kamu kasii toro mendan u raraatéan itii u limangkoi péléng ang kata'uan né tou. Ni aku mengaléi, wo ni kamu malekep wana péléng am péléng tanu si Opo Empung.

Efesus 6:24

Ung kamang tatambér ni Opo Empung é menaté-natér ni kamu péléng sé zéi'kan mazéi' i rumaraaté si Yesus Kristus Mahpiarata.

Filipi 1:25

Tumoro ung kenu én totoz ing kata'uangku: I ni aku é memia-mia wo mamemali-mali karia niou péléng i sumawang ni kamu, wo kamu kaenté'na wo mahpaa-paaz witu um pa'émanen niou.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Filipi 4:4

Mengalé-ngaléi uman ni kamu péléng sekezé é mahpaa-paaz pahpaan nimaesa karia ni Yesus Mahpiara! Isaupkupé'ma: Mahpaa-paazola!

Ibrani 11:1

Um pa'émanen én téntii: totoz ing kata'uanta sa péléng am pahéré'anta wia si Opo Empung éng kailekanta, zozo' in zéi'kampé' pahilekentala taan totoz ing kata'uanta ni kita é lamakailek niitu.

Ibrani 11:27

Pahpaan i ma'éman, si Musa timula'uma un tana' Mesir. Ni sia i nimangé én zéi'kan maindé' un upi' ni kolano né Mesir taan pahpaan ni sia én tanu mahilekoma si Opo Empung si zéi'kan kailekan itii.

1 Petrus 1:6

Niitumo ni kamu é mahpaa-paazola, zozo' in tarékan un até niou é rumara im wana am pema'wa'en an zéi'kan mauréma.

1 Petrus 2:7

Im wia ni kamu in tou ma'éman, um watu itii én totoz mahal. Taan im wia sé tou zéi'kan ma'éman, téntii u méipantik witu um Pinantik Lenas, “Um watu méitia' né memamangun am walé é nimaéndomola watu to'tolan totoz ipahpuu-puuna, wo kasii nimaéndo watu pahkasunduian wo watu pahkasangkilan.”

1 Petrus 5:4

Wo i si Kristus si memimiara sé domba si totoz wangko' itii i mawurimé sumaup, ni kamu in tonaas né jamaat é makailek ung kukulu un totoz wangun un zéi'kan mahléwo-léwo'la.