1 Petrus 1:6 - Taaz Weru Witu u Nunuwu'en Tombulu

⁶ Niitumo ni kamu é mahpaa-paazola, zozo' in tarékan un até niou é rumara im wana am pema'wa'en an zéi'kan mauréma.

1 Petrus 1:6 Iomraidhean Croise

Matius 11:28

Méyémo wia ni Aku, péléng sé marawoi wo sé lakez am pengalin, ni kamu ém wéhang-Ku ung kaenaan.

Matius 26:37

A si Yesus tumawahma si Petrus wo sé zua oki' ni Zebedeus ing kumiita ni Sia. Un até-Na é mahpendano i rumara wo zéi'mo si katu'tulan.

Matius 5:12

Mahkonta-konta'la ni kamu i mahpaa-paaz pahpaan um wawaér makailekan niou witi kasendukan én totoz wangko'. Pahpaan sé nabi puunala ni kamu kangkasii ém pinahzézéhamola tanu niitu.”

Lukas 1:47

un atéku kangkasii é mahpaa-paaz, pahpaan si Opo Empung si milot ni aku im witu un ukuman wana a singkéla'.

Lukas 10:20

Taan zozo'pé' in téntu, ni kamu én tia'mo mahpaa-paaz, pahpaan ing kinala niouola sé sétang. Taan tawimo ni kamu mahpaa-paaz, pahpaan a ngaran niou é mémoipantik witi kasendukan.”

Lukas 2:10

Ang kuan ni malaekat itii wia ni séra, “Tia'mo maindé'! Pahpaan ni aku i niméyé é nimahalimé u nuwu' lé'os wia ni kamu un totoz makapaazen wia péléng sé tou.

Yohanes 16:22

Téntu kangkasii ni kamu, in tarékan un até niou é rumara, taan ni Aku é mahilekan sumaup karia niou, niitumo un até niou é mahpaa-paaz, wo zéi'kan siapa si tou toro méndo u mahpaa-paaz itii im witu un até niou.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

Roma 5:11

Zéi'kan uman niitu! U raraatéan ni Opo Empung mangun ni kita mahpaa-paaz pahpaan si Yesus Kristus Mahpiarata si nimangun ni kita i nimawurian karia ni Opo Empung.

Roma 5:2

Ni kita sé ma'éman ém winéhan u lalan i mé'an ung kamang itambéré ni Opo Empung pahpaan si Yesus Kristus. Ung kamang kenu u nimangun ni kita menou-nou wo mahpaa-paaz pahpaan mahéré'la i makailek u sigi' wo looz ni Opo Empung.

Roma 9:2

Un atéku én totoz rumara wo totoz pendis pahpaan sé katuariku tou Israel é soo ma'éman wia si Yesus.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

2 Korintus 6:10

Ni kai sekezé é mahpaa-paaz zozo' i rumara un até. Ni kai én zéi'kan siapa apa, taan nimangun sé tou lakez nimawa'ilan. Ni kai ém pahileken in zéi'kan siapa apa, taan péléng am péléng ém wia ni kai.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Filipi 2:26

Pahpaan ni sia én totoz lumelo ni kamu péléng wo un aténa é nimasusa pahpaan ing kinata'uan niouoma i ni sia é saki, niitumo pahgenangengkula ni sia é léwo'zéi' in iwurikuma wia ni kamu.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Filipi 4:4

Mengalé-ngaléi uman ni kamu péléng sekezé é mahpaa-paaz pahpaan nimaesa karia ni Yesus Mahpiara! Isaupkupé'ma: Mahpaa-paazola!

1 Tesalonika 1:6

Ni kamu é nimahkérémola wia ni kai wo nimahkérémola wia si Yesus Mahpiara. Zozo' ni kamu én totoz zézéha, ni kamu é simungkul u Nuwu' ni Opo Empung un ipahtuzu' nai wia ni kamu karia u mahpaa-paaz u méiwéhémé ni Roh Lenas.

Yakobus 1:2

Katuari-katuariku, mahpaa-paazola zozo' lakez am pema'wa'en pahpendanen niou.

Yakobus 1:9

Si katuari esa pa'émanen zéi'kan siapa apa, ni sia é léwo'zéi' i mahpaa-paaz sa sia irakék ni Opo Empung,

Yakobus 4:9

Ni kamu é léwo'zéi' in uli-ulit mene'sel, tekur wo mahamé'. Ung ké'ké' niou é sawelanla un amé' wo u mahpaa-paaz niou é sawelanla un tekur.

1 Petrus 3:17

Tawimo ni kamu in zézéha pahpaan i mahwangun a lé'os, sa niitu ang kapaaz ni Opo Empung, taan taré ni kamu zézéha pahpaan ni kamu i mahwangun a léwo'an.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.