1 Petrus 1:12 - Taaz Weru Witu u Nunuwu'en Tombulu

¹² Sé nabi itii éng kinuaan sa am pahtata'un néra én zéi'kan méipapata'u in tumulung uman un tou néra in esa, taan in tumulung ni kamu. Sé nabi itii éng kinawasa ni Roh Lenas si witi kasendukan a méyé i mapata'u u Nuwu' Lé'os tumoro si Yesus wia ni kamu. A méipahtuzu' nérama itiimo ang kapaaz né malaekat im pahtata'un.

1 Petrus 1:12 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 16:17

Ang kuan ni Yesus wia si Simon, “Mahpaa-paazla ni ko Simon oki' ni Yunus pahpaan zéi'kan si tou si kimua niitu wia ni ko, taan si Ama'-Ku si witi kasendukan.

Markus 16:15

Ang kuan-Na wia ni séra, “Mangémo wia péléng ung kaayahan, wo iwoka'la u Nuwu' Lé'os ni Opo Empung wia péléng sé tou.

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 2:26

Mémoikua ni Roh Lenas wia ni sia i ni sia én zéi'kampé' maté sa zéi'kampé' nimilek si Mesias, si Kolano milot sé tou, si méitaaz ni Opo Empung.

Lukas 9:6

Kumawusa niitu, sé pahtuzu'en ni Yesus mangé wana am wanua i mahwoka' u Nuwu' Lé'os ni Opo Empung wo mahlé'os sé tou saki.

Yohanes 15:26

Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku.

Kisah Rasul-rasul 10:44

Karegaspé' si Petrus i mahnuwu', an tumumpamé si Roh Lenas ang kumawasama wia péléng sé tou mahtalinga an ipahkuana itii.

Kisah Rasul-rasul 16:10

I si Paulus nimilekola niitu, ni kai rengan i nimimekla i mangé witi Makedonia. Pahpaan mengiité um pina'ilek ni Paulus itii, ni kai én timotozla i si Opo Empung én timawah ni kai i mangé mahwoka' u Nuwu' Lé'os tumoro si Yesus wia sé tou witi Makedonia.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

Kisah Rasul-rasul 4:31

Karegas i mengaléi, un tampa kinaréwokan néra é mahogémo. Ni séra péléng éng kinawasamo ni Roh Lenas, a séra mahwoka' u Nuwu' ni Opo Empung karia in zéi'kan siapa un ikaindé'.

Kisah Rasul-rasul 4:8

A si Petrus si kinawasa ni Roh Lenas mingkotla in téntii, “É kamu in tonaas wo pahtutu'an né tou Yahudi,

Kisah Rasul-rasul 8:25

I si Petrus wo si Yohanes nimakakuamola a niilek wo an tinalinga néra tumoro si Yesus wo nimakawoka'moma u Nuwu' ni Opo Empung, ni séra é nimawurima sumaup witi Yerusalem. Wo im witi pahlampangan néramé i mawurimé, lakez kasii am wanua witi Samaria am pinahwokaan néramé u Nuwu' Lé'os tumoro si Yesus.

Roma 1:15

Pahpaano niitu, ni aku é lumelo i mahwoka' u Nuwu' Lé'os tumoro si Yesus wia ni kamu sé mahento' witi Roma.

Roma 1:17

Pahpaan im witu u Nuwu' Lé'os itii, ikatuzu'mé kura si tou i niéndo ulit ni Opo Empung pahpaan i ma'éman wia ni Sia, rengan im puuna makaz ing kauré-uré. Tanu u méipantik witu um Pinantik Lenas in téntii, “Si tou niéndo ulit ni Opo Empung pahpaan um pa'émanenna, é mamenou-nou.”

Roma 10:15

Wo kura sé tou i mapata'u tumoro ni Sia sa zéi'kan siapa si iatu? Witu um Pinantik Lenas é méipantik in téntii, “O ndoon ka totoz makapaazen i niméyé sé mahalimé u Nuwu' Lé'os ni Opo Empung!”

Roma 15:19

karia a makakompo'en wo an zéi'kan kakuaan pahpaan ung kawasa ni Roh ni Opo Empung. U Nuwu' Lé'os tumoro si Yesus Kristus é mémoipahwoka'kumé wia sé tou, rengané im witi Yerusalem makaz witi Ilirikum.

1 Korintus 2:10

Niitumo, si Roh ni Opo Empung mémapata'u wia ni kita, péléng ang ginenang-Na itii. Si Roh ni Opo Empung, si mahtata'u péléng am péléng, makaz a méikawunipé' um wia si Opo Empung.

2 Korintus 1:22

Si Opo Empung si niméhé si Roh Lenas witu un atéta un tumuzu'mé i ni kai én toro makailek péléng a méitaaz-Na wia ni kai. Si Roh Lenas én tanu u meterai un tumuzu'mé i ni kita én tou-Na.

2 Korintus 6:6

Ni kai nimangun niitu karia ung genang weresi wo ung katulapan, ung kaezenan wo u lé'os uman wia sé tou. Ni kai kasii é mahéré' uman wia si Roh Lenas wo uli-ulit rumaraaté.

Galatia 1:12

U Nuwu' Lé'os tumoro si Yesus itii én zéi'kan kinailekangku wia sé tou wo zéi'kan sé tou sé timuzu' niitu wia ni aku, taan si Yesus Kristus in esa si nimapata'u a méikawunipé' itii wia ni aku.

Galatia 1:16

ni Sia nimapata'u a méikawunipé' tumoro si Oki'-Na wia ni aku wo ni aku mahwoka' u Nuwu' Lé'os tumoro si Oki'-Na itii wia sé tou zéi'kan Yahudi. In toro niitu ni aku én zéi'kan rengan i nimahaléi a sésésa né tou walina i sumawangé ni aku makatulap u Nuwu' Lé'os tumoro si Yesus itii.

Efesus 3:10

Wo mengiité sé jamaat, si Opo Empung in tarékan toro mapata'u ang ginenang-Na tumoro péléng ang katulapan-Na wia sé mahperénta wo sé mahkawasa witi kasendukan.

1 Tesalonika 2:9

Katuari-katuari, kagenangan nioupé'la kura kai in totoz mahtututu' wo ma'ulit i mahpaayang. Endo wo wengi ni kai mahpaayang i mahwuwutul am pemandungen nai. Karia in téntu, ni kai én zéi'kan maéndo pengalin niou i mahtuzu' u Nuwu' Lé'os ni Opo Empung wia ni kamu.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Ibrani 2:4

Si Opo Empung kangkasii é nimenté' an tinalinga wo an ipahkua néra itii, karia niméhé ung kawasa-Na wia ni séra i mahwangun sé tou mengusi-ngusingsing wo a makakompo'en wo an tatambér ni Roh Lenas, a méiwéhé-Na mengiit ung kapaaz-Na.

Ibrani 4:2

Tanu ni kita ém pinapata'uan u nuwu' makapaazen, téntu kangkasii sé nimaopota ém pinapata'uano u nuwu' makapaazen, taan u nuwu' tinalinga néramo itii én zéi'kan siapa torona im wia ni séra, pahpaan ni séra én zéi'kan ma'éman u nuwu' itii.

1 Petrus 1:25

taan u Nuwu' ni Opo Empung én zéi'kan mazéi' makaz ing kauré-uré.” U Nuwu' kenumo, u Nuwu' Lé'os tumoro si Yesus u mémoipapata'u wia ni kamu péléng.

1 Petrus 4:6

Pahpaano niitu, u Nuwu' Lé'os tumoro si Yesus é méipapata'umo kangkasii wia sé tou nimatémo, wo maan an awak néra é nimatémo pahpaan niukum, masuat wo a mamuali wia péléng sé tou, taan sé roh néra é mamenou-nou mengiit um paaz ni Opo Empung.

Wahyu 5:11

An ilekengkuma wo talingangkumé u nuwu' né malaekat totoz lakez sé limiklik u rurumezan ni Kolano itii, karia né epat tumou-tou wo sé pahtutu'an. Ung kalakez né malaekat itii én zéi'kan karékénan.