1 Petrus 1:1 - Taaz Weru Witu u Nunuwu'en Tombulu

¹ Um pinantik kenu ém pinantikku, Petrus si aatu ni Yesus Kristus, iwéhé wia sé tou mahlepu-lepu wo méikasera im wia sé tou zéi'kampé' mata'u si Opo Empung sé witi tana': Pontus, Galatia, Kapadokia, Asia oki' wo Bitinia.

1 Petrus 1:1 Iomraidhean Croise

Matius 10:2

A ngaran né mapulu' wo zua pahtuzu'en-Na itii é: Si kataré é si Simon si pahkuan kangkasii im Petrus wo si Andreas katuarina, si Yakobus wo si Yohanes sé oki' ni Zebedeus,

Matius 24:22

Sa un oras itii zéi'kan rewekena ni Opo Empung, zéi'kan siapa zozo' in esa si tou makailek ung katou-touan makaz ing kauré-uré. Taan pahpaan u raraatéan wia sé tou pinéléng-Na, un oras itii é rinewek-Na umana.

Matius 4:18

I si Yesus mahlampang witi tembir u louz Galilea, ileken-Nama sé zua mahtuari, ni séra é si Simon si pahkuan kangkasii im Petrus wo si Andreas katuarina. Ni séra éng karegas i mahlombo' u lolombo' witu u louz, pahpaan ni séra é melolombo'.

Lukas 18:7

Si Opo Empung é sumawang um pahéndo-éndoan né tou-Na sé endo wo wengi én zéi'kan kumana' i mahtawah ni Sia. Wo ni Sia én zéi'kan mahuré-uré i sumawang ni séra.

Yohanes 11:52

Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.

Yohanes 7:35

Niitumo, sé tonaas né tou Yahudi é mahkukuaan wia si esa wo si esa, “Wisa un angéan-Na taka-takazan ni kita én zéi'kan mata'u mahilekan karia-Na? Apa Sia mangé wia sé tou Yahudi witi séngkotan sé mahento' wia sé tou Yunani in tumuzu' sé tou Yunani?

Kisah Rasul-rasul 18:2

Im witu ni sia é nimahilekan karia ni tou Yahudi makangaran Akwila si tou Pontus. Si Akwila én taré méyé im witi Italia karia ni Priskila si mahayona. Ni séra niméyé pahpaan si kaisar Klaudius é nimerénta wo péléng sé tou Yahudi é léwo'zéi' mondolé im witi Roma. Si Paulus é matimuli witi walé néra.

Kisah Rasul-rasul 18:23

Ni sia nimento' witu ém woopirana endo. A sia malumiklik am wanua witi tana' Galatia wo Frigia i mamenté' un até né tou ma'éman witu.

Kisah Rasul-rasul 19:10

Zuana ta'un ung kauréna ni sia memamangun un téntu, taka-takazan péléng sé tou mahento' witi Asia én timalinga u Nuwu' ni Mahpiara, ni séra sé tou Yahudi wo sé tou Yunani.

Kisah Rasul-rasul 6:9

Taan wéwéhan sé woopira tou sé witi walé peraragésan né tou Yahudi u makangaran ‘Tou Zéi'mo Ata’, ni séra ém witi Kirene wo Aleksandria a méyé. Wo karia néra kasii ém wéwéhan sé woopira tou Yahudi sé witi Kilikia wo Asia a méyé. Ni séra é mahzéi-zéi'an karia ni Stefanus.

Kisah Rasul-rasul 8:4

Sé jamaat méikaserama pahpaan im pahzézéhan itii é mahliklik péléng un tana' itii karia i mahwoka' u Nuwu' Lé'os tumoro si Yesus.

1 Korintus 16:19

Sé jamaat witi Asia é méhéma u sigi' néra wia ni kamu. Si Akwila wo si Priskila wo sé jamaat sé nimaréwok witi walé néra é méhéma u sigi' néra wia ni kamu i ma'éman wia si Mahpiara.

2 Korintus 1:8

Katuari-katuari, kapaaz nai ing kata'uan nioula tumoro an zézéha nai im witi Asia. An zézéha pinendan naimé itii én totoz wutez, makaz ni kai mahgenangla in tawimo maté.

Galatia 1:2

Um pinantik kenu kasii ém wia péléng sé katuari esa pa'émanen sé memali-mali kariaku wia'i a mangé, iwéhé wia sé jamaat witi Galatia.

Efesus 2:12

In toro niitu ni kamu én zéi'kampé' mata'u tumoro si Kristus, ni kamu zéi'kampé' ipahrékén in tou Israel sé tou ni Opo Empung wo ni kamu én zéi'kan makailek um wéwéténgan witu un taaz ni Opo Empung. Ni kamu sé im wia ung kaayahan én zéi'kan siapa pahéré'an wo ni kamu zéi'kan mata'u si Opo Empung.

Efesus 2:19

Niitumo, ni kamu én zéi'mo tou wana an tampa walina a méyé wo limepuh umané. Taan ni kamu in tarékan é nimaéndomo tou ni Opo Empung wo nimaéndomo sana awu ni Opo Empung.

2 Timutius 1:15

Kata'uannu im péléng sé tou witi Asia Oki' én timula'umo ni aku, karia kangkasii si Figelus wo si Hermogenes.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

1 Petrus 2:11

Katuari-katuari ikararaatéku, ni kamu én tou sé siméngkot wana am wanua né tou walina wo sé limepuh umané wia ung kaayahan. Niitumo, isésakuma wia ni kamu i zumou'la im wana a lelo léwo' un awak, u makahkoro' wo a lelo un até niou wana am wangun.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”