1 Korintus 1:8 - Taaz Weru Witu u Nunuwu'en Tombulu

⁸ Si Yesus Kristus Mahpiarata kangkasii é sumawang ni kamu wo um pa'émanen niou éng kaenté'na makaz witu un endo kaakazan ung kaayahan, wo im witu un endo itii i ni Sia méyé sumaup, ni kamu én zéi'kan siapa a sinala'.

1 Korintus 1:8 Iomraidhean Croise

Lukas 17:24

Pahpaan kuramo un tila'pong i sumena'mé witi langit u mahsena' nimapalambo'ma witu um pondol kasaru makaz wana am pondol walina, téntumo u mamuali witu un endo si Oki' ni Tou i méyé.

Lukas 17:30

Téntumo a mamuali witu un endo i si Oki' ni Tou mapailek un tou-Na im woosawisa.

Roma 14:4

Séi ndéén ko wé taka-takazan ni ko mapahsasala' am pahwangunen ni pahayoan né tou walina? Si tuang ni pahayoan itii uman si mata'u sa sia ulit kaapa simala'. Taan ni sia é mamemangu-mangun an ulit pahpaan si Mahpiara é mahsawang ni sia.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

Roma 8:19

Pahpaan péléng sé wia ung kaayahan én totoz melelo i ma'ento' un oras i si Opo Empung mapata'u sé maéndo oki'-Na.

1 Korintus 3:13

Im witu un endo si Opo Empung in tumotoz ulit kaapa zéi'kan am pahwangunen né tou, ung kawangunan um pinaayang ni esa wo ni esa é maikatuzu'. Pahpaan un endo itii é méyé karia un api wo un api itii un tumuzu'mé um pinaayang ni esa wo ni esa im wangun kaapa zéi'kan.

1 Korintus 5:5

ni kamu én totoz méhéla si tou itii wia si tonaas né sétang, wo un awakna é maléwo'. Karia in téntu si rohna én ipiloté im witu un ukuman wana a singkéla', im witu un oras si Yesus Mahpiara i mawurimé sumaup.

2 Korintus 1:13

Ni kai é nimantik umana un toro bacan wo toro katulapan niou. Mengalé-ngaléi, niana péléng én uli-ulit toro katulapan niou.

2 Korintus 1:14

Zozo' in taré am walina an toro katulapan niou tumoro ni kai, mengalé-ngaléi uman witu un endo si Yesus Mahpiara méyé in tumondong, ni kamu é malumooz ni kai wo ni kai kangkasii é malumooz ni kamu.

2 Korintus 1:21

Si Opo Empung si nimenté' ni kai, wo ni kamu uli-ulit mahkiit si Yesus Kristus. Ni Sia kasii si niméléng ni kai i maayang wia ni Sia.

Efesus 5:27

Karia in téntu ni Sia nimangun sé jamaat-Na toro rumendai karia in totoz wangun witu u sinaru-Na, in anu-Na sé linenas ni Opo Empung wo zéi'kan siapa sinala' zozo' in esa.

Filipi 1:10

Karia in téntu ni kamu én toro méléng wisa am wangun, wo ung katou-touan niou ém weresi wo zéi'kan siapa sinala' im witu un endo si Kristus i mawurimé sumaup.

Filipi 1:6

Totoz kata'uangku, si Opo Empung si timo'tol um paayangen wangun kenu witu un até niou é masumampet um paayangen itii makaz witu un endo si Kristus Yesus i mawurimé sumaup.

Kolose 1:22

In tarékan, mengiité un awak ni Yesus Kristus i ni Sia nimaté sinalip, si Opo Empung nimangun ni kamu nimalé'osan sumaup karia-Na. Karia in téntu, ni kamu é linenas-Na wo weresi wo zéi'kan siapa um pahséro'an im witu u sinaru-Na.

Kolose 2:7

Um pa'émanen niou é léwo'zéi' in enté' tanu un ahmut ung kai in timeptep witu un tana', menou-nou mahkiit uman ni Sia. Um pa'émanen niou kangkasii é léwo'zéi' ing kaenté'na tanu u mémoituzu' wia ni kamu, wo ni kamu kangkasii én tia' mazéi' i mahkua u makasé.

1 Tesalonika 3:13

Mengalé-ngaléi uman, si Opo Empung Ama'ta é menté' un até niou, wo ni kamu zéi'kan siapa pahséro'an wo lenas im witu u sinaru-Na, i si Yesus si Mahpiarata mémahwali-wali karia péléng sé tou linenas-Na.

1 Tesalonika 5:2

Pahpaan uli-ulit kata'uan niou, ni Sia i méyé sumaup én tanu si maremu' méyé im wengi.

2 Tesalonika 2:2

Tia' kamu rewek malinganga wo paharétan in tumalingala sé tou i mahkua un endo si Yesus i méyé sumaup é méikaayomola, zozo' u nuwu' itii ém woo méipapata'umé ni Roh Lenas, kaapa niitu én tutuzu' uman, kaapa wéwéhan sé mahkua niitu é méipantik witu un esaané im wana am pinantik nai.

2 Tesalonika 3:3

Taan si Mahpiara én zéi'kan maliuz wana a méitaaz-Na. Ni Sia é menté' an até niou wo kumelung ni kamu im wia si léwo'.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

2 Timutius 1:18

Ni kopé' si totoz mata'u taan ni aku, ung kalakez um pinaayangna im witi Efesus. Mengalé-ngaléi uman si Mahpiara é rumaraatémé ni sia im witu un endo si Opo Empung métumotoz ulit kaapa zéi'kan um pahwangunen né tou.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.

2 Petrus 3:14

Niitumo katuari-katuari ikararaatéku, karegas ni kamu i ma'ento' niana péléng i mamuali, ni kamu é léwo'zéi' mahtututu' i menou-nou totoz weresi wo zéi'kan siapa pahséro'an witu u sinaru ni Opo Empung, wo mahlé'o-lé'osan karia-Na.