1 Korintus 1:5 - Taaz Weru Witu u Nunuwu'en Tombulu

⁵ Pahpaan ni kamu nimaesamo karia ni Kristus Yesus, ni kamu nimawa'ilano im wana am péléng: wana péléng am pakahnuwu' wo wana péléng ang kata'uan.

1 Korintus 1:5 Iomraidhean Croise

Kisah Rasul-rasul 2:4

A si Roh Lenas kumawasala wia ni séra péléng. Tumondong niitu, a séra méhé i mahnuwu' karia a nunuwu'en walina, mengiit a méiwéhémé ni Roh Lenas wia ni séra.

Roma 11:12

Pahpaan ang kasumalaan né tou Yahudi nimangunola sé tou wia ung kaayahan nimakailek ung kamang, wo a singkéla' néra nimangunola sé tahsasana wanua walina nimakailek ung kamang, woopé' kasii sa sé tou Yahudi nimawurian sumaup karia ni Opo Empung, tantumo é lumouspé'mé ung kamang iwéhé-Na.

Roma 15:14

Katuari-katuariku, kata'uangku i ni kamu é mawuta-wutamo karia am wangun wo péléng ang kata'uan wo makawawa i sumésa wia si esa wo si esa.

Roma 15:4

Péléng a mémoipantik witu um Pinantik Lenas ém pinantik in tumuzu' ni kita. Pahpaan an tutuzu' kinailekanta witu um Pinantik Lenas, nimangun ni kita in ezen wo enté' un até wo kita wéwéhan um pahéré'an wia si Opo Empung.

1 Korintus 12:10

Wo wia si tou, si Roh Lenas timambér i makawawa mangun a makakompo'en. Wo wia si tou walina, si Roh Lenas én timambér u makawawa i mahkua wia sé tou a méikuamé ni Opo Empung wia ni sia. Wia si tou walina, si Roh Lenas itii kangkasii én timambér u makawawa i mata'u un tatambér ém wia si Roh Lenas a méyé kaapa zéi'kan. Wo wia si tou, si Roh Lenas én timambér i makawawa mahnuwu' karia u nunuwu'en un akaz uman si Roh Lenas si mata'u, wo wia si tou walina én tinambéran u makawawa ing kumua ung kalakoan u nunuwu'en itii.

1 Korintus 12:8

Pahpaan wia si tou, si Roh Lenas én timambér un tulap i mahkua u nuwu' ni Opo Empung. Wo wia si tou walina, si Roh Lenas itii kangkasii si timambér ang kata'uan wo makawawa ing kumua ang kata'uan itii wia sé tou.

1 Korintus 13:2

Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.

1 Korintus 13:8

U rumaraaté itii én zéi'kan mazéi'. Taan un tatambér u makawawa i mahkua wia sé tou a méikuamé ni Opo Empung é mazéi'. Téntu kangkasii un tatambér u makawawa i mahnuwu' karia a nunuwu'en un akaz uman si Roh Lenas si mata'u ung kalakoan niitu é mazéi'. Wo un tatambér i lakez ang kata'uan é mazéi'.

1 Korintus 14:26

Katuari-katuari, kura in tarékan? Sa kamu nimaréwok i mahragés, um wangun si esa wo si esa é méndola katoroan tanu ang kenu: wéwéhan sé mahkantar ang kakantaren mahlooz si Opo Empung, wéwéhan sé mahtuzu', wéwéhan sé mahkua ung kalakoan tumoro u méiwunipé' ni Opo Empung, wéwéhan sé mahnuwu' karia u nunuwu'en un akaz uman si Roh Lenas si mata'u wo sé walina é mahkua ung kalakoan u nunuwu'en itii. Taan péléng niana é léwo'zéi' mahenté' um pa'émanen né tou.

1 Korintus 8:11

Karia in téntu si tou zéi'kampé' enté' um pa'émanenna én ikaléwo' pahpaan ang kata'uan niou. Un ulitna ni sia éng katuari niou esa pa'émanen wo si Kristus kangkasii nimaté wia ni sia.

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

2 Korintus 6:10

Ni kai sekezé é mahpaa-paaz zozo' i rumara un até. Ni kai én zéi'kan siapa apa, taan nimangun sé tou lakez nimawa'ilan. Ni kai ém pahileken in zéi'kan siapa apa, taan péléng am péléng ém wia ni kai.

2 Korintus 8:7

Niitumo, ni kamu ém wa'ilano im wana am péléng, tanu ang kenu: um pa'émanen niou én enté'mo, tulapo i mahnuwu', lakezo ang kata'uan tumoro si Opo Empung, totoz paaz i mahsawang sé tou walina wo ni kai én totoz ikararaaté niou. Ni kamu in téntu ém wa'ilano, téntu kangkasii ni kamu éng kalousna i mahpaayang am wangun kenu i mahsawang sé tou walina.

2 Korintus 9:11

Ni kamu é mawa'ilan im wana am péléng wo ni kamu sekezé é meripu' umané i mahwéhé, u mangun sé tou lakez mahkua u makasé wia si Opo Empung pahpaan ni kai.

Efesus 1:17

Ni aku mahaléi wia si Opo Empung si Ama' ni Yesus Kristus Mahpiarata, si pahloozen wo pahsigi'en itii i méhémé wia ni kamu si Roh-Na, si nimangun ni kamu matulap wo si Roh si matumuzu' tumoro si Opo Empung, wo ni kamu karia in ulit mata'u tumoro ni Sia.

Efesus 2:7

Si Opo Empung mangun niitu, wo in tumondong sé tou toro milek u raraatéan-Na un zéi'mo kakuaan wo u lé'os-Na wia ni kita pahpaan nimaesa karia ni Kristus Yesus.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Efesus 6:19

Ipengaléipé' kasiimé ni aku wo ni aku i mahnuwu' wia sé tou, si Opo Empung é mahwéhémé u nunuwu'en ulit wia ni aku, wo zéi'kan maindé' i mahwoka' u Nuwu' Lé'os tumoro si Yesus a méikawunipé' im wia ni séra.

Filipi 1:9

Ung kenumo um pengaléiengku wia si Opo Empung tumoro ni kamu, mengalé-ngaléi uman u raraatéan niou wia sé tou walina éng kalakezna wo ung kata'uan karia ung katulapan niou é malake-lakez im wana am péléng.

Kolose 2:3

Mengiité si Kristus ni kita én toro mata'umé péléng ang katulapan wo ang kata'uan ni Opo Empung un im puuna é méikawunipé'.

Kolose 3:10

Ni kamu in tarékan é nimakaileko ung katou-touan weru wo zéi'kan mazéi' im pahwerun ni Opo Empung si nimanguné ni kamu wo ni kamu maéndo tanu ni Sia. Karia in téntu ni kamu é mata'u ni Sia makauli-ulit.

Yakobus 3:13

Sa wéwéhan si tou tulap wo lakez ang kata'uan im wia ni kamu, ni sia é léwo'zéi' i mapailekla ang katou-touan wangun wo am pahlé'osen wangun karia i roros até wo ung katulapan.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.