1 Korintus 1:12 - Taaz Weru Witu u Nunuwu'en Tombulu

¹² Ung kalakoana ém, “Wéwéhan sé wia ni kamu é mahkua in téntii, ‘Ni aku é mahkiit si Paulus.’ Sé walina é mahkua, ‘Ni aku é mahkiit si Apolos’, wo sé walina é mahkua, ‘Ni aku é mahkiit si Petrus.’ Wo sé walina kasii é mahkua, ‘Ni aku é mahkiit si Kristus.’ ”

1 Korintus 1:12 Iomraidhean Croise

Matius 23:8

Taan ni kamu, tia' ipahwaya niou sé tou mahtawah ni kamu i ‘méster’! Pahpaan si Méster niou én esa uman wo ni kamu péléng é mahtuari.

Yohanes 1:42

Si Simon é méipahwalima ni Andreas wia si Yesus. I si Yesus nimileka wia si Simon a Sia kumua, “Ni ko é Simon, oki' ni Yohanes. Ni ko é mangaranan Kefas (Kefas é masuat wo Petrus).”

Kisah Rasul-rasul 18:24

Karegas niitu, wéwéhan si tou Yahudi makangaran Apolos niméyé witi Efesus. Ni sia én tou Aleksandria. Ni sia é siga' i mahnuwu' wo totoz mata'u um Pinantik Lenas.

Kisah Rasul-rasul 19:1

I si Apolos witipé' Korintus, si Paulus é nimakaliklikola am wanua méikazuhu witi tana' itii an ikaayola witi Efesus. Im witi Efesus, ni sia nimahilekan karia né woopira tou ma'éman wia si Yesus.

1 Korintus 1:11

Ni aku éng kumuama in téntu wia ni kamu katuari-katuariku, pahpaan sé tou wia sé sana awu ni Kloe éng kimua wia ni aku, i ni kamu é mahéndo-éndoan.

1 Korintus 15:5

i ni Sia nimapaileko un tou-Na wia si Petrus, tumondong niitu wia sé mapulu' wo zua pahtuzu'en-Na.

1 Korintus 15:50

Katuari-katuari, kenu un ikuaku wia ni kamu: Un awakta in tarékan én zaha' wo lé'ona u maléwo'. Niitumo, ni kita én zéi'kan toro muntep witi Kakolanoan ni Opo Empung ing Kolano. Un awakta u maléwo' én zéi'kan toro muntep witu pahpaan im witu én zéi'kan siapa a maléwo'.

1 Korintus 16:12

Tumoro si katuarita Apolos, méipenau-naupkumo i mengimbali wia ni sia, wo sia mahwali karia né tou esa pa'émanen walina i mangémé wia ni kamu. Taan in tarékan ni sia é soopé' i mangé wia ni kamu. Sa wéwéhano un oras lé'os, ni sia é mangé wia ni kamu.

1 Korintus 4:6

Katuari-katuari, ni aku é nimantik un tumoro ni aku wo si Apolos i maéndo kékéréan niou. Ni kai zua nimaéndo kékéréan niou in tumuzu' ni kamu wo kamu toro mata'u ung kukuan kenu, “Mahkiitla am méipantik witu um Pinantik Lenas”, wo tia' im wia ni kamu wéwéhan sé meloo-looz un touna karia i mahpuu-puuna si tou esa im wia sé tou walina.

1 Korintus 7:29

Katuari-katuari! Ung kalakoan u méikuakuma itii én téntii: un endo kaakazan ung kaayahan én zéi'mo uré. Niitumo puunala niitu mamuali, si tuama wéwéhano mahayo wangunenola in tanu ni sia zéi'kampé' siapa mahayo.

1 Korintus 9:5

Zéi'kan toro wé kai lumampang mahwali sé mahayo nai sé ma'émano, tanu sé aatu ni Yesus walina, sé katuari ni Yesus si Mahpiara wo si Kefas?

2 Korintus 10:7

Ilekela wo kata'uan nioula am witu u sinaru niou! Sa si tou uli-ulit ma'éman i ni sia én anu ni Kristus, ni sia kangkasii én totoz i mahgenangla witu un touna in esa i ni kai én anu ni Kristus tanu ni sia.

2 Korintus 9:6

Wéhanla genang ang kenu: séi si kimeroz un toyo', un upu'enna kangkasii én toyo' uman. Taan séi si lakez a méikeroz, un upu'enna kangkasii é lakez.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Galatia 3:17

Ung kalakoan u méikuakuma itii én téntii: Un pinataazan méikua wia si Abraham im puuna u niénéano ni Opo Empung, zéi'kan mata'u zéi'en karia un ukum Torat, um winangunokan in epatna atus wo teluna pulu' ta'un tumondongé, taka-takazan um pinataazan itii én zéi'mo enté'.