1 Korintus 1:1 - Taaz Weru Witu u Nunuwu'en Tombulu

¹ Um pinantik kenu ém wia ni aku Paulus wo si Sostenes si katuarita esa pa'émanen a mangé. Witu um paaz ni Opo Empung ni aku én tinawah nimaéndo aatu ni Kristus Yesus.

1 Korintus 1:1 Iomraidhean Croise

Lukas 6:13

In endomo an tawahen-Namé sé mahkii-kiit ni Sia a méléng im wia ni séra sé mapulu' wo zua tou. Sé pinéléng-Na itii ém pahkuan-Na aatu-Na.

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 1:2

makaz un endo ni Sia i mawénéta nimangé witi kasendukan. Puunala niitu ni Sia é niméhé um perénta mengiité si Roh Lenas wia sé aatu sé pinéléng-Na.

Kisah Rasul-rasul 18:17

A séra péléng matumion si Sostenes si tonaas um walé peraragésan né tou Yahudi. Im witi penonotozan, ni sia ém pahwélwélen néra taan si Galio én zéi'kan pandung.

Kisah Rasul-rasul 22:21

Taan kuan ni Tuang wia ni aku, ‘Mangémo, pahpaan ni ko én iatu-Ku i mangé witi tampa zou'ma im wia'i wia sé tou zéi'kan Yahudi.’ ”

Roma 1:1

Um pinantik kenu ém wia ni aku Paulus, ata ni Kristus Yesus, si tinawah ni Opo Empung i maéndo aatu ni Yesus Kristus wo tinotoz i mahwoka' u Nuwu' Lé'os ni Opo Empung.

Roma 1:10

Pengaléiengku, mengalé-ngaléi uman in tarékan witu um paaz ni Opo Empung ni aku én toro ikaangékané wia ni kamu.

Roma 1:5

Mengiité ni Sia, ni aku nimakailek ung kamang tatambér i maéndo aatu ni Opo Empung wo ni aku toro mahkit sé tahsasana wanua wo séra ma'éman wo mahtali-talinga si Yesus Kristus.

1 Korintus 15:9

Ni aku én zéi'kan wangun ing kuan aatu ni Yesus, pahpaan ni aku i makasa é mahzézéha sé jamaat ni Opo Empung. Niitumo, im wia sé aatu ni Yesus, ni akumo si totoz roros.

1 Korintus 3:9

Ni kai éng kapaayang ni Opo Empung. Ni kamu én tanu an uma ni Opo Empung wo tanu um walé winangun ni Opo Empung.

2 Korintus 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Witu um paaz ni Opo Empung ni aku én tinawah i nimaéndo aatu ni Kristus Yesus. Um pinantik kenu én iwéhé wia sé jamaat ni Opo Empung witi Korintus wo péléng sé tou linenas ni Opo Empung witi Akhaya.

2 Korintus 11:5

Taan sa pakagena-genangengkula, sé pahkuan niou aatu totoz wangko' taan ndéén towo itii, ni séra én zéi'kan lumousé ni aku.

2 Korintus 12:12

Ni aku i memali-malipé' karia niou, ni aku mapailek wia ni kamu an tumuzu'mé i ni aku én uli-ulit aatu ni Yesus, ni aku én ezen zozo' im pahzézéhan. Wo ni aku é nimangun a makakompo'en, an zéi'kan kakuaan an tumuzu'mé ang kawasa ni Mahpiara.

2 Korintus 8:5

A méiwéhé néra in isawang é lumouspé'mé um pahéré'en naila. Ni séra é niméhéla ung katou-touan néra kataré-taré wia si Opo Empung, tumondong niitu, ni séra kangkasii niméhé ung katou-touan néra wia ni kai mengiit um paaz ni Opo Empung.

Galatia 1:1

Um pinantik kenu ém wia ni aku Paulus a mangé. Ni aku én aatu ni Yesus Kristus, zéi'kan pahpaan méiatu né tou kaapa pahpaan tinotoz ni tou, taan pahpaan si Yesus Kristus wo si Opo Empung, si Ama', si timoumomé sumaup si Yesus im wia sé nimaté.

Efesus 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus. Um pinantik kenu én iwéhé wia sé tou linenas ni Opo Empung witi Efesus sé ma'émano wo mahtali-talinga wia si Kristus Yesus.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

Kolose 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Witu um paaz ni Opo Empung ni aku én tinawah i maéndo aatu ni Kristus Yesus.

1 Timutius 1:1

Um pinantik kenu ém wia ni aku Paulus a mangé, si aatu ni Kristus Yesus mengiit u méiperénta ni Opo Empung, si nimilot ni kita im witu un ukuman wana a singkéla', wo si Kristus Yesus si nimaéndo pahéré'anta.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

2 Timutius 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus i mahwoka' un taaz-Na, i sé tou ma'éman si Kristus Yesus é mamenou-nou makaz ing kauré-uré.