ZEFANYA 3:2 - WUKE SUSI WATTI'U AL᷊AL᷊USASSA

² Nasilakate soa apan maddiri manengkamma pananaungnga wuassu Mawu, wuṛṛu tawe lai maddaringikka manga tataggu-Ne, apan tawe manantillu ola'u pabbiaṛṛanne su Mawu, wuṛṛu tawe maiontolla si Tou!

ZEFANYA 3:2 Iomraidhean Croise

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

DARALO 10:4

Taumata marosa tawe maddaringikka Mawu, ana waugu awungane i tou maṛingidda manungku tawe Duata.

DARALO 50:17

Ana waugu i'o maddiri maddaringikka tatagu-Ku, wuṛṛu mannol᷊a'u manga parenta-Ku.

DARALO 73:28

Arawe si ya'u tumaniten mapia maranin Duata, Mawu Ruata ta'u niola'a tampa pattillummangku, tadea'u i ya'u wotongnge mamasingkattu al᷊awo'u inolaan-Ne.

DARALO 78:22

ana waugu i mangitou tawe mangimanna Ruata, su taṛṛino-Ne apan wotongnge manal᷊amatta si mangitou.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

AMSAL 5:12

Wua'udde i'o sarun mabbisara, “Ah, anio ia'i maddantinnu tatantiro? Anio i ya'u maddiri tagguanna?

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 43:22

Mawu nabbisara, “Arawe i'o Israel, tawe nassubba si Ya'u, wuṛṛu tate lai mattaṛṛamawu si Ya'u.

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

YEREMIA 13:25

Uddewe ola'u pabbiaṛṛannu apan buatte Ta'u nitantunna ana waugu i yamiu naabul᷊i-U, wuṛṛu nangimante su manga mawu awusu.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 22:21

I Ya'u buatte nabbisara si'o sutempo olangngu mapia, arawe i yami maddiri maddaringikka. Atonna etearoddi pallal᷊agunu ro'en dorone naddatingngu orassa indi; taambe saran paassa iemiu tumuṛṛutta si Ya'u.

YEREMIA 32:33

I mangitou buatte nanantang-Ku salaiwe I Ya'u sidutu mangngenggenna si mangitou, i mangitou maddiri maddaringikka wuṛṛu mangimanna.

YEREMIA 35:17

Ana waugu udde, i Ya'u, Mawu Apan Lembontaṛṛino, Ruatan Israel, sarun mandanta si yamiu – manga taumatan Yehuda wuṛṛu Yerusalem – al᷊awo'u asasilaka apan buatte Ta'u tinantunna maṛṛia'a si yamiu, ere buatte Ta'u niwisara. Olangnge udde Ta'u olaanna ana waugu i yamiu maddari maddaringikka napawe i Ya'u mabbisara si yamiu, wuṛṛu i yamiu maddiri sumimbakka sutempo i Ya'u mamaggo si yamiu.”

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YEHEZKIEL 22:24

“Ei taumata apan mattate, wal᷊oa'a su taumatan Israel manungku leta'i mangitou narosate, wuṛṛu ana waugu udde i Ya'u nasa'u wuṛṛu makkuumanne.

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

ZEFANYA 1:6

I Ya'u sarun mamate si mangitou apan tawe nirumanta ringang-Ku ara'e maddorongnga aehe-U wuṛṛu apan buatte nanantang-Ku wuṛṛu maddirite lai tumantalongnga si Ya'u.”

2 TIMOTIUS 3:16

Sarangkanambone apan uawoṛṛetta sulal᷊ummu Wuke Susi, tinantiron Duata wuṛṛu pia gunane ipangaṛṛa'a al᷊aṛṛa'a su ṛinone, ipanaggu, wuṛṛu ipangapia apan nassal᷊a, wuṛṛu ipangaṛṛa'a taumata tadea'u mabbiakka tumuṛṛuttu apulun Duata.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.