ZEFANYA 3:13 - WUKE SUSI WATTI'U AL᷊AL᷊USASSA

¹³ Taumatan Israel apan ta'e nallambe, tate ma'ola'a al᷊al᷊eo apia su taumata waine; i mangitou tate mangawusu apia wuṛṛu tate lai mallinga. I mangitou sarun mabbiakka su lal᷊umanna'a wuṛṛu mal᷊angnganna, wuṛṛu tate maapendamma atata'utta su anambon taumata waine.”

ZEFANYA 3:13 Iomraidhean Croise

2 TAWARIKH 20:30

Ana waugu udde i Yosafat namarentate ringannu matammudda, wuṛṛu Mawu nangonggola si tou paddarame su ahewallu wanua.

AYUB 11:19

I'o sarun tawe mata'uttu seetta; manambo taumata sarun maiontolla si'o.

DARALO 119:3

Lal᷊umanna'a su taumata apan mabbiakka tuttuṛṛutta apulun Mawu. wuṛṛu tawe ma'ola'a al᷊al᷊eo.

DARALO 120:2

Oh Mawu, sal᷊amatewe i ya'u wuassu taṛṛa awusu wuṛṛu taṛṛa l᷊inga.

DARALO 120:3

Ei taṛṛa l᷊inga, apate sarun olaannu Ruata su saruannu? Ringannu apa i Tou sarun makkuumannu?

DARALO 23:2

I Tou napal᷊allowangku su wadda'u nannal᷊o apan ma'elomma. I Tou nagehetta si ya'u watukku ua'e apan matilangnga.

YESAYA 17:2

Manga soa su Siria sarun itantangnga saran mal᷊annu-l᷊annu wuṛṛu maola'a tampan ammul᷊annu winatangnga; tawe saran sangkatou apan mallimbuakka si mangitou.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 63:8

Mawu nabbisara, “Atonna-tonna, i mangitou uddewe uma-Ku, manga al᷊aṛṛana'a apan tawe nandal᷊eo naungnga.” Ne i Tou nabbal᷊i Mananal᷊amatti mangitou,

YESAYA 65:10

Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

YEREMIA 23:4

I Ya'u sarun mamile piaṛṛangnge iapapaddul᷊i si mangitou. Uma-U tate mata'utta wuṛṛu lai suminggawangnga; tawe sarana sangkatou wuassi mangitou apan mawul᷊i. I Ya'u, Mawu, buatte nabbisara.”

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEHEZKIEL 39:26

Napawe i mangitou matana'e apia ringannu matammudda su wanua mangitou sassane, tate saran sangkatou apan mamansaggi mangitou, i mangitou sarun maabul᷊i ereapa i mangitou buatte nipansilianna ana waugu nallobbossa si Ya'u.

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

IMAMATTA 26:6

I Ya'u sarun mallu'adda wanuanu ma'oman sara i yamiu wotongnge matiilla ringannu matammudda wuṛṛu tawe mata'utti sai-sai. Manga winatangnga mal᷊aṛṛaga sarun Ta'u iapaawul᷊i wuassu wanua udde, wuṛṛu tate lai pangalo su wanuanu.

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

ZEFANYA 2:7

Tumana'u Yehuda tawe maal᷊assangnga, sarun mamanua su wageangngu letangngu udde. I mangitou sarun mamadul᷊i winatangnga su leta'a udde, wuṛṛu napane ṛabbite i mangitou sarun matiilla su manga wal᷊en taumatan Askelon. Ana waugu Mawu, Ruatan mangitou sarun mandiaga si mangitou apia wuṛṛu ma'ola'a si mangitou sulal᷊umanna'a apia.

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.

ZAKARIA 8:16

Eteindi manga parenta apan rinone olaanni yamiu: Amungkangngu mabbisara, pabbisarate ringannu atonna su sansul᷊ungngu. Pangonggollennu pallaṛṛuungnga apan matul᷊idda wuṛṛu mangngapiddu paddarame.

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.

MATIUS 13:41

Ana'u Taumata sarun mandolokku manga mala'ekan-Ne mangammullu manga taumata su wallattu al᷊aṛṛanang-Nge apan naola'a taumata marosa, wuṛṛu anambon taumata waine lai apan ma'ola'a al᷊al᷊eo.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

KOLOSE 3:9

Arie pangawusu sangkatou ringannu waine, ana waugu wiakka tabbe ringannu al᷊awo'u pallal᷊agune suete nirammen kamiu.

1 PETRUS 3:14

Arawe salaiwe i yamiu uatataṛṛanga ana waugu ma'ola'a manga inolaanna mapia, i yamiu naauntunga! Arie paata'utti sai-sai wuṛṛu arie suminggawangnga.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

SONDAPPA 14:5

Tawe saran paassa i mangitou mangawusu; wuṛṛu i mangitou tawe anggone saran adio'a.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”