ZEFANYA 2:9 - WUKE SUSI WATTI'U AL᷊AL᷊USASSA

⁹ Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

ZEFANYA 2:9 Iomraidhean Croise

YESAYA 11:14

I mangitou suadio'a sarun mamangalo taumatan Filistin su waṛṛatta wuṛṛu mangaṛṛo pabbawalage su ra'i. I mangitou sarun mamaddon walahannu Edom wuṛṛu Moab, wuṛṛu walahannu Amon sarun massuṛṛubbawa si mangitou.

YESAYA 25:10

Mawu sarun mallu'adda Wuiddu Sion, arawe Moab sarun ṛindanna ere laṛṛami su pangangadoannu sapadda.

YESAYA 49:18

Pa'ellege wuṛṛu panutudde apan uaoal᷊iwutta si'o, tumana'u soanu naammulle wuṛṛu rumantate ringannu. Ana waugu i Ya'u, Ruata apan biakka, i Ya'u mabbisara, atonna i'o sarun lumuassa ana waugu tumana'u soanu, naal᷊ihidda maawingnga wawine lulluassa ana waugu alaṛṛansangnge.

YEREMIA 46:18

I Ya'u Ruata apan biakka, i Ya'u ratu, Mawu Apan Lembontaṛṛino. Ere Wowon Tabor nanampal᷊iu manga wowone waine, wuṛṛu Wowon Karmel ual᷊iatta'a su wowon tahal᷊oangnga, etearoddi atohanne i tou rumanta mamangalo si'o.

YEREMIA 48:1

Eteindi apan niapasingkattu Mawu Apan Lembontaṛṛino, Ruatan Israel su ola'u Moab, “Nasilakate tumana'u Nebo, soane naṛṛaate! Kiryataim niaṛṛo, wuṛṛu tanda batune apan matohassa niṛṛimunsa'a, na'oman sara tumanangnge nasili;

YEREMIA 49:1

Eteindi wisara Mawu su ola'u Amon, “Anio leta'u ṛuangannu Gad niaṛṛo wuṛṛu niatanaannu manga taumata apan massubba si Monganna Milkom? Apa piate lai taumatan Israel apan botongnge manahekku leta'a udde?

YEREMIA 49:18

Su ereapa Sodom wuṛṛu Gomora niṛṛimunsa'a suadio'a ringannu manga ampungnga maranine, aroddi lai Edom. Tawe saran sangkatou apan matana'a apia poiaroddi. I Ya'u, Mawu, buatte nabbisara.

YEREMIA 49:33

Hazor sarun iwala aroddi saran mal᷊annu-l᷊annu wuṛṛu maola'a tampa pa'imbuniannu asun ahuranganna. Taweddu saran sangkatou apan matana'a poiaroddi lai. Ia'iu, Mawu, buatte nabbisara.”

YEREMIA 50:40

Su ereapa i Ya'u nanggohakku Sodom wuṛṛu Gomora suadio'a ringannu ampungnga maranine, aroddi lai Ya'u sarun makkimunsa'a Babel. Tawe saran sangkatou apan matana'a lai poiaroddi. I Ya'u, Mawu, buatte nabbisara.

AMOS 1:13

Mawu nabbisara, “Walahannu Amon masokkate ma'ola'a rosa, ana waugu udde i Ya'u sarun makkuumanni mangitou. Sutempo napapangalo tadea'u manggewalla wageangngu araratuanne, i mangitou nangua tiannu manga wawine pia illoṛṛone su Gilead.

AMOS 2:1

Mawu nabbisara, “Tumana'u Moab masokkate ma'ola'a rosa, ana waugu udde i Ya'u sarun makkuumanni mangitou. I mangitou mallobbossa si Ratun Edom apan natete ude; ringannu namongkakku labbingnge see nanganu manga duṛṛine wuṛṛu nitambunna nabbal᷊i awu.

ZEFANYA 2:14

Isudde ammul᷊annu winatangnga wuṛṛu al᷊awo'u hatin binatangnga papadul᷊iananna sarun massal᷊akka su manga tuidda udde wuṛṛu mangintul᷊i wuassu manga jandela. Manu'a gagak sarun umu'u wuassu saruannu manga ngara. Alu cemara su manga wal᷊en soa udde sarun masue sassawutanna.

ZEFANYA 2:7

Tumana'u Yehuda tawe maal᷊assangnga, sarun mamanua su wageangngu letangngu udde. I mangitou sarun mamadul᷊i winatangnga su leta'a udde, wuṛṛu napane ṛabbite i mangitou sarun matiilla su manga wal᷊en taumatan Askelon. Ana waugu Mawu, Ruatan mangitou sarun mandiaga si mangitou apia wuṛṛu ma'ola'a si mangitou sulal᷊umanna'a apia.

ZEFANYA 3:13

Taumatan Israel apan ta'e nallambe, tate ma'ola'a al᷊al᷊eo apia su taumata waine; i mangitou tate mangawusu apia wuṛṛu tate lai mallinga. I mangitou sarun mabbiakka su lal᷊umanna'a wuṛṛu mal᷊angnganna, wuṛṛu tate maapendamma atata'utta su anambon taumata waine.”

ZAKARIA 2:13

Paal᷊annabbe i yamiu sarangkanambone su saruannu Mawu! Ana waugu i Tou buatte nanantangngu tampa wawanuan-Ne su surga.

REENGANNA 14:21

Arawe i Ya'u ma'ire ringannu watangang-Ku wuṛṛu wangu i Ya'u apan biakka wuṛṛu uataṛṛino su runia indi,

ROMA 14:11

Sulal᷊ummu Wuke Susi uawoṛṛetta, “Mangke atonna,” wisaran Mawu, “sangkatou-sangkatou sarun massubba su saruang-Ku; wuṛṛu sangkatou-sangkatou sarun manga'u manungku ete i Ya'u Ruata.”

TAHIUL᷊E 29:22

Su allo addantane, papapulunnu wuṛṛu taumata raho wuassu wanua marau sarun maasilo manga asasilaka wuṛṛu asasusa apan niaparantan Mawu su wanuanu.

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.