ZEFANYA 2:3 - WUKE SUSI WATTI'U AL᷊AL᷊USASSA

³ Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

ZEFANYA 2:3 Iomraidhean Croise

2 SAMUEL 12:22

“Ore,” sasimbakki Daud, “atonna i ya'u tawe umanna wuṛṛu lulluai sutempo ana'a udde ta'e wiakka ana waugu i ya'u maṛṛingidda: Asinungka i ya'u sarun iakkannu Mawu wuṛṛu mapawiakku ana'a udde.

DARALO 105:4

Paddorongke atatohassa wuassi Tou, passubbate si Tou sidutu.

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

DARALO 22:26

Supattangannu ammul᷊annu taumata i ya'u maddalo Si'o, ana waugu sarangkanambone apan buatte niolang-Ngu. Su saruannu taumata apan mangngimanna i ya'u nangonggolu sasamba apan ta'u pina'ire.

DARALO 31:20

Aroddi anambone apapia-Nu apan nisaddia-Nu su taumata apan mangngimanna! Suapan taumata naasilo apapia apan niolang-Ngu, si mangitou apan uatillumma Si'o.

DARALO 45:4

Peta'e hal᷊elenu su lawassa, ei ratu apan matohassa, i'o tumaniten mawantuga wuṛṛu nilumiatta'a!

DARALO 57:1

Su piaṛṛa'u mangangantari. Tumuṛṛuttu antari: Imbaṛṛangnga manggohakka. Daralo wuassi Daud, sutempo i tou tinumal᷊anga su loṛṛangnga mallinda'i Saul.

DARALO 76:9

Wuassu langitta I'o namasingkattu raṛṛawen-Nu; runia nata'utta wuṛṛu mal᷊annabba.

DARALO 91:1

Taumata apan uatillumma su Apan Atanggaṛṛanne, wuṛṛu uatana'a sulal᷊ummu lu'addu Apan Lembontaṛṛino,

SASABANGNGA 12:27

I yamiu ṛinone sumimbakka, ‘Indi sasamban Paskah ipangaddata Mawu, ana waugu wal᷊en manga taumatan Israel sinabbian-Ne, su tempo i Tou namate manga ana'a esakka pahul᷊u su Mesir, wuṛṛu i ite niwala-Ne wiakka!’ ” Ne niumal᷊intuddate manga taumatan Israel massubba.

AMSAL 18:10

Mawu udde naal᷊ihidda menara apan matohassa; ete poiaroddi taumata matul᷊idda inai wuṛṛu maasomba tampa apan mal᷊angnganna.

YESAYA 1:17

pangurumpe ma'ola'a apapia. Pararisiṛṛa'e atatul᷊idda wuṛṛu illol᷊oa'e pangangallangnga; onggol᷊a'e su asisin timpal᷊ussa hakki mangitou samba'a ite hatton manga wawine wal᷊u.”

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YEREMIA 39:18

I'o tawe pateanna, ana waugu i Ya'u sarun manal᷊amatta si'o. Niawanu sarun masal᷊amatta ana waugu I'o uaantimma si Ya'u. I Ya'u, Mawu, buatte nabbisara.”

YEREMIA 45:5

Anio i'o mappulu olaanna apianne? Arie aroddi, Barukh! Anambon taumata Ta'u niṛṛuumanna ringannu asasilaka, arawe su olangngu mattingkaddio'a i'o sarun masal᷊amatta. Su anambon tampa i'o inai, i'o sidutu wiakka. I Ya'u, Mawu buatte nabbisara.”

YEHEZKIEL 13:5

I mangitou tawe nandiaga manga tampa suapa manga darandungnge naṛṛa'a, wuṛṛu lai tawe nangapia manga tatanda'a udde. Nariaddi, Israel tawe iatahekka amungkangngu papangalo mariaddite su allo i Ya'u, Mawu rumanta makkuumanna.

HOSEA 10:12

Ia'unabbisara, ‘Ei Israel! Wannara'e wailla wakku hunan batangannu, pangasi'en wualannu atatul᷊idda, wuṛṛu pangitingke al᷊amatta apan mahessin araṛṛimaddu darangngunu si Ya'u. Ana waugu, temponate i'o maddea'a si Ya'u, Mawunu. I Ya'u sarun dumanta wuṛṛu manossokku manga al᷊ama-U si'o.’

HOSEA 7:10

Awawungan taumatan Israel aasiloanna ringanu matualaga wuṛṛu maola'a tialan pasasal᷊an mangitou. Salaiwe sarangkanambone udde buatte natipussa, i mangitou tawe lai maddea'a si Ya'u, ara'e mabbelengnga ringang-Ku, Mawu Ruatan mangitou.

YUNUS 3:9

Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

MATIUS 5:5

Lal᷊umanna'a su taumata apan naungnge mawawo; Ruata sarun manipussa paaire-Ne si mangitou!

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

1 TESALONIKA 4:10

Wuṛṛu olangnge indi suete niapaal᷊iatta'i yamiu su saruannu manga tuṛṛanga apan pangangimanna sambau su Makedonia. Arawe manga tuṛṛangnga, i yami sumal᷊ande atonna si yamiu, tadea'u wiakki yamiu maola'a lembon apianne lai.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 PETRUS 3:4

Arawe ṛinone araṛṛamagu lumapputa wuassu lal᷊ummu naungngu, pallal᷊agunu apan masaṛṛionto'a wuṛṛu matammuda; ana eteudde araṛṛansangnga apan tawe panginsueanne wuṛṛu lembon maarega su aellegu Ruata.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus