ZEFANYA 2:2 - WUKE SUSI WATTI'U AL᷊AL᷊USASSA

² tatal᷊anna i yamiu taambe tinumolangnga wuṛṛu maṛṛangu ere bunga! Awal᷊ute tantal᷊anna taambe nirumanta allo asasa'un Mawu, wuṛṛu i yamiu aṛṛiaannu asasa'un Mawu apan lukkenggamma udde.

ZEFANYA 2:2 Iomraidhean Croise

AYUB 21:18

Apa i mangitou ere laṛṛami wuṛṛu awu apan nisal᷊iawukku lakkuti wuṛṛu tiniuppu anginna?

DARALO 1:4

Arawe taumata lal᷊eo: i tou naal᷊ihidda wal᷊a'a apan pinassal᷊iawuku anginna.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YEREMIA 23:20

Asasa'u-Ne tawe umompo'a tantal᷊anna sarangkanambone apan niṛṛiinne taambe niola'a. Su allo addantane umattu Mawu sarun maasunna olangnge udde ringannu matualaga.”

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEHEZKIEL 12:25

i Ya'u, Mawu Apan Atanggaṛṛanne sarun mabbisara ringannu walahannu Israel, wuṛṛu anambon wisara-U sarun mariaddi, ringannu tawe iasoṛṛotta lai. Paddaringikka, ei ṛuanganna mal᷊awangnga! Sutempon pabbiaṛṛannu sarun Ta'u olaanna al᷊awo'a apan Ta'u niapanaungnga si yamiu. I Ya'u, Mawu Apan Atanggaṛṛanne buatte nabbisara.”

HOSEA 13:3

Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”