ZEFANYA 2:15 - WUKE SUSI WATTI'U AL᷊AL᷊USASSA

¹⁵ Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

ZEFANYA 2:15 Iomraidhean Croise

AYUB 16:4

Unnuwisara i yamiu indi i ya'u, wuṛṛu i ya'u i yamiu, i ya'u lai maawisara uasul᷊ungngu ereudde. I yamiu ta'u wambinannu manga wisara; pua'u sarun ta'u iapapa'ilingku.

AYUB 27:23

Ananawone nisal᷊ohoannu taumata ringannu tatal᷊o'appa; suapan tampa i tou naasomba aal᷊uandaga.”

YESAYA 22:2

Tawe ṛinone ahewallu soa maandeangnga wuṛṛu u'uin al᷊al᷊uassa. Ana waugu manga taumatan pangalonu apan nate sulal᷊ummu pangalo indi wal᷊ine nate ana waugu napapangalo.

YESAYA 32:11

Maddatingngu orassa indi i yamiu mabbiakka matemangnga, nal᷊iudda wuassu asasusa. Arawe orassa indi, mangngiladden atata'utta! Luatte laungngu wuṛṛu reṛṛota'e nasa su lawannu.

YESAYA 32:14

Ewe'e lai wal᷊en araratuanna sarun itantangnga wuṛṛu inangngu soa apan rame mabbal᷊i mal᷊annaba. Wuidda wuṛṛu manga menara panddariaganna buatte niratakka ringannu leta'a saran mal᷊annu-l᷊annu. Manga keledai matengnga wuṛṛu domba sarun mannal᷊angnga wuṛṛu umanna nannal᷊o isudde.

YESAYA 32:9

Paddaringikka, ei manga wawine apan mabbiakka matemangnga, nal᷊iudda wuassu asasusa!

YESAYA 47:10

I'o uapendamma matammudda sulal᷊ummu al᷊al᷊eonu, unnu pahinu inolaannu tawe ellehanna. I'o iaal᷊iwun apandenu wuṛṛu asingkannu, su sunnanu taweddu ere i'o.

YEREMIA 18:16

Wanua indi buatte niola'i mangitou tampa apan maata'utta, wuṛṛu sarangkal᷊o'enge maola'a aal᷊uandaga. Sarangkanambone apan umamatta sarun mapapa'ilingngu pua ana waugu matta'utta.

YEREMIA 19:8

I Ya'u sarun maṛṛia'u asasilaka apan wahewalla su soa indi, ma'oman sara suapan taumata apan sumabbi isudde sarun ṛumindu'a wuṛṛu mata'utta.

YEREMIA 50:13

Ana waugu i Ya'u nasa'u, ne Babel sarun mallambe ete tuidda wuṛṛu taweddu matana'a. Sarangkanambone apan sumabbi isudde sarun ṛumoro wuṛṛu mata'utta.

LAL᷊ALLU 1:1

Aroddi al᷊annabbe Yerusalem orassa indi, soa apan al᷊amonane rame atonna. Dorone tinumelengnga wuassu al᷊awo'u manga walahanna, orassa indi naola'e ere wawine wal᷊u. Dorone soa apan mangke raddaloanna, orassa indi niola'e allangnga.

LAL᷊ALLU 2:1

Mawu nammanara sulal᷊ummu asasa'u, Sion nioossu Mawu ringannu ararandumma. Awawantugu Israel atanggakke ere langitta, buatte niemang-Nge su runia. Sutempo Mawu nasa'u, Wal᷊en-Ne su Sion tate lai nipanduman-Ne.

LAL᷊ALLU 2:15

Anambon taumata apan sinumabbi, mangngal᷊uandaga si'o, ana waugu i'o naṛṛimunsa'e abbi. I mangitou uapapa'ilingnga wuṛṛu nabbisara, “Eteudde apan aṛṛansanganne, soa apan raddaloannu runia?”

YEHEZKIEL 27:36

I'o nawul᷊i tawe baddi'a saran mal᷊annu-l᷊annu. Manga mabbawal᷊u'a su ahewallu runia nabbal᷊i niṛṛumindu'a ana waugu matta'utta sarun aṛṛiannu pal᷊addu wiakka ereudde.”

YEHEZKIEL 28:2

“Ei taumata apan mattate, wal᷊oa'e si ratun Tirus, apa apan i Ya'u Mawu Apan Atanggaṛṛanne mabbal᷊o si tou, ‘Ringannu mawunga i'o mangngantimma i'o monganna apan ua'ianna su pattangngannu tahal᷊oangnga. Wotongnge lai i'o mamunga ere monganna, arawe paanaunge, i'o tumba'u taumata wiasa.

YEHEZKIEL 28:9

Ne, napawe nia'omante tempone udde, ta'e wotongngewe i'o mabbisara manungku i'o Ruata? Su saruannu manga mamamatenu, nasemakke manungku i'o tumba'u taumata wiasa.

YEHEZKIEL 29:3

Mawu Apan Atanggaṛṛanne nandolo'u iapapasingkatta su ratu Mesir tanata indi, “I ya'u indi seennu, ei wuala masallakka apan ual᷊allowanga su sal᷊ukka. I'o mammahia manungku Sal᷊ukku Nil uddewe pussa'anu wuṛṛu manungku ete i'o apan na'ola'a.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

NAHUM 3:19

Hal᷊isanu sarun tawe aundamanna, wuṛṛu manga lessanu tawe mapia. Anambon taumata apan naaringikka watti'u araṛṛimunsangu sarun mattal᷊o'appa lulluassa. Ana waugu anambon taumata buatte natataṛṛangnga susa ana waugu al᷊al᷊eonu apan tawe panguddusanne udde.

HABAKUK 1:7

Su al᷊awo'u tampa i mangitou mandantan atata'utta; ringannu mawunga i mangitou mannol᷊a'u anambon tita tabbene'e nasul᷊ungngu apulun mangitou.

MATIUS 27:39

Manga taumata apan sinumabbi isudde mangke uapapa'ilingnga wuṛṛu mangngaddio'a Mawu Yesus.