ZEFANYA 1:7 - WUKE SUSI WATTI'U AL᷊AL᷊USASSA

⁷ Allon Mawu maranite, su allo udde Ruata sarun mamanara; ana waugu udde, paatammudde watangannu su sarua-Ne. Mawu uariahite mamate uman-Ne ere sasamba aonggolla wuṛṛu i Tou buatte namanggo manga seettu Yehuda.

ZEFANYA 1:7 Iomraidhean Croise

AYUB 24:1

Anio Ruata tawe nanantunnu allo pakkuunganna, tadea'u manga taumata apan masingkan-Ne maasomba atatul᷊idda?

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

YESAYA 13:3

Mawu buatte namaggo manga atumannaṛṛanne apan nipile-Ne. I mangitou matohassa, mangngimanna watanganne wuṛṛu wotongnge pangantiman-Ne. Mawu nandolokki mangitou makkuumannu manga taumata apan niaṛṛinoannu asasa'u-Ne.

YESAYA 13:6

Lalluaite, ana waugu allo Mawu maranite, eteudde allon papate apan niaparanta Mawu Apan Lembontaṛṛino.

YESAYA 2:12

Su allo udde Mawu Apan Lembontaṛṛino sarun mapawawon sarangkanambone apan mannanggakku watanganne wuṛṛu makkuumannu sarangkanambone apan mawunga wuṛṛu matanggakka.

YESAYA 29:2

Arawe Ruata sarun mandanta asasilaka su soa udde, na'oman sara taumata sussal᷊iomanna wuṛṛu ma'uare. Ahewallu soa naal᷊ihidda mezbah apan nappeta'u daṛṛa.

YESAYA 34:5

Mawu buatte nanaddia hal᷊ele-Ne su surga, wuṛṛu orassa indi hal᷊ele udde sarun maṛṛia'a su walahannu Edom apan buatte niemaannu ṛuumanna wuṛṛu ṛaddaanna.

YESAYA 34:6

Hal᷊ele Mawu sarun, mappeta'u daṛṛa wuṛṛu mapenen tawa mangitou, naal᷊ihidda ere ringannu daṛṛa wuṛṛu tawan binatangngu sasamba. Ana waugu Mawu nanaddia sasamba su Bozra, wuṛṛu na'ola'a pamamototta marasai su leta'u Edom.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YEREMIA 46:10

Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

YEHEZKIEL 7:10

Allon asasilaka su walahannu Israel nia'omante. Lal᷊aṛṛaga aatambanna. Awawunga ete nipangillembo.

YEHEZKIEL 7:7

Sarangkanambone nuddusse si yamiu, ei walahanna apan uatana'a su leta'a indi. Orassa indi tate lai manga andeangnga su manga mezbah su panenteanna, nallambe tumba'u pabbawawul᷊o.

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

YOEL 2:31

Matannallo sarun mabbal᷊i marandumma wuṛṛu wul᷊anna mabbal᷊i maṛṛamu ere daṛṛa. Sarangkanambone udde sarun mariaddi tantal᷊anna Allon Mawu taambe nia'omanna, allo apan wahewalla wuṛṛu maata'utta!

AMOS 6:10

Sangkatou reengannu amonanna apan mammanara pallal᷊abbinge, sarun dumanta wuṛṛu mangapidda su liuddu winal᷊uanannu tuṛṛangnge. I tou sarun mangintul᷊i su taumata apan poi su liuddu wal᷊en udde, “Apa ta'e piaddu wiakka wal᷊ine wuassi'o?” Ne sarun aringiṛṛanna sasimbakke, “Tate!” Reengannu amonanna mammanara mallabbingu winal᷊unanna udde sarun mabbisara, “Imbaṛṛangnga mabbisara apia! I ite tawe wotongnge managgon arannu Mawu.”

AMOS 8:3

Su allo udde manga aantari su wal᷊en araratuanna sarun mabbal᷊i lal᷊uai. Su al᷊awo'u tampa uaseṛṛoppa manga winal᷊unanna buatte niramme ringannu mal᷊anna-l᷊annabba.”

HABAKUK 2:20

Mawu udde sulal᷊ummu Wal᷊en-Ne apan susi; ṛinone anambon taumata su runia uma'ukku'u watanganne su saruan-Ne.

ZEFANYA 1:14

Allon pallaṛṛuungngu Mawu maranite, ore, marani-ranite, manungku sarun dumanta ringannu mal᷊ihakka. Allo udde napenen atataddu'a, na'oman sara manga tantara apan atohasanne lai sarun sumal᷊iomanna ana waugu niasueannu ṛingidda!

ZAKARIA 14:1

Allon pallaṛṛungngu Mawu maranite. Ne Yerusalem sarun pangaṛṛoanna, wuṛṛu ina'ul᷊ene sarun tahianna su saruannu matanu.

ZAKARIA 2:13

Paal᷊annabbe i yamiu sarangkanambone su saruannu Mawu! Ana waugu i Tou buatte nanantangngu tampa wawanuan-Ne su surga.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

MATIUS 22:4

Wua'udde ratu nandolokku lai manga ralol᷊oṛṛanne waine. Wisarane si mangitou: ‘Wal᷊oa'a su taumata apan suete niwal᷊oanna udde: Imbe su andeangnga nasaddiate. Sapi wuṛṛu manga ana'u sapi'u apan apianne suete nipototta. Sarangkanambone nasaddiate. Ringannu addatta rantate su andeangngu awingnga!’

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

ROMA 9:20

Arawe, tuṛṛangnga! Tuṛṛangnga tumba'u sangkatou taumata. Wuṛṛu tuṛṛangnga tawe waṛṛani sumimbakka Ruata! Wotongngewe tampan bunga maiwal᷊o, isai taumata na'ola'a si tou, “Anio i'o na'ola'a si ya'u arendi?”

FILIPI 4:5

Ṛinone anambon taumata wotongnge maasilo pallal᷊agu naungngu apan mapia. Ana waugu tate mal᷊annu lai Mawu sarun dumanta.

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

1 SAMUEL 16:5

I Samuel sinumimbakka, “Ore, atonna. I ya'u nirumanta mangonggollu sasamba su Mawu. Ne paawaresite watanganni yamiu tadea'u wotongnge maaranta su darohan sasamba udde.” Isai wuṛṛu manga anangnge lai nirolokka niapawaresi watanganne sambau-sambau wuṛṛu niaparanta su daroha udde.

1 SAMUEL 20:26

Arawe i Saul nangaitta olangnge udde su allo udde, ana waugu i tou maṛṛingidda, “Asinungka i tou pia limbanne, na'oman sara i tou tawe waresi tumuṛṛuttu titan agama.”