ZEFANYA 1:3 - WUKE SUSI WATTI'U AL᷊AL᷊USASSA

³ anambon taumata wuṛṛu winatangnga, nasutta manu'u winalanganna wuṛṛu inassa. Taumata lal᷊eo sarun Ta'u pateanna. Anambon umattu taumata sarun insuenanna, tawe saran sangkatou apan Ta'u iwala wiakka. I Ya'u, Mawu, buatte nabbisara.

ZEFANYA 1:3 Iomraidhean Croise

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

YESAYA 6:12

tumana'u manga soa udde sarun Ta'u limbuaṛṛanna watukku tampa apan marau, na'oman sara ahewallu leta'a mabbal᷊i mal᷊annabba.

YEREMIA 12:4

Ta'e sangkura lai al᷊annune wanua indi mamara, wuṛṛu nannal᷊o tumolangnga su al᷊awo'u wawail᷊anna? Manu'u winalanganna wuṛṛu winatangnga waine nate ana waugu al᷊al᷊eon balahanni yami. I mangitou nabbisara, manungku i ya'u sarun tawe maasilo ola'u pabbiaṛṛanni mangitou.”

YEREMIA 50:3

Sambau walahanna wuassu sawannakka sarun dumanta mamangalo Babel wuṛṛu ma'ola'a wanua udde mabbal᷊i wadda'a apan maṛṛasa. Taumata wuṛṛu winatangnga sarun tumal᷊angnga, wuṛṛu tate lai apan maapulu matana'a poiaroddi.”

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEHEZKIEL 44:12

Arawe ana waugu i mangitou buatte na'ola'a lal᷊aghu pasasubba paal᷊uanna hunan walahannu Israel, wuṛṛu ringannu olangnge udde mangngapiddu walahanna udde sulal᷊ummu rosa, ne i Ya'u, Mawu Apan Atanggaṛṛanne, massalu manungku i mangitou ṛinone iṛṛuumanna.

YEHEZKIEL 7:19

Wul᷊awanna wuṛṛu sal᷊a'a sarun iramme i mangitou su manga lal᷊anna naal᷊ihidda sapadda, ana waugu su allo Mawu mapasabbangu asasa'u-Ne, wul᷊awanna wuṛṛu sal᷊a'a udde tawe mapanal᷊amatta si mangitou, ewe'e lai mamontolli mangitou sulal᷊ummu rosa. I mangitou tawe mapappaatta ipalluassa ara'e ipalloṛṛo tianni mangitou.

HOSEA 14:3

Pabbelengke ringannu Mawu wuṛṛu apira'e aal᷊iomanna indi maola'a sasambanu si Tou, “Mawu, ampungewe al᷊awo'u rosan kami, wuṛṛu sengkampe aal᷊iomanni yami indi, ne i yami sarun maddalo Si'o ere buatte pina'ireng kami.

HOSEA 14:8

I mangitou sarum mabbelengnga ringang-Ku wuṛṛu matana'a sulal᷊ummu lal᷊u'arang-Ku. Ringannu mal᷊ihakka i mangitou sarun aatambanna lal᷊umanangnge, naal᷊ihidda gandumma apan tinumuwo su wawail᷊anna apan masuwukka wuṛṛu naal᷊ihidda wawail᷊annu anggore. Naal᷊ihidda ua'en anggore Libanon aranni mangitou tinumelengnga.

HOSEA 4:3

Ana waugu udde wanua indi sarun maola'a maṛṛasa, wuṛṛu al᷊awo'a apan mabbiakka isudde sarun mate. Al᷊awo'u hatin binatangnga su winalanganna, su ammaranne wuṛṛu su tahal᷊oangnga sarun mate.”

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

MATIUS 13:41

Ana'u Taumata sarun mandolokku manga mala'ekan-Ne mangammullu manga taumata su wallattu al᷊aṛṛanang-Nge apan naola'a taumata marosa, wuṛṛu anambon taumata waine lai apan ma'ola'a al᷊al᷊eo.

MATIUS 23:39

Paasingkate: Manattakka wuassu orassa indi, i'o tate lai maasilo si Ya'u ma'oman sara i'o mabbisara, ‘Nial᷊amatanna i Tou apan nirumanta ringannu arannu Mawu.’ ”

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.