ZEFANYA 1:17 - WUKE SUSI WATTI'U AL᷊AL᷊USASSA

¹⁷ Mawu nabbisara, “I Ya'u sarun mandantan manambo asasilaka su umattu taumata, na'oman sara i mangitou sarun uasasaṛṛipo ere taumata wuta. I mangitou sarun ma'ola'a rosa si Ya'u, wuṛṛu orassa indi daṛṛan mangitou. Sarun mabboso ere ua'e, wuṛṛu manga winal᷊unanni mangitou sarun mawukku'a su leta'a.”

ZEFANYA 1:17 Iomraidhean Croise

DARALO 83:10

Olaawe i mangitou taumatan Midian, ere i Sisera wuṛṛu Yabin su Sal᷊ukku Kison,

YESAYA 29:10

Mawu na'ola'a si yamiu a'amatiil᷊anna wuṛṛu mattiilla mal᷊angnga. I Tou nanaappa mata manga nabi wuṛṛu nallindumma hati manga taṛṛa pasi'atta.

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

YEREMIA 10:18

Paassa indi Mawu sarun manuntungngu anambon walahannu Yehuda su pamamuanganna; i yamiu sarangkanambone sarun ṛimunsaan-Ne sara masue. Eteudde tanata wuassu Mawu.

YEREMIA 15:3

I Ya'u, Mawu, buatte nanantunna manungku appatta ṛuumanna apan ma'ata'utta sarun mariaddi si mangitou: i mangitou sarun mate sulal᷊ummu pangalo, winal᷊unanni mangitou sarun wol᷊engannu asu, inasannu manu'u winalanganna, wuṛṛu insueannu winatangnga mal᷊aṛṛaga.

YEREMIA 18:21

Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 4:18

Yehuda, ete i'o sassane apan nandantan asasilaka udde su watangannu. Ola'u pabbiaṛṛannu wuṛṛu manga inolaannu naawawa anambon asasusa udde mangngusu'a naungngu.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

LAL᷊ALLU 1:14

I Tou nanganu anambon rosa'u, wua'udde niwa'issa nabbal᷊i sambau, ana see nipul᷊issa su ullekka'u, na'oman sara awakkanne naal᷊ome si ya'u. Mawu nananti'u su seetta; i ya'u tawe ikkatta lumawangnga si mangitou udde.

LAL᷊ALLU 1:18

Arawe ete Mawu apan naṛṛino, ana waugu parenta-Ne ta'ute nil᷊awanganna. Daringiṛṛewe i ya'u, ei manga walahanna, ellehete i ya'u apan uatataṛṛangnga. Manga umbasanna wuṛṛu maṛṛuala'u niatawanna, wuṛṛu niapidda watukku pamuanganna.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

LAL᷊ALLU 2:21

Timmadde dario'a nate uatal᷊allada su lal᷊anna, manga saṛṛen tumuwo naten hal᷊ele. Su allo I'o masa'u, I'o naṛṛata si mangitou ringannu tawe apendamma umakkanna.

YEHEZKIEL 16:38

I'o sarun Ta'u iṛṛuumanna ana waugu pasasandaga wuṛṛu pamamate apan buatte niolangngu udde. Sulal᷊ummu naungdal᷊eo wuṛṛu asasa'u-U i'o sarun Ta'u iṛṛuumanna pateanna.

YEHEZKIEL 24:7

Su soa udde nariaddite pamamate, arawe daṛṛane tawe nabboso su leta'a, ewe'e su watu apan maatikka, na'oman sara tawe iasooppa.

YEHEZKIEL 24:8

Daṛṛa udde Ta'u niwala isudde na'oman sara wotongnge aellehanna wuṛṛu maddorongnga wawal᷊inne.”

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

MIKHA 7:13

Arawe runia sarun mabbal᷊i lol᷊okka ana waugu al᷊al᷊eon tumanangnge.

MATIUS 15:14

Ariete maddaringikka manga taumatan Farisi udde. I mangitou udde mangngehetta taumata wuta; wuṛṛu amungkangngu taumata wuta mangehetta taumata wuta, itarua sarun manawo sulal᷊ummu loṛṛangnga.”

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 11:7

Nariaddi, ereapate? Walahanna Israel tawe naasomba apa apan radeaanni mangitou. Naasomba udde tumba'u sire pira taumata wuassu ammul᷊anna adio'a apan buatte nipilen Duata. Ingana'a waine sarangkanambone nabbal᷊i mal᷊awangnga su wawaggo Ruata.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

2 PETRUS 1:9

Arawe taumata apan tawe pallal᷊agu ereudde, ṛingiranne maautta; i tou tawe maasilo wuṛṛu i tou naabul᷊i manungku manga rosane apan nal᷊iu suete niwaresi.

1 YOHANES 2:11

Arawe taumata apan maddantinnu tuṛṛangnge, udde sulal᷊ummu araranduma. I tou u'amatta sulal᷊ummu araranduma, wuṛṛu wagga watukuapa amatanne, ana waugu araranduma udde naawuta si tou.

SONDAPPA 3:17

I yamiu mabbisara, ‘I yami ala wuṛṛu al᷊awo'a mangke pia; i yami tawe urangnge apa-apa.’ Arawe i yamiu wagga aroddi aasiangnge wuṛṛu aroddi maasusa ririnu! I yamiu asiangnga, tantol᷊e wuṛṛu wuta.