ZEFANYA 1:14 - WUKE SUSI WATTI'U AL᷊AL᷊USASSA

¹⁴ Allon pallaṛṛuungngu Mawu maranite, ore, marani-ranite, manungku sarun dumanta ringannu mal᷊ihakka. Allo udde napenen atataddu'a, na'oman sara manga tantara apan atohasanne lai sarun sumal᷊iomanna ana waugu niasueannu ṛingidda!

ZEFANYA 1:14 Iomraidhean Croise

YESAYA 15:4

Taumatan Hesybon wuṛṛu taumatan Eleale maggontol᷊anna, wuṛṛu tingikki mangitou aaringiṛṛanna sara Yahas. Ewe'e lai manga tantara mangngiladda; i mangitou niawul᷊ianten awawaṛṛani.

YESAYA 33:7

Manga taumata apan matohassa wuṛṛu waṛṛani u'ui ma'iontolla; manga daroloṛṛanna apan maddea'a paddarame lulluai ringannu sasal᷊iomanna.

YESAYA 66:6

Paddaringikka! Pia tingikka ruddallu'a su soa; pia tingikka su Wal᷊e-U; eteudde tingi-U apan tantal᷊anna mabbal᷊issa seetta!

YESAYA 8:22

ara'e mangngintanno, i mangitou tawe maasilo manga apa tumba'u asasuṛṛipitta wuṛṛu ararandumma se'e lai asasul᷊aubba apan mangngaitta. I mangitou sarun iramme sutampa apan marandumma udde.

YEREMIA 25:36

I yamiu sussal᷊iomanna wuṛṛu lulluai ringannu massusa ana waugu Mawu sulal᷊ummu asasa'u-Ne buatte namate walahannu see nakkimunsa'a manga wanuanu apan mal᷊angnganna udde.

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YEREMIA 46:5

Arawe i Ya'u, Mawu, ma'asilo si mangitou sinumoṛṛotta matta'utta. Manga tantara mangitou niwaddo, wuṛṛu tinumal᷊angngu atata'utta ringannu tawe nanaille liudde.

YEREMIA 48:41

Manga soa wuṛṛu manga tanda batune sarun aṛṛoanna wuṛṛu tantarane sarun mata'utta ere wawine apan mangunsiwete.

YEHEZKIEL 12:23

Ne, wal᷊oa'e si mangitou manungku i Ya'u, Mawu Apan Atanggaṛṛanne sarun mangonggollu sasimbakke indi: Sasanato'a udde sarun Ta'u pappasanna, ma'oman sara tate lai iwisara su Israel. Maola'a hahantine wal᷊oa'a si mangitou manungku tempone nia'omante, wuṛṛu suapan nubuatta sarun matipussa.

YEHEZKIEL 7:12

Tempone mal᷊ihakke rumanta, allone maranite! Mamamalli wuṛṛu mabbawal᷊u'a tawe naasomba auntunganne apa-apa, ana waugu ṛuumannu Ruata maṛṛia su anambon taumata.

YEHEZKIEL 7:16

Sambageanganna sarum maralukka wuṛṛu tumal᷊angngu watanganne su panenteanna. Isudde i mangitou sarun maola'a ere manu'a merpati apan lallimbuaṛṛanna wuassu manga wawal᷊anne; sarangkanambone sarun sumal᷊iomanna ana waugu manga rosa mangitou.

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

YOEL 2:1

Paniuppe trompetta, patuntingia'e tatialan asasilaka su wuiddu Sion apan susi, aṛṛa'uanu Ruata. Pangngiladde, ei tumana'u Yehuda! Ana waugu Allon Mawu maranite wuṛṛu mal᷊ihakke rumanta.

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

YOEL 2:31

Matannallo sarun mabbal᷊i marandumma wuṛṛu wul᷊anna mabbal᷊i maṛṛamu ere daṛṛa. Sarangkanambone udde sarun mariaddi tantal᷊anna Allon Mawu taambe nia'omanna, allo apan wahewalla wuṛṛu maata'utta!

YOEL 3:14

Suṛṛiwune taumata poi su Wawal᷊annu Pakkuunganna. Ana waugu poiaroddi allon Mawu mal᷊ihakke rumanta.

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

AMOS 8:2

Mawu naiwal᷊o, “I'o naasilo apa, Amos?” I ya'u sinumimbakka, “Sambau sal᷊angka lal᷊oṛṛoannu manga wuan kaaluanna apan nal᷊ahate.” Mawu nabbisara, “Tempone nal᷊ahate su uma-U Israel. I Ya'u tate lai mamal᷊u ṛiing-Ku wuṛṛu sarun makkuumanni mangitou.

ZEFANYA 1:10

“Su allo udde,” aroddi wisaran Mawu, “sarun aringiṛṛanna lal᷊allu su Ngaran Inassa. Tingikku lal᷊uai sarun aringiṛṛanna wuassu ampungnga wakku, wuṛṛu tingikku ahahohakka wahewalla sarun rumallu'a wuassu manga wuidda.

ZEFANYA 1:7

Allon Mawu maranite, su allo udde Ruata sarun mamanara; ana waugu udde, paatammudde watangannu su sarua-Ne. Mawu uariahite mamate uman-Ne ere sasamba aonggolla wuṛṛu i Tou buatte namanggo manga seettu Yehuda.

MALEAKHI 4:5

Arawe tantal᷊anna taambe allo apan wahewalla wuṛṛu masaddata apan Ta'u tinantunna udde a'omanna, sarun irolokka ringanni yamiu Nabi Elia.

WATTI'U MANGA RASUL 2:20

Matannallo sarun maddandumma, wul᷊anna mabbal᷊i maṛṛamu ere ṛaṛṛa tantal᷊anna Allo Mawu, Allo apan bahewa wuṛṛu Allo apan mawantuga udde rumanta.

FILIPI 4:5

Ṛinone anambon taumata wotongnge maasilo pallal᷊agu naungngu apan mapia. Ana waugu tate mal᷊annu lai Mawu sarun dumanta.

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

IBRANI 12:26

Su tempo udde tingikke naaṛṛindu'a runia. Arawe orassa indi i Tou na'ire, “Paassa lai, ya'u sarun mamaṛṛindu'a wal᷊ine tumba'u su runia ewe'e su langitta lai.”

YAKOBUS 5:9

Arie sumamboṛṛe wuṛṛu mapapaṛṛansila, tadea'u i yamiu tawe irṛṛuumannu Ruata. Paanaunge! Mallaṛṛuungnga maranite, wuṛṛu nasaddiate rumanta.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.