ZEFANYA 1:13 - WUKE SUSI WATTI'U AL᷊AL᷊USASSA

¹³ Darotongngi mangitou sarun aṛṛoanna wuṛṛu manga wal᷊en mangitou sarun ṛimunsaanna. I mangitou sarun mapararisikku wal᷊en, arawe tawe matana'a. I mangitou sarun mabbaillu anggore arawe tawe ma'inumma ua'en anggore.”

ZEFANYA 1:13 Iomraidhean Croise

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

YEREMIA 15:13

Mawu nabbisara si ya'u, “I Ya'u sarun mandolokku seetta iapaṛṛootta pa'aala wuṛṛu darotongngu uma-U maola'a ṛuumanna su manga rosan mangitou su ahewallu wanua.

YEREMIA 17:3

wuṛṛu su manga wowone su liuddu soa. Ana waugu anambon tampa pasasubbanna paal᷊uanna apan buatte nilanginni yamiu su ahewallu wanua wuṛṛu ana waugu al᷊awo'u rosa apan buatte niola'i yamiu, ne i Ya'u sarun ma'ola'a manga seennu mandootta al᷊awo'u darotongnga wuṛṛu pa'aalanu.

YEREMIA 4:20

Asasilaka nirumanta ualal᷊intuṛṛutta nanggohakku ahewallu wanua. Niaṛṛombanganne rasangku nihohakka, manga pampelene ringanna nihesa'a.

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 9:19

Su Sion niaringikka tingikku lal᷊uai, “I ite matete wuṛṛu tumaniten niapaasili. Wanuan kite ṛinone itantangngi ite, manga wal᷊eng kite naṛṛusa'a pasital᷊eṛṛonga.”

LAL᷊ALLU 5:2

Pussa'an kami nanawote su liman taumata waine, manga wal᷊en kami niatanaannu taumata lo'a.

YEHEZKIEL 22:31

Ana waugu udde orassa indi Ta'u iapassabangnga asasa'u-Ku su saruanni mangitou, wuṛṛu naal᷊ihidda putungnga i Ya'u sarun mamate si mangitou ana waugu al᷊awo'u inolaanni mangitou. I Ya'u Mawu Apan Atanggaṛṛanne buatte nabbisara.”

YEHEZKIEL 7:19

Wul᷊awanna wuṛṛu sal᷊a'a sarun iramme i mangitou su manga lal᷊anna naal᷊ihidda sapadda, ana waugu su allo Mawu mapasabbangu asasa'u-Ne, wul᷊awanna wuṛṛu sal᷊a'a udde tawe mapanal᷊amatta si mangitou, ewe'e lai mamontolli mangitou sulal᷊ummu rosa. I mangitou tawe mapappaatta ipalluassa ara'e ipalloṛṛo tianni mangitou.

YEHEZKIEL 7:21

Mawu nabbisara su walahannu Israel, “I ya'u sarun mamala manga taumata raho manga darotongngi yamiu. Manga taumata lal᷊eo sarun mangaṛṛo pa'aalanu wuṛṛu lal᷊eoanna.

YEHEZKIEL 7:24

Manga walahanna apan aṛṛagisanne sarun Ta'u iaparanta iapaatana'a su manga wal᷊enu. Manga taumata awaṛṛanianne apan atohasanne sarun mangindo napawe manga walahanna udde Ta'u iwala manggohakka manga tampa patataṛṛamawuannu.

AMOS 5:11

I yamiu mangngallanga taumata asiangnga wuṛṛu gandumme niaṛṛon kamiu. Ana waugu udde i yamiu sarun tawe maatana'a sulal᷊ummu manga wal᷊enu apan mapia, apan buatte niapararisikki yamiu udde. I yamiu sarun tawe ma'inumma anggore wuassu manga wawail᷊annu anggore apan nisuanni yamiu.

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

MIKHA 6:15

I yamiu sarun mangasi'u gandumma, arawe tawe mangitingnga wuane. I yamiu sarun manaṛṛitta lana wuassuwuan zaitun, arawe tawe mapapaattu lanane. I yamiu sarun mamakkan anggore, arawe tawe mappa'inumma.

ZEFANYA 1:9

I Ya'u sarun makkuumannu anambon taumata apan mattaṛṛamawu ere taumata apan tawe maailal᷊a si Ya'u, wuṛṛu apan nanna'o see mammate tadea'u malloṛṛo wal᷊en mawune ringannu manga saranapa apan niaṛṛo.”

TAHIUL᷊E 28:30

Amungkangngu i yamiu tawe tumuṛṛutta Mawu Ruatanu, manga inolaanna indi sarun maṛṛia'a si yamiu: I yamiu sarun mattatunanga arawe taumata waine ma'awingngu tunanganu udde. I yamiu sarun mapararisikku wal᷊en, arawe tawe atanaanna. I yamiu sarun massuanna waillu anggore, arawe tawe maanna manga wuane.

TAHIUL᷊E 28:39

I yamiu sarun massuanna manga wawail᷊annu anggore wuṛṛu mappadul᷊i, arawe tawe maati'o wuan anggore udde wuṛṛu ma'inumma ua'ene, ana waugu punnu anggore udde nasuete niannu ul᷊idda.

TAHIUL᷊E 28:51

I mangitou sarun manginsue winatangnga papadul᷊ianannu wuṛṛu hessin letangngu, wuṛṛu tawe manantangngu gandumma si yamiu, ua'e anggore, lanan zaitun ara'e sapi wuṛṛu ambingnga dombanu ma'oman sara i yamiu mate amal᷊unusanna.