ZEFANYA 1:12 - WUKE SUSI WATTI'U AL᷊AL᷊USASSA

¹² Sutempo udde i Ya'u sarun manganu sasol᷊oanna, wuṛṛu mamarikissa Yerusalem. Sarun Ta'u iṛṛuumanna tumanangnge apan uapapadua udde see apan mammungan batanganne sassane, wuṛṛu apan maṛṛingidda manungku i Ya'u, Mawu tawe mammanara arendi ara'e aroddi.

ZEFANYA 1:12 Iomraidhean Croise

AYUB 21:15

I mangitou maṛṛingidda, “Mangimbe Ruata tawe gunane, wuṛṛu umal᷊iomanna si Tou tawe gessine.

DARALO 10:4

Taumata marosa tawe maddaringikka Mawu, ana waugu awungane i tou maṛingidda manungku tawe Duata.

DARALO 14:1

Su piaṛṛa'u mangangantari. Daralon Daud. Taumata longonna mabbisara sulal᷊ummu naungnga, “Tawe Duata.” Inolaanni mangitou lal᷊eo wuṛṛu maarantinna taweddu ma'ola'a apapia.

DARALO 94:7

Unni mangitou, “Mawu tawe maasilo, Ruatan Yakub tawe maatutukka.”

YESAYA 5:19

Wisaranu, “Wala'e Mawu Ruata susin Israel mal᷊ihakka ma'inolaanna! Wala'e i Tou mapaamattu ṛiin-Ne, tadea'u i ite maasilo wuṛṛu maasingkatta.”

YEREMIA 10:5

Manga paal᷊uanna sassubbanna udde naal᷊ihidda saṛṛen taumata su waillu katimu. I mangitou tawe maawisara, wuṛṛu tawe maal᷊empangnga, wuṛṛu ṛinone a'bengketanna. Arie mata'utti mangitou, ana waugu i mangitou tawe ma'ola'a al᷊al᷊eo si yamiu; ma'ola'a apapia lai i mangitou tawe maaola'a.”

YEREMIA 48:11

Mawu nabbisara, “Ro'en dorone Moab mabbiakka matammudda. Taambe saran paassa i tou niapidda su pamuanganna. I tou ere ua'e anggore apan niwala niapaatiilla wuṛṛu tawe ilal᷊inna su tampan anggore waine. Anggorene ta'e mawangngi wuṛṛu matemangnga.

YEHEZKIEL 8:12

Mawu nabbisara si ya'u, “Ei taumata apan mattate, i'o naasilote apa apan niola'u piaṛṛa'u Israel ringannu mal᷊anna-l᷊annabba? I mangitou mattaṛṛamawu sulal᷊ummu wabbo'a apan napenen paal᷊uanna ringannu pangiananna manungku i Ya'u buatte nanantangngu wanua indi wuṛṛu tawe ma'ellega inolaanni mangitou.”

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

AMOS 6:1

Nasilakate i yamiu apan mabbiakka matemangnga su Sion, wuṛṛu i yamiu apan uapendamma mal᷊angnganna su Samaria – i yamiu ei manga matatimmaddu walahannu Israel apan apianne indi, i yamiu apan inanaramanne raddantannu tumanangnge paddoronganna tul᷊unganna!

OBAJA 1:6

Ei papapulunni Esau, i'o nipanna'oanna wuṛṛu manga darotongngu apan uawuni lai nianu.

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

2 PETRUS 3:4

ringannu mabbisara arendi, “Anaudde Mawu na'ire rumanta! Orassa indi suapa i Tou? Manga iamangngu al᷊amonang kite natete arawe al᷊awo'a mangke uasul᷊ungnga ere ro'en runia indi niriaddi!”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.