ZEFANYA 1:10 - WUKE SUSI WATTI'U AL᷊AL᷊USASSA

¹⁰ “Su allo udde,” aroddi wisaran Mawu, “sarun aringiṛṛanna lal᷊allu su Ngaran Inassa. Tingikku lal᷊uai sarun aringiṛṛanna wuassu ampungnga wakku, wuṛṛu tingikku ahahohakka wahewalla sarun rumallu'a wuassu manga wuidda.

ZEFANYA 1:10 Iomraidhean Croise

2 SAMUEL 5:7

I Daud nabbisara tantarane, “Isindi pia lai taumata apan maddantinnu taumatan Yebus ere lai ya'u maddantinni mangitou? Tumaniten maddantinna i tou na'oman sara i tou ma'apulu atonna mamate si mangitou? Amungkangu aroddi, suttate su loṛṛangnga aamatannu ua'e wuṛṛu pangaloite manga taumata peṛṛo wuṛṛu wuta apan ia'arantingku udde.” (Ana waugu udde taumata mabbisara, “Taumata wuta wuṛṛu taumata peṛṛo tawe wotongnge sumutta su Wal᷊en Mawu.”) I Daud naapangaṛṛo tanda'a watu su Sion wuṛṛu natana'a isudde. Soa udde nisaggone “Soan Daud”. Soa udde niolangnge uapal᷊iwutta tanda'a watu udde, manattakka wuassu samba'a ra'in buidda apan niomboannu leta'a.

2 MARARATU 22:14

Ne inaite i Hilkia, i Ahikam, i Akhbor, i Safan wuṛṛu i Asaya nadoronga tatantiro su sangkatou wawine aranne i Hulda. I tou sangkatou nabi apan uatana'a su ampunga wakku su Yerusalem. Awingnge aranne i Salum ana'i Tikwa, pulunni Harhas; i tou mallal᷊u'adda laubbu patataṛṛamawu su Wal᷊en Mawu. Napawe i Hulda naaringikka watti'i mangitou,

2 TAWARIKH 3:1

i Ratu Daud buatte nanantunna manungku Wal᷊en Mawu ṛinone iapararisikka su Yerusalem su Wowon Moria su tampa pakkindanna ganduma pussa'an Arauna taumatan Yebus. Pandararisikku Wal᷊en Mawu udde tinattakki Ratu Salomo

2 TAWARIKH 32:22

Etearoddi olangnge Mawu namallossi Ratu Hizkia wuṛṛu tumana'u Yerusalem wuassu tarṛinon Sanherib ratun Asyur, wuṛṛu wuassu manga seetti mangitou waine. Mawu nangonggola si mangitou mabbiakka mal᷊angnganna taweddu manal᷊are wuassu manga araratuanna su al᷊indonganni mangitou.

2 TAWARIKH 33:14

Wua'udde i Manasye nananggakka darandungnga su liudde su samba'a ra'i Soan Daud. I tou nanattakka wuassu sambau tampa su wawal᷊anne maranin al᷊imatan ua'en Gihon ana see nasal᷊a watukku sawannakka naddatingngu Ngara Wahewallu Inassa wuṛṛu su wageangngu soa apan isassago Ofel. Su al᷊awo'u soa apan pia tatandange watu su Yehuda, i tou napatana'u sangkatou tembonannu tantara.

2 TAWARIKH 34:22

Ne inaite i Hilkia, Ahikam, Abdon, Safan wuṛṛu Asaya naddorongnga tatantiro su sangkatou wawine aranne i Hulda. I tou sangkatou nabi apan uatana'a su ampungnga wakku su Yerusalem. Awingnge aranne i Salun ana'i Tikwa, oulunni Harhas. I tou uapadul᷊i laubbu patataṛṛamawu su Wal᷊en Mawu. Napawe i Hulda naaringikka i mangitou nanal᷊a'a,

NEHEMIA 12:39

Ana see i yami niumamattu Ngara Wahewallu Efraim, Ngara Wahewalla Tabbe, Ngara Wahewallu Inassa, Menara Hananeel wuṛṛu Menara Mea naddatingngu Ngara Wahewallu Domba. Barisanni yami nattaalla maranin Ngara Wahewalla Pandiagganna maranin Wal᷊en Mawu.

YESAYA 59:11

I yami su atata'utta wuṛṛu su asasusa; i yami maddea'a atatul᷊idda, arawe tawe baddi'a; i yami mangngantimma asasal᷊amatta, arawe tawe gunane.

YEREMIA 39:2

Su allo assione wul᷊anna aiappanne tonna mapul᷊o assa sutempo i Ratu Zedekia uaparenta, darandungngu soa nihohakku seetta,

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

YEHEZKIEL 6:13

Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.

AMOS 8:3

Su allo udde manga aantari su wal᷊en araratuanna sarun mabbal᷊i lal᷊uai. Su al᷊awo'u tampa uaseṛṛoppa manga winal᷊unanna buatte niramme ringannu mal᷊anna-l᷊annabba.”

ZEFANYA 1:15

Allo udde allon asasa'u, asasahadda wuṛṛu asasusa, allon ahahokka wuṛṛu araṛṛimunsa'a, allon ararandumma wuṛṛu mal᷊abbukka, allo apan marandumma wuṛṛu pia ṛawu'a.

ZEFANYA 1:7

Allon Mawu maranite, su allo udde Ruata sarun mamanara; ana waugu udde, paatammudde watangannu su sarua-Ne. Mawu uariahite mamate uman-Ne ere sasamba aonggolla wuṛṛu i Tou buatte namanggo manga seettu Yehuda.