ZAKARIA 9:8 - WUKE SUSI WATTI'U AL᷊AL᷊USASSA

⁸ I Ya'u sarun mandiaga leta-U wuṛṛu mannal᷊are ammul᷊annu tantara raho apan sumabbi umamatta isudde. I Ya'u tate lai mamala mangangallangnga mandal᷊eo uma-U. Ana waugu asasusan mangitou buatte Ta'u niasiloanna.”

ZAKARIA 9:8 Iomraidhean Croise

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

2 MARARATU 19:34

Soan Yerusalem sarun Ta'u lu'aranna wuṛṛu riaganna ana waugu arang-Ku sassane wuṛṛu ana waugu pa'aire-U ringannu allang-Ku i Daud.’ ”

2 MARARATU 24:1

Sutempo i Ratu Yoyakim uaparenta, i Nebukadnezar ratun Babel namangalo wuṛṛu namaddon Yehuda. Tallu tonna al᷊annune Yoyakim uasuṛṛubbawa si Nebukadnezar, arawe wua'udde i tou namangalo.

DARALO 34:7

Taumata su asasilaka sussal᷊ande, ne Mawu sinumimbakka, namallossi tou wuassu asasusane.

DARALO 72:4

Antimanna ratu manahekka manamba'a tumanangnge asiangnga, mantul᷊ungu manga taumata asiangnga wuṛṛu mamate manga mangangallangi mangitou.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 3:9

Lal᷊uain balahannu Israel Ta'u niaringiṛṛanna, wuṛṛu i Ya'u naasilo lai ereapa i mangitou aallangannu taumata Mesir.

AMSAL 3:25

Ariete i'o mata'uttu asasilaka apan sarun rumanta ringannu sangkaṛṛondappa ere anginna ma'ikkatta, wuṛṛu namate manga taumata lal᷊eo.

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

YESAYA 31:5

Ere sambau manu'u winalanganna mangngal᷊iappakku papaidde su wowon sal᷊akke ipangooppa manga anangnge, aroddi lai i Ya'u, Mawu Apan Lembontaṛṛino sarun mallu'adda, manahekka wuṛṛu manal᷊amatta Yerusalem.”

YESAYA 4:5

Ana see Buiddu Sion wuṛṛu awadaalla apan uaammulle isudde Mawu nandiaddi winabbawa sutempo allo, see lai timbulla wuṛṛu semakka sutempo ṛabbi. Ruata sassane ringannu taṛṛino-Ne sarun manilumma wuṛṛu mallu'adda ahewallu soa udde.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YESAYA 52:12

I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEREMIA 46:13

Sutempo i Nebukadnezar ratun Babel nirumanta mamangalo Mesir, Mawu nabbisara si ya'u, wisara-Ne,

YEREMIA 46:2

manatakku Mesir. I tou namasingkatta si ya'u su ola'u tantara Nekho ratu Mesir, apan niawaddo su Karkemis maranin Sal᷊ukku Efrat ṛatanganni Nebukadnezar ratun Babel su tonna aiappanne sutempo i Yoyakim, ratun Yehuda uaparenta. Eteindi wisara apan niapasingkattu Mawu su ola'u udde,

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

AMOS 9:15

I Ya'u sarun mapatana'u uma-U su wanua apan buatte Ta'u nionggolla si mangitou. I mangitou tate lai wambanganna wua poiaroddi. I Ya'u Mawu Ruatan mangitou buatte nabbisara.”

ZAKARIA 12:4

Su allo udde anambon awal᷊o Ta'u olaanna nial᷊iwune wuṛṛu manga sumasa'ene Ta'u olaanna wewa, tumana'u Yehuda Ta'u lu'aranna, arawe anambon awal᷊on seenne Ta'u iapaawuta.

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

ZAKARIA 14:11

Manga taumata sarun matana'a ringannu matammudda su soa udde, ringannu tawe wawansagu papate.

ZAKARIA 9:7

I mangitou tate lai uminassa ṛemessa apan ta'e pia daṛṛane ara'e anna waine apan ipappalli. Anambon taumata apan natantangnga sarun maola'a uma-U wuṛṛu olaanna sambau wageangngu ṛuangannu Yehuda. Ekron sarun maola'a reengannu uma-U, ere taumatan Yebus sutempon dorone.

WATTI'U MANGA RASUL 7:34

I Ya'u suete naasilo wuṛṛu naatutukka aroddi apettane asasusam pabbawala-U su Mesir. I Ya'u naaringikke sasal᷊iomanni mangitou wuṛṛu i ya'u sinumossokka mamallosi mangitou. Orassa indi wette! I Ya'u sarun mandolokku mabelengnga watukku Mesir.’

SONDAPPA 20:9

Ne i mangitou nassal᷊iawukke su ahewallu runia, see nattalliwunte atatana'annu al᷊aṛṛana'u Ruata wuṛṛu soa arangnguannu Ruata. Arawe putungnga nonto'a wuassu langitta wuṛṛu namate si mangitou.