ZAKARIA 9:17 - WUKE SUSI WATTI'U AL᷊AL᷊USASSA

¹⁷ Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

ZAKARIA 9:17 Iomraidhean Croise

DARALO 144:12

Doronganna manga ana'i ite esakka sutempo umbasanna naal᷊ihidda sasuanna apan tuttuwo wahewalla. Doronganna manga ana'i ite wawine naal᷊ihidda diṛṛi maṛṛamaga, apan mallogakka manga pabbuuannu wal᷊en araratuanna.

DARALO 145:7

Taumata sarun mabbatti'u al᷊awo'u apapia-Nu wuṛṛu mangantarin atatul᷊iddu Mawu.

DARALO 27:4

Tumba'u sambau apan ta'u doronganna su Mawu, tumba'u indi apan ta'u ipaapulu: matana'a su Wal᷊en Mawu su al᷊o'engngu pabbiaṛangku, tadea'u maapendamma apapian Mawu wuṛṛu sumal᷊ande aehen-Ne.

DARALO 31:19

Sappingete moṛṛongngu taṛṛa wahia apan ringannu mawunga mallobbossa taumata matul᷊idda.

DARALO 36:7

Apapia-Nu naal᷊ihidda atanggaku wowone, wuṛṛu atatul᷊iddu Mawu alal᷊umme ere laudda; taumata wuṛṛu winatangnga nipadul᷊ianan-Nu, oh Mawu.

DARALO 45:2

Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

DARALO 50:2

Wuassu Sion, soa apan aṛṛamahanne, Ruata nirumanta ringannu asasemakka.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 90:17

Oh Mawu Ruatan kami, al᷊amatewe i yami, tadea'u al᷊awo'u manaran kami pia gessine.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

ANTARI MAWANTUGA 5:10

Arangnguangku maṛṛansanga wuṛṛu maṛṛamaga, mappianne wuassu siri mapul᷊o ṛiwu su atoune.

ANTARI MAWANTUGA 7:9

moṛṛongngu naal᷊ihidda atemangngu anggore! Wala'e anggore udde mangelekka ringannu arangnguangku, ringannu tawe illol᷊one; wuṛṛu mapasabbangngu apulun naungnga, ewe'e lai taumata apan tantal᷊anna mattiilla.

YESAYA 33:17

Sarun a'omanna tempone i yamiu maasilo sangkatou ratu apan mammarenta ringannu mawantuga su wanua apan uawatadda su ahewallu pi'une.

YESAYA 63:15

Oh Mawu, pangintannote wuassu surga, wuassu atatanaan-Nu apan na'ukkassa wuṛṛu mawantuga. Suapate darangngu wuṛṛu awawaṛṛani-Nu? Suapate apapia wuṛṛu darangngu-Nu? Ariewe udde taṛṛanganna si yami.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEREMIA 31:14

Manga imam sarun Ta'u wusannu anna apan manambo; wuṛṛu anambon apan pappandumannu uma-U sarun Ta'u ionggolla. I Ya'u, Mawu, apan nabbisara.”

YOEL 2:26

I yamiu sarun masuungnga anna wuṛṛu maapendamma mal᷊aidda. Mawu Ruatanu sarun bantuhanni yamiu, ana si yamiu niolang-Nge manambo al᷊aṛṛindu'a. Uma-U tate lai maola'a hatto aal᷊uandaga!

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

ROMA 5:20

Apan nangonggolu titan agama Yahudi eteudde Ruata sassane. Arawe napawe taumata lembon tuttuṛṛutta tita udde, i mangitou lembon lullawangnga wuṛṛu ma'ola'a rosa su saruannu Ruata. Arawe salaiwe taumata lembon ma'ola'a rosa, Ruata lembo marangngu lai si mangitou.

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.