ZAKARIA 9:16 - WUKE SUSI WATTI'U AL᷊AL᷊USASSA

¹⁶ Napawe allo nia'omante, Mawu sarun manal᷊amatta uman-Ne, naal᷊ihidda mallal᷊u'adda manal᷊amatta dombane wuassu asasilaka. I mangitou sarun lumansiangnga su leta'u Mawu, naal᷊ihidda permata mahkota apan sussal᷊endappa.

ZAKARIA 9:16 Iomraidhean Croise

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

SASABANGNGA 28:21

Suapan permata ṛinone uitannu su wallatu sambau aranna wuassu siri mapul᷊o dua ana'i Yakub maola'a tatialan pananaungannu manga ṛuangannu Israel.

SASABANGNGA 28:9

Anute darua watun delima. Paddea'e sangkatou mapapanden bul᷊awanna apan pia asingkatta manguitta su watu udde manga arannu siri mapul᷊o dua ana'i Yakub tumuṛṛuttu uukke, annumma aranna su watu sambau. Ana see darua watu permata udde ṛinone itaṛṛo sulal᷊ummu wingke wul᷊awanna wuṛṛu iaddo su tal᷊in bambangngu laubbu imam maola'a tatiala pananaunganna su siri mapul᷊o dua ṛuangannu Israel. Ringannu olangnge aroddi i Harun uaapiddu aranni mangitou su wambangnge, na'oman sara i Ya'u, Mawu, sidutu uanaungnga si mangitou. Waine lai waussu wingke wul᷊awanna udde,

YESAYA 40:10

Pa'ellege, Mawu Ruata nirumanta ringannu taṛṛino mapaamattu manarane ringannu awawaṛṛani. I Tou tatantalongannu manga taumata apan buatte nipallossi Tou.

YESAYA 54:12

Manga tanda batu Ta'u iapararisikka wuassu watun delima, manga ngara pasallangannu ahewalla wuassu watu permata, manga darandungngu wuassu ratna mutu manikam.

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

YESAYA 60:3

Manga walahanna nirumanta mangngelekka watukku asasemakku, manga ratu ninumemman asasemakka apan nirumanta si'o.

YESAYA 62:3

I'o naola'a ere mahkota maṛṛamaga si lima Mawu, mahkotan araratuanna su liman Duatanu.

YEREMIA 23:3

Arawe manga uma-U lambene sarun Ta'u iammulla wuassu manga wanua sutempan mangitou Ta'u niwuangnga. I mangitou sarun Ta'u iapidda mabbelengnga apia watukku leta'a niariaddianni mangitou wuṛṛu papapulunni mangitou sarun a'atambanna anambone.

YEREMIA 31:10

Mawu nabbisara, “Paddaringikka ei manga walahanna! Wal᷊oa'e tanata-U su samba'an tahal᷊oangnga: Uma-U apan buatte Ta'u nisal᷊iawukka sarun Ta'u ihemonna wuṛṛu paddul᷊iananna ere mallal᷊u'adda uataṛṛapa dombane.

YEREMIA 31:11

Umattu Israel buatte Ta'u niapasal᷊amatta, wuṛṛu Ta'u nipallossa wuassu taṛṛinon balahanna apan matohassa.

YEHEZKIEL 34:11

Mawu Apan Atanggaṛṛanne nabbisara, “I Ya'u sassane sarun maddea'a manga domba-U wuṛṛu mappadul᷊i si mangitou,

YEHEZKIEL 34:12

maola'a sangkatou mallal᷊u'adda ṛinone maddea'a wuṛṛu mangammullu manga dombane apan nassal᷊iawukka ana see mamadul᷊i si mangitou. I mangitou sarun Ta'u iapidda mapul᷊e wuassu al᷊awo'u tampa i mangitou nassal᷊iawukka su allo apan marandumma wuṛṛu lal᷊eo udde.

YEHEZKIEL 34:31

Atonna, ete i yamiu ammul᷊annu domba-U apan Ta'u nionggol᷊annu anna. I yamiu uddewe uma-U, wuṛṛu i Ya'u Ruatanu. I Ya'u, Mawu Apan Atanggaṛṛanne buatte nabbisara.”

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

ZEFANYA 3:20

Tempone sarun dumanta, tumanangngu apan uasal᷊iawukka Ta'u ehetanna mapul᷊e. I yamiu Ta'u olaanna tumelengnga su ahewallu runia, wuṛṛu lal᷊umanna'a sarun Ta'u iapaawelengnga apia.” Mawu buatte nabbisara.

HAGAI 2:23

Su allo udde i'o Zerubabel, allang-Ku, sarun Ta'u itenega mamarenta ringannu arang-Ku. Ana waugu ete i'o apan buatte Ta'u nipile.” Mawu Apan Lembontaṛṛino buatte nabbisara.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.

ZAKARIA 8:23

Su manga allo udde siri mapul᷊o taumata raho sarun dumanta ringannu sangkatou taumatan Yahudi wuṛṛu mabbisara, ‘I yami mappulu maauntunnga ere i yamiu; ana waugu i yami naaringikka manungku Ruata nangal᷊amatta si yamiu.’ ” Mawu Apan Lembontaṛṛino buatte nabbisara.

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.