ZAKARIA 9:13 - WUKE SUSI WATTI'U AL᷊AL᷊USASSA

¹³ Yehuda sarun Ta'u ipaatta maola'a anaannu atumannaṛṛanne, wuṛṛu Israel maola'a anaanna apan nasaddiate ipiti'a. Tumana'u Sion Ta'u ipaatta maola'a halele; ringannu hal᷊ele udde manga taumatan Yunani sarun Ta'u pangaloanna.”

ZAKARIA 9:13 Iomraidhean Croise

DARALO 144:1

Wuassi Daud. Paddalote Mawu, patatillumangku! I Tou nanantiro si ya'u masaseetta, wuṛṛu nangaṛṛa'a si ya'u mapapangalo.

DARALO 149:6

Wala'e i mangitou maddalo Ruata ringannu tingikka matelenga, lapiddu uaagassa hal᷊ele buatte niddampassa

DARALO 45:3

Ete I'o apan aṛṛamahanne wuassu wallatu taumata, manga wisaranu napenen apapia, ana waugu udde i'o nial᷊amatannu Ruata saran mal᷊annu-l᷊annu.

YESAYA 49:2

I Tou na'ola'a manga wisara'u aṛṛorone ere hal᷊ele, ringannu lima-Ne sassa i Tou mallindumma si ya'u. I Tou na'ola'a si ya'u ere anaanna apan niasa, wuṛṛu sinahipunna sulal᷊ummu lallutta tadea'u nasaddiate ipaatta.

YEREMIA 51:20

Mawu nabbisara, “Babel, i'o naal᷊ihidda darupa, ahi-U ipaatta mapapangalo. I'o Ta'u nipaatta ipandupa manga walahanna wuṛṛu manga araratuanna.

LAL᷊ALLU 4:2

Dorone manga saṛṛen tumuwo su Soa Sion ere wul᷊awanna apan maarega, arawe orassa indi naola'e ere wensadda wuassu leta'a.

AMOS 2:11

I Ya'u buatte namile manga pira wuassu al᷊aṛṛanangngu tadea'u maola'a nabi, wuṛṛu manga pira taumata saṛṛentumuwo tadea'u maola'a taumata Mandariaga. Wal᷊inewe udde atonna, ei taumatan Israel? I Ya'u, Mawu buatte nabbisara.

OBAJA 1:21

Tumana'u Yerusalem apan matohassa sarun mamangalo Edom wuṛṛu mamaddone. Ne i Ya'u Mawu sarun mamarenta maola'a ratu.”

ZAKARIA 1:21

I ya'u naiwal᷊o, “Apa pandumanne darantan mangitou?” I Tou sinumimbakka, “Tadea'u ipamata'utta wuṛṛu ipamal᷊insuangngu manga walahanna apan buatte nakkimunsa'a Yehuda see nanal᷊iawukku tumanangnge.”

EFESUS 6:17

Anute asasal᷊amatta udde maola'a sambau araposa waja, wuṛṛu wisara Ruata maola'a sambau hal᷊ele wuassu Ghaṛṛahon Duata.

2 TIMOTIUS 4:7

I ya'u suete nattalumma ringannu mapia-pia, wuṛṛu na'omate su akkitta panginsueanne. I ya'u sidutu tuttuṛṛuta Mawu Yesus saran pangudusanne.

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

SONDAPPA 1:16

Lima uanan-Ne uaagassa anumpitanna pitu, wuṛṛu wuassu moṛṛo-Nge sinumabangnga hal᷊ele maṛṛoro sammata, apan ṛoṛṛone ruam ba'a. Hati-Ne lullansiangnga naal᷊ihidda matannallo su allo allattune.

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

SONDAPPA 19:21

Wuṛṛu ammul᷊annu tantara mangitou nipaten hal᷊ele apan sinumabbanga wuassu moṛṛongu sumasa'e awal᷊o mawira udde. Ne manga manu'u winalanganna lai nirumanta wuṛṛu niuminassa ṛemessi mangitou apan nipate udde.

SONDAPPA 2:12

“Su mala'ekattu jamaatta su Pergamus, woṛṛetta'a arendi: Ete indi tanata wuassi Tou apan uaagasa hal᷊ele maṛṛoro apan ṛorone ruam ba'a.