ZAKARIA 9:12 - WUKE SUSI WATTI'U AL᷊AL᷊USASSA

¹² Pabbelengke ei manga taumata apan niwuangnga, orassa indi i yamiu uatahuanna antimma. Pabbelengke watukku tampa passirungannu, i Ya'u sidutu mangal᷊amatta si yamiu. Paddaringikke: Paarua lipanne i Ya'u mangal᷊amatta si yamiu ana waugu al᷊awo'u asasusa apan buatte niapendamanni yamiu.

ZAKARIA 9:12 Iomraidhean Croise

AYUB 42:10

Wua'udde, napawe i Ayub niumal᷊iomannu siri tallu hawene, Mawu na'ola'a si tou naala apia wuṛṛu nangonggolla si tou paarua anambone wuassu anambon pussa'ane dorone.

YESAYA 24:22

I mangitou sarun iammulla suadio'a naal᷊ihidda taumata tataṛṛanganna sulal᷊ummu liangnga, wuṛṛu nitaṛṛo sulal᷊ummu tutupanna maddatingngu tempone i tou iṛṛuumanna.

YESAYA 38:18

Su runian papate taweddu maddalo Si'o, taumata nate tawe mapangantimma apapia-Nu.

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

YESAYA 49:9

Taumata apan nitaṛṛo su tattupanna Ta'u iapasabbanga; apan su tampa marandumma Ta'u iapidda su asasemakka. Ewe'e lai wuidda apan lol᷊okka i mangitou tawe atalanne, su al᷊o'engngu lal᷊anna nasaddiate anna.

YESAYA 52:2

Darisikke wuassu awu, ei Yerusalem, tontonga'e awu apan uareetta si'o. Luatte ṛate apan uaiitta ullekkanu, ei tumana'u Sion apan niatawanna!

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.

YEREMIA 14:8

Ete I'o sassa pangantimannu Israel, apan manal᷊amatta si yami wuassu asasilaka. Arawe anio I'o ere Taumata raho su wanuang kami, ere uma'amatta apan tumba'u niumotongnga saṛṛabbi see manantangnga?

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YEREMIA 17:13

Mawu, ete I'o aantimannu Israel, uman-Nu; sarangkanambone apan nanantang-Ngu sarun masili. I mangitou sarun mawul᷊i wuassu runia indi wuṛṛu inaite watukku runian taumata nate. Ana waugu, I'o al᷊imatang kua'en pabbiaṛṛanna buatte nitantangngi mangitou, oh Mawu.

YEREMIA 31:17

Pia antimma si'o sutempo addantane; manga anangngu sarun mawelengnga su tampa inariaddianne.

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

YEREMIA 51:10

Umattu Mawu nabbisara, “Mawu buatte napal᷊iatta'a manungku i ite su samba'a apan naṛṛino. Wette inaite watukku Yerusalem wuṛṛu mabbatti'a poiaroddi apa apan buatte niola'u Mawu Ruatang kite.”

YEHEZKIEL 37:11

Ruata nabbisara si ya'u, “Ei taumata apan mattate, manga duṛṛi indi atappasanne walahannu Israel. I mangitou sussal᷊iomanna manungku i mangitou naaiga, tawe antimma wuṛṛu tate allo addantane.

HOSEA 2:15

Manga waillu anggorene sarun Ta'u iul᷊e apia si tou, wuṛṛu Wawal᷊annu Asasusa sarun Ta'u olaanna ngaran pangangantimma. Poiaroddi i tou sarum manal᷊oho si Ya'u ere sutempo i tou ta'e saṛṛen tumuwo, sutempo i tou wakkute sinumabbangnga wuassu Mesir.

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

MIKHA 4:8

Wuṛṛu i'o Yerusalem, tampan Duata uariagga uman-Ne ere mallal᷊u'adda uataṛṛapa ammul᷊annu dombane, i'o sarun masul᷊e apia maola'a inangngu soan araratuannu ere paarorone.

NAHUM 1:7

Mawu udde mapia, i Tou uasirungnga uman-Ne sutempo i mangitou susa, i Tou uariaga taumata apan uasirungnga si Tou.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

IBRANI 6:19

Antimmi ite udde ere wal᷊ango apan ual᷊abinga mal᷊al᷊umma wuṛṛu maola'a sambau pangangal᷊eanna apan matohassa wuṛṛu tawe singkal᷊one su pabbiaṛṛani ite. Antimma udde nallapasa su lal᷊indumu Wabbo'a Lembon Susi su Wal᷊e Mawu su surga.