ZAKARIA 8:23 - WUKE SUSI WATTI'U AL᷊AL᷊USASSA

²³ Su manga allo udde siri mapul᷊o taumata raho sarun dumanta ringannu sangkatou taumatan Yahudi wuṛṛu mabbisara, ‘I yami mappulu maauntunnga ere i yamiu; ana waugu i yami naaringikka manungku Ruata nangal᷊amatta si yamiu.’ ” Mawu Apan Lembontaṛṛino buatte nabbisara.

ZAKARIA 8:23 Iomraidhean Croise

PANDARIADDI 31:41

Etearoddi ya'u su tempo mammanara ringanni Papa al᷊annune naṛṛattubba ruan pul᷊o su tonnane. Mapul᷊o appata su tonnane al᷊annune i ya'u mammanara tadea'u maasomba ruan katou ana'i Papa udde wuṛṛu annumu tonna lai tadea'u maasomba ammul᷊annu ambinga domba udde. Wuṛṛu al᷊annune udde lai i Papa namal᷊u lal᷊antakke nihaingnga paapul᷊o wuassu lal᷊antakke paarorone.

PANDARIADDI 31:7

Salaiwe aroddi ya'u buatte niawusuanne wuṛṛu i tou namal᷊u lal᷊antakke na'oman sara paapul᷊o awawone. Arawe Ruata tawe namalan tou ma'ola'a al᷊al᷊eo si ya'u.

2 MARARATU 2:6

Wua'udde i Elia nabbisarate si Elisa, “Atana'e isindi. I ya'u nirolokku Mawu inai watukku Sal᷊ukku Yordan.” Arawe i Elisa sinumimbakka, “Ringannu arannu Mawu apan biakka wuṛṛu ringannu niawan Papa, i ya'u maddiri manantangngi Papa.” Ne itarua nanassukku amatanna naddatingngu Sal᷊ukku Yordan,

1 TAWARIKH 12:18

Sangkatou suwallatti mangitou, eteudde i Amasai, apan sal᷊immurine nabbal᷊i piaṛṛa'u ammul᷊anna apan isassago “Tridasawira,” nitaṛṛinoannu Ghaṛṛahon Duata ana see nabbisara, “I Daud, ana'i Isai! Yami massumbala si'o! Antimanna i'o wuṛṛu i mangitou apan massumbala si'o mangke maauntungnga. Ruata uasamba'a si'o!” Ne i Daud nanal᷊oho si mangitou wuṛṛu nanenegi mangitou nabbal᷊i tembonannu tantara sulal᷊ummu tantaran pangalone.

2 TAWARIKH 15:9

Manambo taumatan Efraim, Manasye wuṛṛu Simeon naammulli Asa, wuṛṛu natana'a su wageangngu araratuanne, ana waugu i mangitou naatutukke manungku Mawu niumontolla si tou. Asa nandolokku anambon taumata udde suadio'a ringannu tumana'u Yehuda wuṛṛu Benyamin

ESTER 8:17

Wuṛṛu lai suapan soa see propinsi, su al᷊awo'u tampa suratta parentan datu niwasa, manga taumatan Yahudi lullala'a, mallal᷊umanna'a wuṛṛu naandeangnga. Ewe'e lai manambo wuassu tumana'a apan naola'a walahannu Yahudi, ana waugu i mangitou matta'uttu walahanna udde.

AYUB 19:3

Masokkate i yamiu mangngal᷊uandaga si ya'u, wuṛṛu i yamiu mammate si ya'u ringannu tawe masili.

MANNANASE 11:2

Addoa'e roinnu su al᷊awo'u hatin paddaganganna; paddea'e manara ringangu manambo-nambo. Ana waugu taumata ṛinone uaantagga tantal᷊anna asasilaka taambe naṛṛia'a.

YESAYA 3:6

Sutempo udde taumata sarun manebbo'u sangkatou ana'u tuṛṛangnge wuṛṛu mabbisara si tou, “Tumba'u i'o apan pia laubba ṛinone; waugu udde ariaddite mamamiaṛṛa'i yami sutempo apan napenen asasusa indi.”

YESAYA 4:1

Sutempo udde siri pitu wawine sarun mangaggassa sangkatou esakka wuṛṛu mabbisara, “Wala'awe i yami manga'u si'o sangkatou awingnga, tadea'u i yami tawe mamasanna asasili ana waugu tawe na'awingnga. Anna wuṛṛu laubba udde singkatten kami sassane.”

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

YESAYA 60:3

Manga walahanna nirumanta mangngelekka watukku asasemakku, manga ratu ninumemman asasemakka apan nirumanta si'o.

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

ZEFANYA 3:19

Tempone sarun dumanta manga allangngu Ta'u ṛimunsaanna, wuṛṛu taumata peṛṛo Ta'u iapasal᷊amatta; anambon taumata niwuangnga Ta'u ehetanna mapul᷊e. Aal᷊uandagi mangitou Ta'u wal᷊uanna mabbali aaddata; suapan tampa, ewe'e lai su ahewallu runia, i mangitou sarun wantuhanna wuṛṛu raloanna.

REENGANNA 14:22

manungku wuassu manga taumata indi tawe saran sangkatou apan ta'e wiakka sumutta su wanua apan Ta'u pina'ire su iupungngu al᷊amona mangitou. Ana waugu i mangitou maddiri tumuṛṛutta si Ya'u, wuṛṛu sidutu mammal᷊intongnga si Ya'u. Sumbal᷊i i mangitou naasilote semaaka wuassu Mawu apan lullansiangnga, wuṛṛu manga al᷊aṛṛindu'a apan Ta'u niola'a su Mesir wuṛṛu su wadda'a.

LUKAS 8:44

Wawine udde nangundani Mawu Yesus wuassu liudde, see nangindingnga pentakku jubah-Ne. Orassa udde lai rada'u wawine udde napia.

WATTI'U MANGA RASUL 19:12

Amungkangngu leso, ara'e wawa'issa lawassa apan suete nipaatti Paulus iapidda su manga taumata marada'a, rada'i mangitou mawul᷊i wuṛṛu ghaṛṛahon setanna lai sumabangnga wuassi mangitou.

1 KORINTUS 14:25

Manga inolaanna apan uawuni sulal᷊ummu naungnge sarun iapaal᷊iatta'a, na'oman sara i tou sumallungu watanganne see massubba Ruata. I tou sarun manga'u, manungku Ruata atonna tonna su pattangnganni yamiu.

YOSUA 8:35

Al᷊awo'u parenta Musa niwasan i Yosua su anambon taumatan Israel apan uasemodda isudde; nasutta wawine, al᷊aṛṛana'a wuṛṛu manga taumata raho apan uatana'a ringanni mangitou.