ZAKARIA 8:21 - WUKE SUSI WATTI'U AL᷊AL᷊USASSA

²¹ Tumana'a wuassu soa apan sambau mabbisara singana'a waine, “Wette i ite inaite massubba Mawu Apan Lembontaṛṛino wuṛṛu sumalande al᷊aman-Ne. Tantalongke si yami!”

ZAKARIA 8:21 Iomraidhean Croise

2 TAWARIKH 11:16

Manga taumata wuassu anambon ṛuangannu Israel apan atonna-tonna maapulu massubba Mawu, Ruatan Israel, nangingkatte watukku Yerusalem, tinumantalongnga manga taumatan Lewi udde tadea'u wotongnge mangonggolu sasamba su Mawu, Ruata apan sassubbannu al᷊amonan mangitou.

DARALO 103:22

Paddalote Mawu, ei al᷊awo'u riadianna su ahewallu leta'a paparentan-Ne. Paddalote Mawu, ei niawa'u!

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

ZAKARIA 7:2

Tumana'u Betel buatte nandolokki Serezer wuṛṛu i Regem-Melekh see manga mallal᷊aṛṛenggene inai watukku Wal᷊en Apan Leembontaṛṛino tadea'u maddorongnga al᷊aman-Ne.

ZAKARIA 8:22

Ana see manambo taumata wuṛṛu manambo walahanna apan mangkatohassa sarun dumanta su Yerusalem massubba si Ya'u Mawu Apan Lembontaṛṛino wuṛṛu sumal᷊ande al᷊ama-U.

YOHANES 1:37

Ruang katou mallal᷊aṛṛenggenni Yohanes naaringikka manga watti'a udde, see inaite tinumantalongnga Mawu Yesus.