ZAKARIA 8:12 - WUKE SUSI WATTI'U AL᷊AL᷊USASSA

¹² I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.

ZAKARIA 8:12 Iomraidhean Croise

PANDARIADDI 26:12

I Ishak nangasi'u wualanna wuṛṛu nabbaille su wanua udde, wuṛṛu tonna udde i tou naasomba hessine maṛṛasutta anambone wuassu wualanna apan niasingnge, ana waugu Mawu nangal᷊amata si tou.

PANDARIADDI 27:28

Antimanna Ruata mangonggola si'o wal᷊angngukka wuassu langitta, wuṛṛu ma'ola'a manga wawail᷊annu masuwukka! Antimanna i Tou mangonggola si'o gandumma wuṛṛu anggore apan manambo-nambo!

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

DARALO 72:3

Antimanna wanuan kami masunge matahul᷊andimma, wuṛṛu pia atatul᷊idda su ahewallu walahanna.

DARALO 85:12

Tatuṛṛuttu taumata sarun tumuwo wuassu runia, wuṛṛu atatul᷊iddu Ruata mattembo wuassu langitta.

AMSAL 19:12

Asasa'un datu ere tingikku singa; apapian datu naal᷊ihidda wal᷊angngukka apan nakkolo al᷊awo'u sinuananna.

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEHEZKIEL 34:28

I mangitou tate lai pangaṛṛoannu manga walahanna apan tawe maailal᷊a si Ya'u, ara'e tamboannu manga winatangnga mal᷊aṛṛaga. I mangitou sarun mabbiakka ringannu mal᷊angnganna, wuṛṛu tawe saran sangkatou apan mamata'utta si mangitou apia.

YEHEZKIEL 36:12

Uma-U Israel, sarun Ta'u iapidda mapul᷊e wuṛṛu matana'a su wanuane apia. Leta'a udde sarun maola'a pussa'a mangitou sassane wuṛṛu sidutu mangngonggollu hessine ma'oman sara manga ana'i mangitou tate lai mate amal᷊unusanna.’

YEHEZKIEL 36:30

I Ya'u sarun manamba asasuwukku aaluannu wuanu wuṛṛu hessi manga wawail᷊annu, ma'oman sara i yamiu tate lai maapendamma ṛutumma apan mandal᷊eo arannu suwallattu manga walahanna.

YEHEZKIEL 36:9

I Ya'u uasamba'a si yamiu ei Israel, wuṛṛu i Ya'u manantunna ringannu atonna manungku letangngu sarun pasol᷊anna apia wuṛṛu asi'annu wualanna.

HOSEA 13:3

Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

HOSEA 14:5

Mawu nabbisara, “Uma-U apan sinumewadda, Ta'u al᷊apanna apia wuṛṛu Ta'u iakkanna ringannu ahewallu naungnga; i mangitou tate Ta'u wul᷊oanna apia.

YOEL 2:19

I tou sinumimbakka si mangitou arendi, “Orassa indi i yamiu sarangkanambone Ta'u onggol᷊annu: gandumma, anggore wuṛṛu lanan zaitun maola'a wiakki yamiu, tadea'u i yamiu sarangkanambone iapaal᷊aidda. I Ya'u tawe mamalan kamiu lallobbosanna ara'e ilallaggen manga walahanna.

YOEL 2:22

Ei manga winatangnga, ariete masusa. Manga wadda'u nannal᷊o orassa indi nangelompe. Ringannu nabelle'a manga aaluanna nabbua, wuan anggore wuṛṛu ara mangke pia serege.

IMAMATTA 26:3

Amungkangngu i yamiu mabbiakka tuttuṛṛuta manga tita-U wuṛṛu manga parenta-U,

ZEFANYA 3:13

Taumatan Israel apan ta'e nallambe, tate ma'ola'a al᷊al᷊eo apia su taumata waine; i mangitou tate mangawusu apia wuṛṛu tate lai mallinga. I mangitou sarun mabbiakka su lal᷊umanna'a wuṛṛu mal᷊angnganna, wuṛṛu tate maapendamma atata'utta su anambon taumata waine.”

HAGAI 1:10

Ana waugu udde uranna mangke tawe mangansalla na'oman sara tawe sasuanna apan wotongnge maatuwo.

HAGAI 2:18

Su allo indi, allo aruan pal᷊o appatta wulanna assione, rapappaku Wal᷊e-U masue itaingnga! Panutukke apa apan sarun mariaddi manattakka orassa indi.

HAGAI 2:19

Salaiwe tate ganduma apan natantangnga, wuṛṛu punnu anggore, punnu ara, punnu delima wuṛṛu punnu zaitun taambe nabbua, arawe manattakka orassa indi i Ya'u sarun mangal᷊amatta si yamiu!”

ZAKARIA 8:6

Olangnge udde aellehanna ere ola'u tawe masutta su ṛingirannu manga taumata apan ta'e mabbiakka wuassu walahanna indi, arawe udde atonna si Ya'u.

MALEAKHI 3:11

I Ya'u sarun tawe mamala saṛṛappalanna manggohakka hessin sinuanannu; manga punnu anggorenu sarun mabbelle'u wuane.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

1 KORINTUS 3:21

Ana waugu udde, imbaṛṛangnga piaddu sangkatou maddalo taumata, ana waugu sarangkanambone buatte nionggola maola'a pussaanu;

TAHIUL᷊E 32:2

Antimanna al᷊aṛṛa'u sumossokka naal᷊ihidda uranna, wuṛṛu manga wisara'u tuttannissa ere wal᷊angngukka, naal᷊ihidda uṛṛintingnga su wowon nannal᷊o, wuṛṛu uranna masassaga su wowon manga sasuanna.

TAHIUL᷊E 33:13

Su papapulunni Yusuf i tou nabbisara: “Antimanna leta'i mangitou al᷊amatannu Mawu ringannu uranna, wuṛṛu ua'e wuassu wantan dunia.

TAHIUL᷊E 33:28

Ne papapulunni Yakub sarun mabbiakka ringannu matammuda su wanua napenen gandumma wuṛṛu ua'e anggore, wuṛṛu niwokkannu angngukka wuassu langitta.

YAKOBUS 3:18

Atonna apapia udde wuan bualannu padarame apan niasi'u taumata apan maapulun padarame!