ZAKARIA 7:6 - WUKE SUSI WATTI'U AL᷊AL᷊USASSA

⁶ Wuṛṛu lai sutempo i mangitou u'anna ma'inumma, i mangitou maddea'a haussannu watanganni mangitou sassane.”

ZAKARIA 7:6 Iomraidhean Croise

1 TAWARIKH 29:22

Allo udde i mangitou u'anna ma'inumma ringannu lulluassa su saruannu Mawu. Ana see su aruane i mangitou namasingkatta manungku i Salomo naola'e ratu. Ringannu arannu Mawu, i mangitou nanenegi tou naola'a ratun mangitou wuṛṛu i Zadok naola'a imam.

YESAYA 43:23

I'o tawe nangapiddu domba maola'a sasambanu itattambunna, tate mangaddatta si Ya'u ringannu sasambanu. Sumbal᷊i i Ya'u tawe nangonggollu winabbawa si'o su ola'u sasamba, ara'e napaasusanu ringannu maddea'a amania.

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 9:4

Su manga wanua udde i yamiu tawe mapangonggollu sasamba anggore ara'e winatangnga ipalluassa naungngu Mawu. Pabbawiakku sarun maaola'a suapan taumata apan umanna mabbal᷊i marosa, ere anna apan aannananna su lal᷊aghun pallal᷊abbingnga. Anna udde tumba'u pia gunane ipallaidda tiannu; saran addio'a tawe iapidda su Wal᷊en Mawu maola'a sasamba poiaroddi.

ZAKARIA 7:5

Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

ZAKARIA 7:7

Eteudde apan niwal᷊on Mawu wuassu manga nabi sutempo nal᷊iu sutempo Yerusalem ta'e atatanaanna wuṛṛu tumanangnge su lal᷊umanna'a. Sutempo udde taumata wal᷊ine tumba'u uatana'a su manga ampungnga maranin soa arawe lai su wageangngu timukka wuṛṛu su wawal᷊annu manga wuidda su samba'an baṛṛetta.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

TAHIUL᷊E 14:26

Roitta udde pamallia'e saranapa apan ipaapulun kamiu – sapi ara'e ambinga domba, ua'e anggore ara'e ua'e maawu'anna – ana see su tampa udde, su saruannu Mawu Ruatanu, i yamiu wuṛṛu amonannu ṛinone umanna suadio'a wuṛṛu lumala'a.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”