ZAKARIA 7:5 - WUKE SUSI WATTI'U AL᷊AL᷊USASSA

⁵ Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

ZAKARIA 7:5 Iomraidhean Croise

2 MARARATU 25:23

Napawe manga prajuritta ara'e tembonannu tantara wuṛṛu tantaran Yehuda apan tawe nassuṛubawa su Babel naaringikka su ola'u pamamile udde, i mangitou sarangkanambone nirumanta ringanni Gedalya su Mizpa. Manga tembonannu tantara eteudde Ismael ana'i Netanya, i Yohanan ana'i Kareah, i Seraya ana'i Tanhumet wuassu soa Netofa, wuṛṛu i Yazanya wuassu soa Maakha.

2 MARARATU 25:25

Arawe su wul᷊anna appitune su tonna udde i Ismael ana'i Netanya wuṛṛu pulunni Elisama apan ta'e lai pallal᷊awannu ratu, inaite suadio'a ringannu siri 10 su atoune watukku Mizpa. I mangitou namangalo wuṛṛu namate si Gedalya suadio'a ringannu taumatan Yehuda, wuṛṛu taumatan Babel apan susampunna ringanni Gedalya isudde.

YESAYA 43:23

I'o tawe nangapiddu domba maola'a sasambanu itattambunna, tate mangaddatta si Ya'u ringannu sasambanu. Sumbal᷊i i Ya'u tawe nangonggollu winabbawa si'o su ola'u sasamba, ara'e napaasusanu ringannu maddea'a amania.

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

YEREMIA 25:11

Ahewallu wanua indi sarun Ta'u iwala maṛṛimunsa'a wuṛṛu mabbal᷊i mal᷊annabba. Manga walahanna maranine sarun mattaṛṛamawu ratun Babel pitun pul᷊o su tonnane al᷊annune.

YEREMIA 29:10

Mawu nabbisara, ‘Napawe nia'omante tempone pitun pul᷊o su tonnane su Babel, i Ya'u sarun ma'ellega si yamiu apia, wuṛṛu manipussa pa'aire-U mangapiddi yamiu mabelengnga apia su tampa indi.

YEREMIA 52:12

Su allo appul᷊one wul᷊anna al᷊imane sulal᷊ummu tonna mapul᷊o si'o i Nebukadnezar ratun Babel uaparenta, nirumantate su Yerusalem sangkatou aranne i Nebuzaradan. I tou udde mananantiro wuṛṛu tembonannu mandariaga Nebukadnezar.

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

ZAKARIA 1:12

Wua'udde mala'ekatta udde nabbisara, “Mawu Apan Lembontaṛṛino, pitun pul᷊o su tonnane al᷊annune I'o nasa'u su Yerusalem wuṛṛu su manga soa su Yehuda. Maddatingngu tingngera I'o sidutu massa'u wuṛṛu tawe mangampungnga si mangitou?”

ZAKARIA 7:3

I mangitou lai nirolokka niapaiwal᷊o su manga imam wuṛṛu manga nabi, arendi, “Ta'e lai ṛinone i yamiu lumuain ahahohakku Wal᷊en Mawu ringannu mappuasa suapan bul᷊anna al᷊imane ere buatte niola'i yami manga pira tonna al᷊aannune?”

ZAKARIA 7:4

Eteindi tanatan Mawu apan nirumanta ringangku.

ZAKARIA 7:6

Wuṛṛu lai sutempo i mangitou u'anna ma'inumma, i mangitou maddea'a haussannu watanganni mangitou sassane.”

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

MATIUS 23:5

Sarangkanambone apan niola'i mangitou tumba'u iapa'ellega su taumata. I mangitou malluṛṛen tal᷊in aal᷊iomanna apan mal᷊ala-l᷊alakka wuṛṛu mal᷊o'engnga uatungkele su jubah mangitou!

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 6:2

Nariaddi, amungkangngu i yamiu mangagillu aonggolla su taumata asiangnga, arie mangke itattunggalla darangngu udde, ere a'olaannu taumata lilangkamal᷊e'a. I mangitou maapulu ma'ola'a udde sulal᷊ummu wal᷊em pattataṛṛamawuanna, su lal᷊anna, tadea'u raloannu taumata. Naungete, i mangitou suete nanengkamma lal᷊antakke.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

2 KORINTUS 5:15

Kristus nate ana waugu anambon taumata, tadea'u manga taumata apan wiakka, tate lai mabbiakka hunan wadangnge sassane, arawe mabbiakka hunan Kristus apan buatte nate wuṛṛu niapaawiakka apia ana waugu hunane si mangitou.

KOLOSE 3:23

Al᷊awo'u manara apan nionggolla si yamiu, ṛinone manaranni yamiu ringannu ahewallu naungnga, paṛṛimaunnapa eteudde Mawu apan a'imbeanni yamiu, wuṛṛu wal᷊ine tumba'u taumata.