ZAKARIA 7:14 - WUKE SUSI WATTI'U AL᷊AL᷊USASSA

¹⁴ Naal᷊ihidda tandi'a, i Ya'u nanahangginna si mangitou na'oman sara i mangitou niwata'a mamanua su manga wanua waine. Leta'a apan masuwukka indi nabbal᷊ite mal᷊annabba tawe tumatanangnge wuṛṛu lol᷊okka.”

ZAKARIA 7:14 Iomraidhean Croise

2 TAWARIKH 36:21

Etearoddi natipusse sarangkanambone apan niwisaran Mawu si Yeremia manungku wanua udde sarun maola'a wanua lol᷊okka 70 su tonnane al᷊annune apan maola'a lal᷊anna'u manga allon Sabat apan tawe ilaghu.

DARALO 58:9

Wala'e i mangitou naal᷊ihidda watto'a apan nonossa mabbal᷊i luṛṛo, naal᷊ihidda ana'a addio'a apan nate taambe naasilo semakka.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YESAYA 21:1

Eteindi tanata su ola'u Babel: Naal᷊ihidda anginna al᷊isusu sussal᷊induṛṛunga sussabbi wadda'u anne, etearoddi darantane silaka wuassu wanua apan ma'ata'utta.

YESAYA 60:15

I'o sarun tawe itantangnga wuṛṛu iarantinna, wuṛṛu tawe iwala maola'a mal᷊anna-l᷊annabba. I'o Ta'u olaanna al᷊al᷊uassa sarangkal᷊o'enge, tampa ilallala'a saran mal᷊annu-l᷊annu.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YEREMIA 12:10

Manambo tembonannu raho apan buatte nanggohakku waillu anggore pussa'a-U wuṛṛu ringanna naṛṛinda manga wawail᷊ang-Ku. Wanua-U apan maṛṛansangnga niwal᷊un mangitou nabbal᷊i wadda'u anne apan mal᷊annabba.

YEREMIA 23:19

Asasa'u Mawu naal᷊ihidda anginna wahewalla apan mannanggiudda wuṛṛu mannalla'u manga taumata apan dal᷊eo.

YEREMIA 30:23

Asasa'u Mawu naal᷊ihidda tandi'a, naal᷊ihidda anginna ma'ikkatta apan mandi'uṛṛunga naṛṛia'a su manga taumata lal᷊eo, wuṛṛu tawe umompo'a tantal᷊anna anambon ṛiin-Ne matipussa. Su allo murine uman-Ne sarun maasunna olangnge udde.

YEREMIA 36:19

“I'o wuṛṛu i Yeremia ṛinone pa'imbuni. Arie ma'oman sara pia taumata maasingkatta pa'imbuniannu udde,” unni mangitou.

YEREMIA 44:6

Ana waugu udde i Ya'u napasabbangngu asasa'u-U wuṛṛu al᷊al᷊eo naung-Ku su manga soan Yehuda wuṛṛu manga lal᷊anna su Yerusalem. Sarangkanambone Ta'u nisoṛṛobba na'oman sara nabbal᷊i ete manga tuidda wuṛṛu nal᷊ol᷊okka ere lai aellehanna orassa indi.

YEREMIA 5:15

Ei ummattu Israel, Mawu tantal᷊anna mandantan sambau walahanna wuassu wanua apan marau tadea'u iapapangalo si yamiu. Walahanna udde piate ro'en al᷊amonane, pabbawisarane tawe asunnanni yamiu,

YEHEZKIEL 12:19

Pasingkata'e su anambon balahanna apa apan i Ya'u, Mawu Apan Atanggaṛṛanne nabbisara su tumana'u Yerusalem apan ta'e uatana'a su leta'i mangitou. I mangitou sarun mangiladda sutempo umanna wuṛṛu mangngindon atata'utta sutempo ma'inumma. Leta'i mangitou sarun mabbal᷊i maṛṛasa, ana waugu anambon taumata apan uatana'a isudde sidutu lullawangnga tita.

YEHEZKIEL 22:15

I Ya'u sarun manal᷊iawukku tumanangngu su ahewallu wanua wuṛṛu walahanna, wuṛṛu i Ya'u sarun mapaaddon inolaannu apan dal᷊eo udde.

YEHEZKIEL 5:10

Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

DANIEL 8:9

Wuassu wallattu sambau tandu'a udde tinuwuwote tandu'a addio'a apan nabbal᷊i lembon masallakka wuṛṛu taṛṛinone naddatingngu timukka, watukku ra'i wuṛṛu watukku leta'a apan maṛṛansangnga.

HOSEA 9:17

Ruata apan ta'u a'imbeanna udde sarun manol᷊a'u uman-Ne, ana waugu i mangitou maddiri maddaringikka si Tou. I mangitou sarun lumallele suwallattu manga walahanna.

YOEL 2:3

Naal᷊ihidda putungnga apan mannoṛṛobba wuṛṛu maatutungnga i mangitou nangepoddu al᷊awo'u sasuanna. Dorone, wanua udde naal᷊ihidda Eden, waillu Mawu, wua'udde, naal᷊ihidda wadda'u anne apan maṛṛasa. Tawe saran sambau apan nallambe, taweddu naatal᷊angnga wuassu aenggenni mangitou.

IMAMATTA 26:22

I Ya'u sarun mandantan manga winatanga mal᷊aṛaga su pattangnganni yamiu. Manga winatanga udde sarun tumambo manga anangu, mamate winatanga papadul᷊ianannu wuṛṛu mamate si yamiu, na'oman sara reengannu mabbal᷊i addio'a, wuṛṛu manga lal᷊anna su wanuanu mabbal᷊i mal᷊annaba.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

AMOS 1:14

Ana waugu udde, i Ya'u mangirimmu putungnga watukku manga darandungngu soa Raba, wuṛṛu manoṛṛobba ma'oman sara masue manga tanda'a watune. Sutempo udde sarun aringiṛṛanna paggahahion pangalo, wuṛṛu papangalo maddantanna ere tandi'a.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

HABAKUK 3:14

Manga anaan-Nu nallapasa su piaṛṛa'u tantaran seetta sutempo tantarane nirumanta ere atohassu anginna al᷊isusu, tadea'u i yami isal᷊iawukka. I mangitou lullage ringannu lulluassa naal᷊ihidda taumata ringannu mal᷊anna-l᷊annabba mangngallanga taumata apan asiangnga.

ZEFANYA 3:6

Mawu nabbisara, “I Ya'u buatte napaawul᷊in anambon balahanna; manga soan mangitou Ta'u niṛṛimunsa'a, wuṛṛu manga darandungnga see manga candin mangitou Ta'u niola'a manga tuidda. Manga soan mangitou mal᷊anna-l᷊annabba taweddu uatana'a wuṛṛu manga lal᷊anne mal᷊annabba.

ZAKARIA 2:6

Mawu nabbisara su uman-Ne, “I Ya'u buatte nanal᷊iawukki yamiu su al᷊awo'u pappi'uanne. Arawe orassa indi ei manga taumata niwuangnga, tal᷊angke wuassu Babel wuṛṛu pabbelengke su Yerusalem.

ZAKARIA 8:1

Mawu Apan Lembontaṛṛino nangonggollu tanata indi si ya'u,

ZAKARIA 9:14

Mawu sarun maipasilon batangan-Ne su uman-Ne, naal᷊ihidda sawallo manga anaan-Ne nipiti'a. Mawu Apan Atanggaṛṛanne sarun maniuppa trompetta tatiala mamangalote see inaite umamatta sulal᷊ummu tandi'a wuassu timukka.

TAHIUL᷊E 28:33

Walahanna raho sarun manahuanna anambon hessin leta'a apan niasombanganni yamiu ringannu mammanara masahadda, arawe i yamiu sassane tawe maasomba manga apa tumba'u sidutu naiola'a allangnga wuṛṛu papparentanna ringannu maṛṛagissa.

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.