ZAKARIA 5:3 - WUKE SUSI WATTI'U AL᷊AL᷊USASSA

³ Wua'udde i tou nabbisara si ya'u, “Su wuke lal᷊ul᷊unanna udde uawoṛṛetta wawontoga su ahewallu wanua indi. Su ul᷊appane paarorone uawoṛṛetta manungku suapan taṛṛa ta'o sarun iapasabbangnga wuassu wanua indi. Wuṛṛu su sangkulappa waine uawoṛṛetta manungku suapan taumata apan massalu awusu lai sarun iapasabbangnga.

ZAKARIA 5:3 Iomraidhean Croise

SASABANGNGA 20:15

Imbaṛṛanganga manna'o.

AMSAL 29:24

Taumata apan mammanara suadio'a ringannu manana'o, atappasanne mabbinsin batanganne sassane. Amungkangngu i tou mabbati'a atonna su pallaṛṛuunganna, i tou sarun iṛṛuumanna. Arawe amungkangngu i tou sidutu mal᷊annabba, i tou sarun aṛṛinoannu wawontogu Ruata.

AMSAL 3:33

Mawu mamontoga wal᷊en taumata lal᷊eo, arawe mangngal᷊amatta wal᷊en taumata apan matuṛṛutta si Tou.

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

YESAYA 24:6

Ana waugu Mawu buatte namontoga runia wuṛṛu nakkuumannu tumanangnge ana waugu inolaanni mangitou. I mangitou nitutungnga, wuṛṛu tumba'u matul᷊u suwallatti mangitou apan nasal᷊amatta.

YESAYA 43:28

manga imammu buatte nandal᷊eo Wal᷊e-U. Ne Israel Ta'u itantilla iapal᷊obbossa, papapulunni Yakub Ta'u iwala ṛaddaanna.”

YESAYA 48:1

Paddaringikke, ei papapulunni Yakub, papapulunni Yehuda apan mappa'attu arannu Israel, naudde i'o mangnga'u Ruatan Israel, wuṛṛu massalu ringannu arannu Mawu. Arawe manga wisaranu udde tawe suṛṛinone.

YEREMIA 23:10

Wanuan kite napanen taumata apan mal᷊awangnga Mawu. I mangitou mabbiakka lal᷊eo wuṛṛu massal᷊a paattu taṛṛino mangitou. Ana waugu tatal᷊a Mawu, nannal᷊o su wadda'a nabbal᷊i mamara wuṛṛu ahewallu wanua lullal᷊o.

YEREMIA 26:6

Amungkangngu i yamiu sidutu uatatana'a lullawangnga, wal᷊en patataṛṛamawuanna indi sarun Ta'u olanna ere Silo, na'oman sara anambon araratuanna su runia mappaattu arannu soan Yerusalem indi maola'a wawontoga.”

YEREMIA 5:2

I yamiu mabbisara manungku i yamiu massubba Mawu, wutte'e pandumanni yamiu wal᷊ine aroddi.

YEREMIA 7:9

I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

YEHEZKIEL 2:9

Wua'udde i ya'u naasilo ta'iakka apan ual᷊ul᷊ukka si ya'u. Sulal᷊ummu ta'iakka udde pia buke lalul᷊unanna,

DANIEL 9:11

Ahewallu Israel buatte nilumawangnga manga tita-Nu wuṛṛu maddiri maddaringikka tingik-Ku. I yami narosate su saruan-Nu, wuṛṛu ana waugu udde I'o nandantan wawotoga si yami apan uawoṛṛetta sulal᷊ummu Buken Musa, allang-Ngu.

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

IMAMATTA 19:11

Imbaṛṛangnga manna'o, mallinga ara'e mangawusu.

IMAMATTA 19:12

Imbaṛṛangnga ma'ire ringannu arang-Ku amungkangngu i yamiu tawe maatipussa pa'aire udde, ana waugu ringannu udde mallobbossa arang-Ku. Ete i Ya'u Ruatanu.

AMOS 3:10

Mawu nabbisara, “Manga taumata udde nalloṛṛo manga wal᷊en araratuanni mangitou ringannu manga saranapa apan nisombanganni mangitou wuassu pangangalangnga wuṛṛu araṛṛagissa. Ewe'e lai manga inolaanni mangitou tawe matul᷊idda.

ZAKARIA 5:4

Mawu Apan Lembontaṛṛino nabbisara manungku wawontoga udde sarun iamang-Nge suwal᷊en taumata taṛṛa ta'o wuṛṛu wal᷊en taumata massalu awusu. Manga wal᷊e udde sidutu sarun aṛṛinoannu wawontoga udde maddatingngu mabbal᷊i manga winal᷊alanna.”

ZAKARIA 8:17

Imbaṛṛangnga manggol᷊agu al᷊al᷊eo su saruannu sansul᷊ungngu. Imbaṛṛangnga massalu awusu. I ya'u maddantinnu wawahia wuṛṛu pallal᷊inga see lai araṛṛagissa.”

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MALEAKHI 4:6

I tou sarun ma'ola'a manga iamangnga wuṛṛu manga al᷊aṛṛana'a naungnga sambua, tadea'u i Ya'u tate rumanta mamate wanuanu.”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

LUKAS 21:35

Ana waugu Allo udde sarun rumanta ere wal᷊ati'a su anambon taumata su wowon runia indi.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

1 TIMOTIUS 1:9

Ṛinone naunganna manungku titaniola'a wal᷊ine hunane su taumata mapia, ewe'e su taumata apan mal᷊awangnga tita, manga taumata lal᷊eo, taumata mal᷊awangnga, su taumata marosa, taumata tawe agamane, taumata tumba'u maṛṛingiddu runia, su taumata apan namate iamangnge wuṛṛu inangngene, wuṛṛu manga taṛṛa pate sarangkanambone,

YAKOBUS 5:12

Apan apianne eteudde: Arie massalu, mawae ringannu arannu langitta, ara'e arannu runia, ara'e ringannu manga apa lai. Wal᷊oa'e “Ore” amungkangu pandumannu ore, wuṛṛu “Tawe” amungkangu pandumannu tawe; tadea'u i yamiu tawe maasomba ṛuumannu Ruata.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

YOSUA 9:20

I ite tawe wotonge mamate si mangitou ana waugu i ite buatte na'ire; wuṛṛu amungkangu i ite nabbasangkalu pa'aire udde Ruata sarun maṛṛuumanni ite.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.