ZAKARIA 4:7 - WUKE SUSI WATTI'U AL᷊AL᷊USASSA

⁷ Alanganna ere ahewallu wowone lai sarun mairu wuassu saruannu. I'o sarun mabbangunna apia Wal᷊e-U, wuṛṛu sutempo i'o mangaddon batu paarorone su tempane, manga taumata sarun mabbisara ‘Aṛṛamagawe eteapa! ’ ”

ZAKARIA 4:7 Iomraidhean Croise

EZRA 3:10

Sutempo manga mamanaran bangunna mannattakke mangaddon rapappakku Wal᷊en Mawu, manga imam ualuṛṛen juba wuṛṛu ringannu uaagassa trompetta dirumarisikka su tampane sangkatou-sangkatou. Manga taumatan Lewi wuassu wawosoanni Asaf dirumarisikka lai isudde ringannu uaagassa manga manaunganna maraddio'a. I mangitou mangke maddalo Mawu uasulungngu atoranna apan buatte nitantunna ro'en tempo i Ratu Daud.

DARALO 114:4

Manga wowone sussolo'a ere ambinga, manga wuidda tuttadintinga ere ana'u domba.

DARALO 114:6

Anio i yamiu sussulo'a ei manga wowone, wuṛṛu i yamiu tuttadintinga ei manga wuidda?

DARALO 118:22

Watu apan niramme manga maaola'a wal᷊en, naola'e watu sasarianne.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

YESAYA 41:15

Pa'ellege, i'o Ta'u olaanna ere pappalla pakkindanna, apan bakku, maṛṛoro wuṛṛu isine ruan daddaga. I'o sarun makkinda manga wowone wuṛṛu makkimunsa'a; manga wuidda niolangngu ere wal᷊a'a.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

YEREMIA 51:25

Ei Babel, i'o naal᷊ihidda wowone apan nanggohakku ahewallu runia. Arawe i Ya'u, Mawu, sarun mando'appa si'o. I'o sarun Ta'u wol᷊enganna wuṛṛu Ta'u ital᷊inggi see Ta'u iwala matambunna maola'a awu.

MIKHA 1:4

Manga wowone nonossa su al᷊ungngu pal᷊addu ledda-Ne naal᷊ihidda lilinna sulal᷊ummu putungnga apan lukkenggamma; letangnge nal᷊alladda sinumutta watukku wawal᷊anne, naal᷊ihidda ua'e su wuidda apan mangngelekka watukku wowane.

MIKHA 4:1

Su manga allo addantane wuidda, tampan Wal᷊en Duata sarun dumarisikka matul᷊idda wuṛṛu u'innuitta matanggakka nangampal᷊iu manga wowone wuṛṛu manga wuidda Anambon walahanna uawawambio inai poiaroddi.

HABAKUK 3:6

Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.

ZAKARIA 4:8

Ana see nirumantate lai tanata apan baine wuassu Mawu.

ZAKARIA 4:9

Wisara-Ne, “I Zerubabel buatte nangaddon rapappakku Wal᷊e-U, wuṛṛu i tou sarun manginsue ahewallu wal᷊en udde. Napawe udde mariaddi, uma-U sarun maasingkatta manungku ete i Ya'u apan nandolokku Zakaria ringanni mangitou.

MATIUS 21:21

“Atonna,” sasimbakku Mawu Yesus, “amungkangngu i yamiu mangngimanna wuṛṛu tawe humago'a, i yamiu maaola'a apa apan suete niola-U su alu ara indi, wuṛṛu tawe tumba'u udde sassane, ewe'e lai yamiu maawisara lai su wuidda indi, ‘Awengkette wuṛṛu awontolle sulal᷊ummu tahal᷊oangnga’: ne olangnge udde sarun mariaddi.

MATIUS 21:42

Ne Mawu Yesus nabbisarate si mangitou, “I yamiu taambe naawasa apa apan uawoṛṛetta sulal᷊ummu Wuke Susi? ‘Watu apan tawe ipaattu maaola'a wal᷊e naola'e watu apan paarorone. Ete indi inolaannu Mawu; tumanite maṛṛamaga atonna!’ ”

MARKUS 12:10

I yamiu asinungka suete naawasa addoanne sulal᷊ummu Wuke Susi, ‘Watu apan tawe ipaattu manga maaola'a wal᷊e naola'e watu apan paarorone.

LUKAS 20:17

Mawu Yesus nanutudda si mangitou see naiwal᷊o, “Amungkangngu aroddi apa atappasannu wageangngu Wuke Susi indi? ‘Watu apan tawe ipaattu maaola'a wal᷊e, naola'e watu apan paarorone.’

LUKAS 3:5

Al᷊awo'u liobongnge sarun soopanna, al᷊awo'u wowone wuṛṛu wuidda iapaaratakka. Lal᷊anna apan uawengkolla sarun tul᷊iṛṛanna, wuṛṛu lal᷊anna apan ual᷊iobbo'a sarun iratakka.

WATTI'U MANGA RASUL 4:11

Ete Mawu Yesus udde apan su pandummu aaddoanne indi sulal᷊ummu Wuke Susi, ‘Watu apan tate ipaatta su manga wal᷊e, nasemakka naola'e watu apan paarorone.’

ROMA 11:6

I Tou namile si mangitou ana waugu pinangianannu al᷊aman-Ne wuṛṛu wal᷊ine ana waugu pinangiananne pallal᷊agun mangitou. Ana waugu amungkangngu pamamilen Ruata udde pinangiananne wuassu pallal᷊agun taumata, ne al᷊amattu Ruata udde wal᷊inewe al᷊amatta apan tutune.

EFESUS 2:20

I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

1 PETRUS 2:7

Watu udde lembon maarega si yamiu apan mangngimanna. Arawe su taumata apan tawe mangngimanna, matipusse manga araddoanne su Wuke Susi ereindi, “Watu apan tawe ipaattu manga ma'aola'a wal᷊e udde wutte'e naola'a watu apianne.”

SONDAPPA 16:20

Anambon taṛṛanusa nawontola, wuṛṛu anambon bowone nawul᷊ussa.