ZAKARIA 4:6 - WUKE SUSI WATTI'U AL᷊AL᷊USASSA

⁶ Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

ZAKARIA 4:6 Iomraidhean Croise

PANDARIADDI 41:16

I Yusuf sinumimbakka, “Wal᷊ine allangi, Tuangku, ewe'e Ruata apan sarun mangonggolu tal᷊aane apan naṛṛino.”

1 MARARATU 19:12

Wua'udde nirumantate putungnga, arawe Mawu lai tawe sulal᷊ummu putungnga udde. Wua'udde runia nabbal᷊i mal᷊annabba, ana see niaringikka sambau tingikka addio'a masi'ome.

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

EZRA 2:2

Manga piaṛṛa'i mangitou eteudde i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum wuṛṛu i Baana. Eteindi arannu wawosoannu amonannu Israel, ringannu anambon taumata wuassu al᷊awo'u wawosoanna apan nabbelengnga wuassu pamamuanganna:

EZRA 3:10

Sutempo manga mamanaran bangunna mannattakke mangaddon rapappakku Wal᷊en Mawu, manga imam ualuṛṛen juba wuṛṛu ringannu uaagassa trompetta dirumarisikka su tampane sangkatou-sangkatou. Manga taumatan Lewi wuassu wawosoanni Asaf dirumarisikka lai isudde ringannu uaagassa manga manaunganna maraddio'a. I mangitou mangke maddalo Mawu uasulungngu atoranna apan buatte nitantunna ro'en tempo i Ratu Daud.

EZRA 5:2

Naaringikka wisaran nabi darua udde, Zerubabel ana'i Sealtiel wuṛṛu Yesua ana'i Yozadak lapiddu na'ola'a apia pandararisikku Wal᷊en Mawu su Yerusalem, nilal᷊imannu nabi darua udde.

DARALO 33:16

Ratu tawe maauntunga ana waugu manambo tantarane, tantara tawe maasal᷊amatta ana waugu atatohanne.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 34:16

Paddea'e wuṛṛu pabbasate sulal᷊ummu Buken Mawu: Tawe saran sambau wuassu anambon riaddianna udde mawul᷊i ara'e tawe parene. Ana waugu etearoddi parentan Mawu, wuṛṛu ete i Tou sassane apan buatte nangammulli mangitou.

YESAYA 59:19

Taṛṛino wuṛṛu awawantu-Ge sarun ia'ata'uttu anambon taumata wuassu ra'i maddatingngu waṛṛatta. I tou sarun dumanta ere sal᷊ukka apan masassagga apan tattiupannu anginna ma'ikkatta.

DANIEL 2:34

Sutempo Tuangku tantal᷊anna mannutukka, sambau watu wahewalla napallossa wuassu rampissa, ringannu tawe nieṛṛetannu taumata, ana see nangema'a paal᷊uanna udde su leddane apan niola'a wuassu aatta'a wuṛṛu leta'a maṛṛamutta udde, na'oman sara napussa'a.

HOSEA 1:7

Arawe walahannu Yehuda sarun Ta'u rangnguanna. I Ya'u Mawu, Ruatan mangitou, sarun manal᷊amatta si mangitou, arawe wal᷊ine ringannu pangalo, wuṛṛu lai wal᷊ine ringannu hal᷊ele ara'e anaanna ara'e awal᷊o wuṛṛu sumasa'ene.”

HAGAI 1:1

Su tonna aruane i Ratu Darius uaparenta su Persia, su allo paarorone wul᷊ana iaannumme, Mawu nabbisara ringannu nappaatti Nabi Hagai. Tanatan Mawu udde iwuna'a si Zerubabel ana'i Sealtiel, gubernuren Yehuda, wuṛṛu su Imam Bahewa Yosua ana'i Yozadak.

HAGAI 2:21

tadea'u iapasingkatta si Gubernure Zerubabel. Unnu Mawu, “Tate mal᷊annu lai langitta wuṛṛu runia sarun Ta'u iio'a,

ZAKARIA 6:12

Wal᷊oa'a si tou manungku i Ya'u Mawu Apan Lembontaṛṛino nabbisara, ‘Taumata apan isassaggo Sambau Solla, sarun maauntungnga su tampa i tou i tou uatana'a wuṛṛu i tou sarun mapararisikku apia Wal᷊en Mawu.

REENGANNA 27:16

“Oh, Ruata, apan mangngonggolu wiakka su anambon apan biakka, i ya'u sumal᷊ande, ta'ea'e sangkatou apan botongnge mamiaṛṛa'u walahanna indi;

EFESUS 6:17

Anute asasal᷊amatta udde maola'a sambau araposa waja, wuṛṛu wisara Ruata maola'a sambau hal᷊ele wuassu Ghaṛṛahon Duata.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

1 SAMUEL 14:6

Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”

1 SAMUEL 17:47

wuṛṛu anambo taumata isindi sarun maasilo manungku Mawu tawe mappandumma hal᷊ele ara'e sambeangnga ipanal᷊amatta alaṛṛanang-Nge. Ete i Tou apan manantunnu lal᷊annu pangalo wuṛṛu i Tou sarun manantilli yamiu sulal᷊ummu liman kami.”