ZAKARIA 4:14 - WUKE SUSI WATTI'U AL᷊AL᷊USASSA

¹⁴ Ne i tou sinumimbakka, “Udde eteudde darua taumata apan buatte nipilen Mawu ul᷊ilin pati'uppa wuṛṛu nipile tadea'u mangimbe si Tou.”

ZAKARIA 4:14 Iomraidhean Croise

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

EZRA 5:2

Naaringikka wisaran nabi darua udde, Zerubabel ana'i Sealtiel wuṛṛu Yesua ana'i Yozadak lapiddu na'ola'a apia pandararisikku Wal᷊en Mawu su Yerusalem, nilal᷊imannu nabi darua udde.

DARALO 110:4

Ringannu sasalu Mawu buatte na'ire, i Tou tawe mangul᷊e apia, “Ete I'o imam sarangkal᷊o'engnge, ere i Melkisedek.”

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

DARALO 89:20

Sutempo dorone sulal᷊ummu sambau sondappa, I'o nabbisara su manga allang-Ngu apan matuṛṛutta, “I Ya'u buatte nantul᷊ungngu sangkatou atumannaṛṛane, sangkatou apan Ta'u nipile wuassu tumana'u soa apan Ta'u nitanggakka.

SASABANGNGA 29:7

Ana see panganute lana ipangal᷊amatta, lal᷊ina'a su wowon puane wuṛṛu lanaite i tou.

SASABANGNGA 40:15

Ana see lanaite i mangitou ere i'o nallana iamangngi mangitou, tadea'u i mangitou lai wotongnge mangimbe si Ya'u maola'a imam. Ringannu lal᷊aghun lanan udde, ṛuanganni mangitou saran papapulunne uaagassa manara imam.”

YESAYA 5:1

Paddaringikke antari'u su ola'u waillu anggoru hawe'u. Hawe'u uatahuanna waillu anggore su welen buidda apan masuwukka.

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

YEREMIA 49:19

Naal᷊ihidda singa sinumabbangnga wuassu mahurangnge maranin Sal᷊ukku Yordan wuṛṛu nirumanta su wadda'a tampa domba u'anna nannal᷊o, aroddi lai Ya'u sarun dumanta wuṛṛu mapatal᷊angngu taumatan Edom wuassu wanua mangitou ringannu mamaroro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai wotongnge isul᷊unga si Ya'u? Isai waṛṛani ma'ola'a hatto ringang-Ku? Apa pia piaṛṛa'a apan botongnge lumawangnga si Ya'u?

IMAMATTA 8:12

Wua'udde i Musa nanenegi Harun ringannu nallal᷊innu addio'a lanan lal᷊aghu su puane.

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

ZAKARIA 6:13

Ete i tou apan mapararisikku Wal᷊e-U wuṛṛu manengkamma aaddatta ere sangkatou ratu, wuṛṛu i tou sarun mamarenta tumanangnge. sangkatou imam sarun mallal᷊ima si tou wuṛṛu i mangitou sarun mammanara suadio'a ringannu uaaukka.’

ZAKARIA 6:5

I tou sinumimbakka, “I mangitou inai umamatta watukku appatta lal᷊anna napawe buatte sinumaruanna Mawu ul᷊ilim pati'uppa.

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

TAHIUL᷊E 10:8

Su wowone udde Mawu naṛṛaen taumatan Lewi iapal᷊u'adda Wantallu Pa'aire wuṛṛu mangimbe Mawu, wuṛṛu mangal᷊amatta ringannu aran-Ne. Eteudde manaran mangitou sara orassa indi.

YOSUA 3:13

Man napawe manga imam apan uapasanna Wantalu Pa'aire Mawu naṛṛindaten leddane sulal᷊ummu ua'en sal᷊ukka Yordan udde, ua'e mangngelekka sarun matta'alla; ua'e apan mangngelekka wuassu ul᷊une aṛṛapinganna su sambau tampa.”

SONDAPPA 11:4

Ruang katou tiala udde, eteudde ruam bua alun Zaitun wuṛṛu ruam bua leddan sol᷊o apan uaraddo su saruannu Mawu ul᷊ilimpati'uppa.

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”