ZAKARIA 3:2 - WUKE SUSI WATTI'U AL᷊AL᷊USASSA

² Mala'ekattu Mawu nabbisara su Setanna, “Antimanna Mawu makkuumannu ei Setanna! Antimanna Mawu apan marangngu Yerusalem makkuumannu. Taumata indi naal᷊ihidda anutungnga apan niabutta wuassu ṛenggammu putungnga.”

ZAKARIA 3:2 Iomraidhean Croise

DARALO 109:31

Ana waugu i Tou nangambanga wuṛṛu nanal᷊amatta taumata asiangnga wuassi mangitou apan nangema'u ṛuumanna mate si tou.

YESAYA 7:4

Wal᷊oa'e su ratu manungku i tou ṛinone uasaddia, arawe sidutu paatammudda. I tou tawe wotongnge mata'utta ara'e umal᷊iwu. Aasa'un Ratu Pekah wuṛṛu Ratu Rezin ringannu tantarane manga taumatan Siria udde, tawe tumaniten maasilaka wuassu ruan bua anutungnga pia timbulle.

DANIEL 12:1

Mala'ekatta apan ual᷊uṛṛen laubba linen udde nabbisara apia, “Sutempo udde sarun lumapputta mala'ekatta wahewalla Mikhael mallalu'adda walahannu. Wua'udde sarun pia tempon asasusa apan taweddu panumandinganne ro'en pia manga walahanna. Arawe anambon taumata wuassu walahannu apan aranne uawoṛṛetta sulal᷊ummu buken Duata, sarun iapasal᷊amatta.

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

ZAKARIA 1:17

Mala'ekatta udde nandolo'u mamasingkattu tanata indi lai, “Mawu Apan Lembontaṛṛino naddiandi manungku manga soa-Ne sarun mabbal᷊i su lal᷊umanna'a apia wuṛṛu manungku paasa lai i Tou sarun mantul᷊ungngu Yerusalem wuṛṛu manga'u maola'a pussa'a-Ne sassane.”

ZAKARIA 2:12

Paassa lai Yehuda sarun maola'a pussa'a Mawu apan apianne su letang-Ne apan susi, wuṛṛu Yerusalem sarun maola'a soa apan lembon arangnguan-Ne.

MARKUS 1:25

“Paal᷊annaba!” Mawu Yesus nandona ghaṛṛaho udde, “Sabbangke wuassu taumata indi!”

MARKUS 9:25

Napawe Mawu Yesus naasilo manungku taumata mannattakke rudanta maṛṛimpulunna, i Tou namarenta ghaṛṛaho lal᷊eo udde ringannu nabbisara, “Ghaṛṛaho wengella wuṛṛu mou, i Ya'u mandolokku; sabbangnga wuassu ana'a indi wuṛṛu ariete passutta si tou apia.”

LUKAS 22:32

Arawe i Ya'u suete inumal᷊iomanni yamiu, Simon, tadea'u pangangimannu tawe mallome. Wuṛṛu napawe i'o mabelengke ringang-Ku, i'o sarun manohassa manga tuṛṛangngu.”

LUKAS 4:35

“Paal᷊annaba!” Mawu Yesus nandona ghaṛṛaho lal᷊eo udde, “Sabbangke wuassu taumata indi!” See ghaṛṛaho lal᷊eo udde namantingngu taumata udde su saruanni mangitou sarangkanambone wuṛṛu wua'udde sinumabangnga wuassu taumata udde ringannu tate napaaradange.

LUKAS 9:42

Tantal᷊anna ana'a udde u'amatta mattuda Mawu Yesus, ghaṛṛaho lal᷊eo udde nangema'i tou wuṛṛu wadangnge iwabantikke. Arawe Mawu Yesus namarenta ghaṛṛaho lal᷊eo udde niapaasabangnga see napiate ana'a udde. See ana'a udde tinantille apia su iamangnge.

YOHANES 13:18

Apa apan Ta'u niwisara indi wal᷊inewe su ola'i yamiu sarangkanambone. I Ya'u masingkatta isai-sai apan suete nipile. Arawe apa apan uawoṛṛetta sulal᷊ummu Wuke Susi ṛinone matipussa, eteudde ‘Taumata apan u'anna su sambau ringang-Ku sarun lumawangnga si Ya'u.’

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

ROMA 8:33

Isai wotongnge mapaasal᷊an kite taumata apan buatte nipile Duata, amungkangngu Ruata sassane napaal᷊iatta'a manungku i ite tawe sal᷊ane?

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

YUDAS 1:23

Wol᷊engke taumata udde paasabbanga'a wuassu lal᷊ummu putungnga ana see i mangitou masal᷊amatta. Su saruannu manga taumata waine ṛinone i yamiu mapaal᷊iatta'u darangngu rarundinganannu apendama matta'utta, arawe arantinten sara lai laubbi mangitou apan napenen luhudu al᷊al᷊eo mangitou apan marosa.

YUDAS 1:9

Mikhael sassane, apan naola'a tembonannu manga malaekatta, tawe pallal᷊agu ereudde. Su tempo i tou natatiakku Setanna sulal᷊ummu pabbawawul᷊o su ola'u isai apan naasomba winal᷊unanni Musa, Mikhael tawe waṛṛani makkuumannu Setanna ringannu wisara ipangngadio'a. Mikhael tumba'u nabbisara, “Mawu sarun mamul᷊o si'o”!

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”