ZAKARIA 2:9 - WUKE SUSI WATTI'U AL᷊AL᷊USASSA

⁹ “Mawu sassane sarun mando'appa si yamiu! Wuṛṛu i yamiu sarun pangaṛṛoannu manga allangngu dorone. Amungkangngu olangnge udde mariaddi, i yamiu sarun maasingkatta manungku Mawu Apan Lembontaṛṛino buatte nandolo'u.”

ZAKARIA 2:9 Iomraidhean Croise

YESAYA 10:32

Allo indi seetta poite su soa Nob, wuṛṛu isudde i mangitou mammansagu angkumma watukku Wuiddu Sion, su soa Yerusalem.

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 13:2

Elea'e manga waneṛṛan pangalo su puiddu wuidda lunggukka! Pamaggote manga tantara, wuṛṛu wattea'e pulal᷊annu tadea'u i mangitou mamangalo manga ngaran soa apan mawunga udde.

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

YESAYA 19:16

Sarun a'omanna tempone walahannu Mesir maola'a ere wawine apan matal᷊o wuṛṛu matta'utta. I mangitou mangngiladdu atata'utta maasilo Mawu Apan Lembontaṛṛino mamatten lima-Ne makkuumanni mangitou.

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 33:21

Mawu sarun mamasilon awawantu-Ge si ite. I ite sarun mabbiakka su winggin sal᷊ukka apan mal᷊oangnga, apan tawe apassenggotannu apallu seetta.

YESAYA 4:5

Ana see Buiddu Sion wuṛṛu awadaalla apan uaammulle isudde Mawu nandiaddi winabbawa sutempo allo, see lai timbulla wuṛṛu semakka sutempo ṛabbi. Ruata sassane ringannu taṛṛino-Ne sarun manilumma wuṛṛu mallu'adda ahewallu soa udde.

YESAYA 48:16

Rantate marani-U wuṛṛu paddaringikke, ro'en dorone i Ya'u mabbisara ringannu masemakka; wuṛṛu wisara-U sidutu Ta'u a'olaanna lumiatta'a.” Orassa indi Mawu Ruata nandolo'u wuṛṛu nangonggolla si ya'u taṛṛino-Ne sassane.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

YESAYA 60:19

I'o salaiwe lasa'e semaṛṛannu matannallo sutempo allo, wuṛṛu lasa'e lai semaṛṛannu wul᷊anna sutempo ṛabbi. Ana waugu i Ya'u Mawu naola'a asasemakka tutune si'o, i Ya'u mannemakka ringannu awawantu-U.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

YEREMIA 28:9

Arawe nabi apan mammani'attu ola'u paddarame, tumba'u wotongnge a'uanna sangkatou nabi apan atonna-tonna nirolokku Mawu, amungkangngu manga pani'anne udde atonna.”

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

YEHEZKIEL 39:10

Nariaddi i mangitou salaiwe lasa'e mangammulu alu papputunganna su wawail᷊anna ara'e manuwangnga alu su mahurangnge, ana waugu manga lutangnga apan nitantanga udde tumaniten manambo maola'a alu papputunganna. I mangitou sarun mangaṛṛo wuṛṛu maṛṛampassa darotongngu manga taumata apan buatte nangaṛṛo wuṛṛu naṛṛampassa darotongngi mangitou. I Ya'u, Mawu Apan Atanggaṛṛanne buatte nabbisara.”

YOEL 2:27

Ne i yamiu masingkatte, Israel, manungku i Ya'u udde su pattangngannu, wuṛṛu manungku i Ya'u, Mawu, uddewe Ruatanu. Tawe Duata waine, tumba'u i Ya'u sassane. Uma-U tate pansilianna apia!”

HABAKUK 2:17

I'o mannuwangnga manga aaluanna su mahurangngu Libanon, wuṛṛu orassa indi i'o sassane apan sarun tuwanganna. I'o mammate manga winatangnge, wuṛṛu orassa indi manga winatangnga mamma'utta si'o. Sarangkanambone udde mariaddi ana waugu pamamate wuṛṛu araṛṛagissa apan buatte niolangngu su saruannu manga wanua, manga soa wuṛṛu manga tumanangnge.

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

ZEFANYA 3:15

Ana waugu Mawu nangillol᷊ote makkuumanni yamiu; i Tou buatte nallimbuakka al᷊awo'u seennu. I yamiu lal᷊u'arannu ratun Israel, Mawunu sassane. Orassa indi i yamiu ariete mata'utta apia.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

ZAKARIA 4:9

Wisara-Ne, “I Zerubabel buatte nangaddon rapappakku Wal᷊e-U, wuṛṛu i tou sarun manginsue ahewallu wal᷊en udde. Napawe udde mariaddi, uma-U sarun maasingkatta manungku ete i Ya'u apan nandolokku Zakaria ringanni mangitou.

ZAKARIA 6:15

Manga taumata sarun dumanta wuassu tampa apan marau wuṛṛu mantul᷊ungnga mapararisikku Wal᷊e-U. Napawe wal᷊en udde nasuete, i mangitou sarun maasingkatta manungku i Ya'u Mawu Apan Lembontaṛṛino nandolokku ringanni mangitou. Sarangkanambone udde sarun mariaddi amungkangngu i mangitou atonna-tonna tuttuṛṛutta manga parenta-U, Mawu Ruata Mangitou.”

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

YOHANES 13:19

Olangnge udde Ta'u iapaasingkatta si yamiu orassa indi, tantal᷊anna taambe natipussa, tadea'u amungkangngu olangnge udde mariaddi, yamiu sarun mangngimanna manungku ete i Ya'u apan isassago I YA'U INDI.

YOHANES 16:4

Arawe orassa indi iwal᷊o-U olangnge udde si yamiu, tadea'u amungkangngu udde mariaddi murine, i yamiu maanaungnga manungku i Ya'u suete namasingkatta si yamiu.” “Hatto indi tawe Ta'u niwal᷊o si yamiu ro'en paarorone, ana waugu i Ya'u ta'e su sampunna ringanni yamiu.