ZAKARIA 2:8 - WUKE SUSI WATTI'U AL᷊AL᷊USASSA

⁸ Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

ZAKARIA 2:8 Iomraidhean Croise

PANDARIADDI 20:6

Ruata sinumimbakka sulal᷊ummu wal᷊iawa, “Atonna, i Ya'u masingkatta manungku i'o na ola'a udde ringannu naungnga waresi. Ana waugu udde i Ya'u naningaddu ma'ola'a rosa su saruang-Ku, wuṛṛu i Ya'u tawe mamalanu mamita wawine udde.

2 MARARATU 24:2

Mawu nandolokku manga tantaran walahannu Babel, Siria, Moab wuṛṛu Amon niaparo'appa si Yoyakim wuṛṛu niapaṛṛimunsa'a Yehuda nassul᷊ungu ere buatte nipasingkatu Mawu su manga nabi allang-Nge.

DARALO 17:8

Paddul᷊ianewe i ya'u naal᷊ihidda ana'u mata-Nu, wuniaawe i ya'u su al᷊ungngu papaiddu Mawu

AMSAL 7:2

Paatuṛṛute manga tatagu'u tadea'u i'o mabbiakka su lal᷊umanna'a. Pallaṛṛenggente manga al᷊aṛṛa'u mapia-pia ere i'o ual᷊u'adda ana'u matanu sassane.

YESAYA 49:19

Wanuanu apan mamara wuṛṛu mal᷊annabba, orassa indi nabbal᷊ite maṛṛipusi'a su manga taumata apan mappulu mamanua isudde. Wuṛṛu manga taumata apan maapulu mamate si'o, maraute wua dingannu.

YEREMIA 12:14

Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

YEHEZKIEL 25:12

Mawu Apan Atanggaṛṛanne nabbisara, “Walahannu Edom buatte na'ola'a pasasal᷊a wahewalla ana waugu tumanite maṛṛagissa su Yehuda, ere inolaanna ipabbal᷊issa.

YEHEZKIEL 25:15

Mawu Apan Atanggaṛṛanne nabbisara, “Manga taumatan Filistin buatte nabbal᷊issa al᷊al᷊eo naungnga ringannu maṛṛagissa su saruannu seetti mangitou apan mal᷊annute wuṛṛu namate si mangitou ringannu napenen araratinna.

YEHEZKIEL 26:2

“Ei taumata apan mattate, tumana'u Tirus buatte naggio lapiddu mabbisara, ‘Yerusalem naṛṛimunsa'e! Auatanne sulal᷊ummu madagangnga nawul᷊ite! I tou tate maola'a ro'appi ite lai!’ ”

YEHEZKIEL 26:20

Ana see i'o Ta'u iiringnga watukku runian taumata nate tadea'u iapaammulu manga taumata wuassu tempon al᷊amona. Ta'u iwala i'o mamanua su runian taumata nate udde, su pattangngannu lanna'u winalalanna sarangkalo'engnge, suadio'a ringannu taumata nate. Ne letangngu tate atanaanna apia, wuṛṛu i'o tate ireengnga suwallattu taumata wiakka.

YEHEZKIEL 35:5

Ro'en dorone i yamiu masseettu Israel wuṛṛu namala mangitou laṛṛatanna sutempo i mangitou niarantannu asasilaka maola'a ṛuumanna panginsueanne wuassu rosa mangitou.

YEHEZKIEL 36:11

Tumanangnge wuṛṛu winatangngu sarun Ta'u tambanna, ma'oman sara mabbal᷊i manambo, mannamboanna wuassu paarorone, wuṛṛu i mangitou sarun ṛumana'a mappulunna manambo. I mangitou sarun mabbiakka poiaroddi ere paarorone wuṛṛu Ta'u olaanna ala, ere lai taambe saran paassa niapendamanni yamiu. Ne i yamiu masingkatte manungku ete i Ya'u Mawu.

YEHEZKIEL 38:11

I'o nakkawessa inai mamangalo wanua apan tawe tanda batune udde, suapa tumanangnge mabbiakka ringannu matammuda wuṛṛu mal᷊angnganna su manga soa apan tawe darandungnge wuṛṛu tawe ahiddu pangalo.

YEHEZKIEL 38:14

Ana waugu udde Mawu Apan Atanggaṛṛanne nandolo'u iapapasingkattu tanata indi si Gog, “Ana waugu sutempo uma-U Israel mabbiakka ringannu matammuda, i'o nirumanta namangalo.

AMOS 1:11

Mawu nabbisara, “Tumana'u Edom masokkate ma'ola'a rosa, ana waugu udde i Ya'u sarun makkuumannai mangitou. Ringannu tawe umakkanna, i mangitou buatte namangalo taumatan Israel, manga tuṛṛangngi mangitou. I mangitou sidutu mandona wuṛṛu mangke mangngunne.

AMOS 1:13

Mawu nabbisara, “Walahannu Amon masokkate ma'ola'a rosa, ana waugu udde i Ya'u sarun makkuumanni mangitou. Sutempo napapangalo tadea'u manggewalla wageangngu araratuanne, i mangitou nangua tiannu manga wawine pia illoṛṛone su Gilead.

AMOS 1:9

Mawu nabbisara, “Tumana'u Tirus masokkate ma'ola'a rosa, ana waugu udde i Ya'u sarun makkuumanni mangitou. I mangitou buatte naṛṛuwo sambau walahanna sarangkanambone watukku pamamuanganna, wuṛṛu nanantilli mangitou su Edom; i mangitou buatte nilumawangnga paaire paggahahawe.

MIKHA 4:11

Manambo walahanna apan naammulle mamangalo si'o, ei Yerusalem! I mangitou nabbisara, “Yerusalem ṛinone ṛimunsaanna! I yami sarun ma'ellega soa udde mabbali winal᷊alanna!”

MIKHA 5:6

Taumatan Israel apan lambene sarun maola'a ere wal᷊angngukka apan masuge wuassu Mawu hunan anambon balahanna, wuṛṛu ere uranna nangansalla su sinuananna. I mangitou sarun mangunsandakka su Ruata wuṛṛu wal᷊ine su taumata.

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

HABAKUK 2:17

I'o mannuwangnga manga aaluanna su mahurangngu Libanon, wuṛṛu orassa indi i'o sassane apan sarun tuwanganna. I'o mammate manga winatangnge, wuṛṛu orassa indi manga winatangnga mamma'utta si'o. Sarangkanambone udde mariaddi ana waugu pamamate wuṛṛu araṛṛagissa apan buatte niolangngu su saruannu manga wanua, manga soa wuṛṛu manga tumanangnge.

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

ZEFANYA 2:8

Mawu Apan Lembontaṛṛino nabbisara, “I Ya'u buatte naaringikka manga wlahannu Moab wuṛṛu Amon mallobbossa wuṛṛu mangngal᷊uandaga uma-U. I mangitou mattal᷊imoṛṛongana naudde manganu leta'u uma-U.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

ZAKARIA 2:9

“Mawu sassane sarun mando'appa si yamiu! Wuṛṛu i yamiu sarun pangaṛṛoannu manga allangngu dorone. Amungkangngu olangnge udde mariaddi, i yamiu sarun maasingkatta manungku Mawu Apan Lembontaṛṛino buatte nandolo'u.”

ZAKARIA 8:5

Manga lal᷊ana su soa sarun mapene apia ringannu al᷊aṛṛana'a apan mannalangnga.

MALEAKHI 3:1

Mawu Apan Lembontaṛṛino sinumimbakka, “Ya'u sarun mandolokku daroloṛṛang-Ku iapasaddia lal᷊ang-Ku. Ne ringannu inaṛṛombanganne i Ya'u, Mawu apan raddeaanni yamiu, sarun dumanta su Wal᷊e-U. Daroloṛṛang-Ku apan aantimanni yamiu udde sarun dumanta wuṛṛu umal᷊iatan paaire-U.”

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

YOHANES 14:26

Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.

YOHANES 17:18

Ere lai Iamangnga suete nandolo-U su runia, aroddi lai Ya'u mandolokki mangitou watukku runia.

WATTI'U MANGA RASUL 9:4

I tou nema'a su leta'a see naaringikka sambau tingikka mabbisara si tou, “Saulus, Saulus! Anio i'o mandal᷊eo si Ya'u?”

TAHIUL᷊E 32:10

I Tou naaratingnga si mangitou tantal᷊anna lullalele su tampa apan mal᷊annaba su wadda'a mal᷊alangnga. Ana see i Tou nallu'adda wuṛṛu nappadul᷊i si mangitou wuṛṛu nandiaga si mangitou naal᷊ihidda pussaa-Ne.

2 TESALONIKA 1:6

I Tou sarun ma'ola'a atatul᷊idda, wuṛṛu sarun mabal᷊issu asasusa su taumata apan napaasusan kamiu.

1 YOHANES 4:14

I yami sassane suete naasilo Ana'u Ruata, wuṛṛu i yami namasingkata manungku i Tou nirolokku Iamangnga maola'a Ratun Punnu Sal᷊amattu runia indi.