ZAKARIA 14:7 - WUKE SUSI WATTI'U AL᷊AL᷊USASSA

⁷ Su allo udde tate lai ararandumma. Allo udde sidutu masemmakka, wuṛṛu lai sutempo ṛabbi. Arawe tumba'u Mawu apan masingkattu allo udde rumanta.

ZAKARIA 14:7 Iomraidhean Croise

DARALO 37:18

Mawu ual᷊u'adda wiakku taumata susi, darotongnga pussa'an mangitou saran mal᷊annu-l᷊annu.

YESAYA 11:9

Su Sion, Wuiddu Ruata Na'ukkassa, tawe al᷊al᷊eo apan manggohakka. Wanua sarun mapenen asingkatta su ola'u Ruata, naal᷊ihidda ua'e namene tahal᷊oangnga.

YESAYA 24:23

Wul᷊anna sarun mabbal᷊i marandumma wuṛṛu matannallo tate lai semakke, ana waugu Mawu Apan Lembontaṛṛino sarun mamarenta maola'a sangkatou ratu. I Tou sarun mamarenta su Yerusalem, su Wuiddu Sion, wuṛṛu mapal᷊iatta'u awawantu-Ge su manga piaṛṛa'u uman-Ne.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

YESAYA 58:10

Onggol᷊eten kanna su taumata apan mal᷊unussa, wuṛṛu ontol᷊ete manga taumata apan aallanganna. Amungkangngu inolaanni yamiu aroddi, ne ararandumma apan uapal᷊iwutta si'o, sarun mabbal᷊i masemakka ere allo.

YESAYA 9:7

Mawu buatte nangema'u ṛuumanna su araratuannu Israel.

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

AMOS 8:9

Sarun a'omanna tempone i Ya'u sarun mapaatuppu matannallo sutempo allattune wuṛṛu runia mabbal᷊i marandumma sutempo allo. I Ya'u, Mawu Apan Atanggaṛṛanne, buatte nabbisara.

MATIUS 24:36

“Tawedu masingkatta allone wuṛṛu oranne, manga mala'ekattu Mawu su surga lai wagga, Ana'u Ruata lai wagga, tumba'u Iamangnga sassane masingkatta.

MARKUS 13:32

“Salaiwe aroddi, tawedu saran sangkatou masingkattu tempo suapa allone ara'e oranne. Manga mala'ekatta su surga lai wagga, Ana'a lai wagga, tumba'u Iamangnga sassane masingkatta.

WATTI'U MANGA RASUL 1:7

Mawu Yesus sinumimbakka, “Iamangku sassane manantunnu allone wuṛṛu tempone. Udde tawe wotongnge asingkatanni yamiu, ana waugu udde apulun Iamangnga.

WATTI'U MANGA RASUL 15:18

apan suete namasingkattu olangnge udde ro'em paarorone.”

WATTI'U MANGA RASUL 17:26

Wuassu sangkatou taumata i Tou nandiaddi anambon walahanna wuṛṛu nandolokki mangitou matana'a su ahewallu runia. Ete i Tou lai apan nanantunna ro'en paarorone, tingngera wuṛṛu suapa i mangitou wotongnge mabbiakka.

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

1 TESALONIKA 5:2

Ana waugu i yamiu sassane masingkatta ringannu masemakka manungku allon darantan Mawu udde sarun rumanta ere taṛṛa ta'o su tempo ṛabbi.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

SONDAPPA 21:25

Manga ngaran soa udde wawu'anna miallo-miallo; tawe iṛṛuuda, ana waugu isudde tawe ṛabbine.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

SONDAPPA 22:5

I mangitou tate mappandumma sol᷊o ara'e semakku matannallo, ana waugu tate ṛabbi lai, wuṛṛu Mawu Ruata sassane sarun manemakka si mangitou. Ne i mangitou sarun mamarenta ere sangkatou ratu saran mal᷊annu-l᷊annu.