ZAKARIA 14:3 - WUKE SUSI WATTI'U AL᷊AL᷊USASSA

³ Wua'udde Mawu sarun inai mapapangalo mando'appa manga walahanna udde, ere buatte niolang-Nge sutempon dorone.

ZAKARIA 14:3 Iomraidhean Croise

2 TAWARIKH 20:15

ne i tou nabbisara, “Tuangnga Apan Mawantuga see lai manga tuṛṛangnga sarangkanambone. Mawu nabbisara manungku i yamiu tawe wotongnge mallome ara'e mata'utta sumaruanna tantara apan manambo udde. Ana waugu apan mapapangalo wal᷊inewe i yamiu, ewe'e Ruata.

NEHEMIA 4:14

Sutempo i ya'u naasilo manungku tumana'a matta'utta, i ya'u nabbisara si mangitou wuṛṛu manga tembonanne see manga piaṛṛa'a, “Arie pa'ata'uttu seetta! Naungete Mawu apan matohassa wuṛṛu masiṛṛungnga, wuṛṛu panahekke hunan manga tuṛṛangngu, manga ana'a, awingngu wuṛṛu wal᷊enu!”

YESAYA 29:7

Wua'udde anambon tantara waine apan mamangalo Yerusalem, soa mezbah Duata, sarangkanambone apan ual᷊iwunna wuṛṛu mammangalo soa udde, sarun mawul᷊i ere wal᷊iawa sutempo ṛabbi.

YOEL 3:2

Anambon walahanna sarun Ta'u iammulla wuṛṛu Ta'u iapidda watukku Wawal᷊annu Pakkuunganna. Ana see i mangitou Ta'u parikisana isudde wuassu al᷊al᷊eone su saruannu uma-U ana waugu i mangitou buatte nattahia leta'u Israel wuṛṛu uma-U niwuangngi mangitou watukku al᷊awo'u wanua.

ZEFANYA 3:19

Tempone sarun dumanta manga allangngu Ta'u ṛimunsaanna, wuṛṛu taumata peṛṛo Ta'u iapasal᷊amatta; anambon taumata niwuangnga Ta'u ehetanna mapul᷊e. Aal᷊uandagi mangitou Ta'u wal᷊uanna mabbali aaddata; suapan tampa, ewe'e lai su ahewallu runia, i mangitou sarun wantuhanna wuṛṛu raloanna.

ZAKARIA 12:9

Su allo udde i Ya'u sarun mamate suapan balahana apan maannamma mamangalo Yerusalem.

YOSUA 10:10

Mawu na'ola'a manga taumatan Amori nassasal᷊iongkakka napawe naasilo tantaran Israel. Manambo taumatan Amori nipate su Gibeon, wuṛṛu iapa ta'e wiakka nienggenanna sussosokka su isendakku wowone su Bet-Horon naddatingnu araune sara Azeka wuṛṛu Makeda su samba'an timukka.

YOSUA 10:14

Tawe saran paassa nariaddi wuṛṛu tate lai mariaddi sambau allo ere allo udde, manungku Mawu naddaringikka apulun taumata. Mawu napapangalo uasamba'a Israel!

YOSUA 10:42

Tumba'u paassa napapangalo, i Yosua namaddon anambon datu udde wuṛṛu nangaṛṛo manga wageangngu leta'a apan paparentanni mangitou, ana waugu Mawu, Ruatan Israel, napapangalo suadio'a ringannu Israel.