ZAKARIA 14:21 - WUKE SUSI WATTI'U AL᷊AL᷊USASSA

²¹ Anambon awali su Yerusalem wuṛṛu su ahewallu Yehuda sarun iṛṛae maola'a pussa'an Mawu Apan Lembontaṛṛino. Tumanangnge apan mangonggollu sasamba sarun mappaattu awali udde pallahanna ṛemessu sasamba. Napawe tempo udde nio'omante, tate lai mabbawal᷊u'a su Wal᷊en Mawu Apan Lembontaṛṛino.

ZAKARIA 14:21 Iomraidhean Croise

NEHEMIA 8:10

Orassa indi apul᷊ete; ante wuṛṛu pa'inumpe ringannu lullala'a. Onggol᷊a'e sambageanganna wuassu anna wuṛṛu anggorenu si mangitou apan awussa. Allo indi allo apan niṛṛae su Mawu kite, nariaddi arie paasusa. Al᷊al᷊uassa apan nionggollu Mawu si yamiu sarun manohassa si yamiu.”

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 4:3

Suapan taumata apan natantangnga su Yerusalem, manga taumata apan nipilen Duata apan sal᷊amatanna, sarun isaggo na'ukkassa.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YEHEZKIEL 44:9

I Ya'u, Mawu Apan Atanggaṛṛanne, mamasingkatta manungku manga taumata raho apan tawe nisunatta wuṛṛu taumata apan tawe tumuṛṛutta si Ya'u, tawe iwala sumutta su Wal᷊e-U. Udde iapaamatta lai su taumata raho apan uatana'a su pattangngannu walahannu Israel.”

YEHEZKIEL 45:1

Tantal᷊anna manga leta'a udde taambe nitahia maola'a leta'a pussa'a suapan ṛuanganna, ṛinone sambau iṛṛae huna Mawu. Leta'a udde al᷊o'engnge ṛinone 12,5 kilometere, wuṛṛu al᷊alakke 10 kilometere. Ahewallu leta'a udde niapasingkatta na'ukkassa.

HOSEA 12:7

Ana waugu udde, ei i yamiu papapulunni Yakub, pangimante Ruatanu wuṛṛu pabbelengke ringanni Tou. Pabbiakke ringannu napenen darangngu wuṛṛu atatul᷊idda, wuṛṛu paṛṛaddote ringannu sabare ma'oman sara Ruatanu mammanara.

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

ZEFANYA 1:11

Lalluaite wuṛṛu sassangitte sutempo i yamiu maaringikka udde ei tumana'u soa su wageangnge wowa, ana waugu anambon mabbawal᷊u'a wuṛṛu manga taumata apan mappaawallassu roitta buatte nate nipate!

ZAKARIA 14:20

Su allo udde manga henta su awal᷊o sarun uitannu manga wisara “Niṛṛae hunan Mawu”. Manga awali Wal᷊en Mawu sarun iaregga lai ere manga mangku su saruannu mezbah.

ZAKARIA 7:6

Wuṛṛu lai sutempo i mangitou u'anna ma'inumma, i mangitou maddea'a haussannu watanganni mangitou sassane.”

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.